3/29/2024
Today from Hiiraan Online:  _
Wararka Maanta- Sabti, July 16, 2011
Soomaalida ku dhaqan Magaalada Borlänge ee Dalka Sweden oo u aayay Dugsi ay ka bartaan Sharciga gaadiidka lagu kaxeeyo (SAWIRRO)


Axad, 17 July 2011(HOL): Soomaalida ku dhaqan magaalada Borlänge oo lagu qiyaaso ku dhawaad 2000 oo qofood ayaa waxay u guntadeen in ay la jaan-qaadaan dhaqdhaqaaqyada bulshadeed ee ka jira dalka Sweden magaalooyinkiisa waa weyn, waxaaney hadda dad magaalada waxbarasho dhinaca theory-ga ah oo ku saabsan sharciyada lagu kaxeeyo gaadiidka.

 

Soomaalida ayaa waxay dhaqdhaqaaqyadan dhinaca is-horumarinta ah bilaabeen sanadihii ugu dambeeyay, waxaana taas u sahlay oo u fududeeyay Urur aan dowli ahayn oo Swedish ah oo ABF lagu magacaabo, kaasi oo Soomaalida ku saaciday in ay helaan meel ay isugu yimaadaan isla markaana ay wax ku bartaan.

 

Kaddib markii ay dadka Soomaaliyeed heleen fursaddaas uga timid dhinaca Ururka ABF ayaa waxay ku guuleysteen in ay sameystaan barnaamijyo waxbarasho ah oo isugu jira barashada luuqadda Swedish-ka oo dadka loogu sharaxayo afka Soomaaliga, barashada shuruucda lagu kaxeeyo gaadiidka oo dadka badankiis ay lagama maarmaan u arkeen.

 


Xaflad lagu qabtay Xaafadda Klöverstigen ee magaalada Borlänge waxaa koorso waxbarasho oo dhinaca sharciyada gaadiid-kaxeynta loogu soo xiray dad badan  oo muddo  bilooyin ah  soo qaadanayay waxbarashadaas, iyadoo ay xusid mudan tahay in ay horay xaruntan wax uga barteen dad kale oo da’aad kala duwan leh.

 

 Siciid Axmed Siyaad oo ah Macallinka dadka bara sharciga  baabuur wadidda, isla markaana ka hadlay xafladda kooraskaas lagu soo xirayay ayaa waxaa wuxuu sheegay in ay si weyn ugu faraxsan yihiin in ay maanta mar kale koorso waxbarasho u soo xirayaan dad Soomaaliyeed oo la baray sharciga kaxeynta gaadiidka, “waxaa aad iyo aad farxad noogu ah in maanta ay dadka Soomaaliyeed heystaan fursad ay ku baranayaan sharciyada baabuur wadidda, waxaana halkan horay wax ugu bartay dad badan oo hadda heysta ruqsadda lagu wado baabuurta”ayuu yiri Siciid Axmed Siyaad.

 


 
“Barnaamijkan aan dadka ku bareyno sharciyada baabuurta lagu wado oo aan af-Soomaali ugu sharaxno waxay dadka ku ogaadeen in ay baran karaan sharciyadaas, halka markii hore ay ka baqi jireen, ayna siyaabo aan sax ahayn ku raadin jireen ruqsadda baabuur wadidda”ayuu mar kale yiri Saciid Axmed Siyaad.

 

Waxaa kale oo xafladda ka hadlay Inj Abuukar Shiikh Xasan oo ka mid ah aqoonyahannada iyo waalidiinta magaalada Borlänge, wuxuuna Injineerku ku guubaabiyay dadkii ku aflaxay waxbarashadan iyo kuwa doonaya in ay hadda bartaan in ay waxbarashada sii siyaadsadaan isla markaana aysan Theory kaliya ku ekaanin.


Xuseen Aabi ayaa oo ka mid ah Odayaasha Magaalada ayaa isna xafladda ka hadlay, wuxuuna sheegay in ay dad badan oo bartay sharciyada gaadiid kaxeynta ay wax lagu faani karo sameeyeen, ayna tallaabo ku dayasho mudan qaadeen.

 

Maxamuud Axmed Sabriye Abuukaate oo ahaa nin muddo 32 sano gaadiid kaxeynayay ayaa dadkii ka qalinjebiyay xaruntan ku boorriyay in ay dadaalaan, ayna deganaan iyo xasilooni muujiyaan marka ay gaadiidka kaxeynayaan, deganaantu dhibaato ma keento ayuuna yiri

 

Maxmed M. Gure oo kamid ah aqoonyahannada Magaalada ayaa isna xafladda ka hadlay wuxuuna kula dardaarmay dadkii xafladda ka qalin-jebiyay ee la baray sharciga gaadiid-kaxeynta ay ka faa’iideystaan wixii ay barteen ayna waqtigooda uga faa’iideystaan sida saxda ah oo aysan waqtiga isaga lumin waxyaabo maalaayacni ah oo aan faa’iido u lahayn.














Click here
7/16/2011 9:43 PM EST
Sabti, 17 July 2011(HOL): Waxaa si habsami leh uga socda Garoonka Spånga IP ee Magaalada Stockholm Tartanka Ciyaaraha Kubadda Cagta xagaaga ee uu sanad walba soo qaban-qaabiyo Ururka SEUKI.

7/16/2011 9:16 PM EST
Axad, 17 July 2011(HOL): Xafladdan lagu soo dhaweynayay madaxweynaha maamul goboleedka Udubland Dr. Ibraahim C/llaahi Caddow ayaa lagu qabtay Magaalada Stockholm ee xarunta ah Dalka Sweden.

7/16/2011 8:37 AM EST
Sabti, July 16, 2011 (HOL) – Wasiirka ganacsiga iyo warshadaha Puntland Xasan Faarax Jaamac ayaa sheegay in burcadbadeedda Soomaaliyeed ay ka afduubeen meel ku dhow dekedda magaalada Boosaaso dooni ay sidday xoolo nool.

7/16/2011 8:33 AM EST
Sabti, July 16, 2011 (HOL) – Xidlhiabanno ka tirsan baarlamaanka KMG Soomaaliya oo maanta kulan ku yeeshay Muqdisho ayaa ka digay in shirka wadatashiga ah lagu qabto meel aan Muqdisho ahayn, iyagoo sheegay in haddii ay taasi dhacdo aysna kasoo bixi doonin go'aanno ay Soomaalidu isku raacsan tahay.

7/16/2011 7:52 AM EST
Sabti, July 16, 2011 (HOL) – Warsaxaafadeed uu maanta soo saaray xisbiga PDP oo ah xisbi nabadeed oo ka jira Soomaaliya ayaa soo saaray warbixin ku saabsan abaaraha dalka jira, isagoo baaqyo u diray dowladda KMG ah, Xarrakada Al-shabab iyo Shacabka Soomaaliyeed.

7/16/2011 7:44 AM EST
Sabti, July 16, 2011 (HOL) – Hay'adda Midowga Dhalinyarada Soomaaliyed UYS ayaa maanta Magaalada Muqdisho ugu qabatay ilaa 200-haween ka socday qeybaha bulshada, kaasoo diirada lagu saarayay sida bulshada naafeysay dagaalada ilaa heer degmo dib u dejin loogu sameyn karo.

7/16/2011 7:08 AM EST
Sabti, July 16, 2011 (HOL) – Qoysas cusub oo barakacayaal oo ka yimid qeybo katirsan gobollada Dalka soomaaliya oo ay ka jiraan abaaro aad u daran ayaa waxa ay mudooyinkan danbe kusoo qulqulayaan magaalada Kismaayo ee xarunta gobolka Jubbada hoose.

7/16/2011 7:07 AM EST
Sabti, July 16, 2011 (HOL) – Jamciyadda gargaarka ee Sayib oo ka mid ah hay'daha maxalliga ah ee ka howgala gudaha Soomaaliya ayaa baco u qaybisay barakcayaal abaaraha uga soo hayaamay deegaannadoodii oo soo gaaray Muqdisho.

7/16/2011 3:41 AM EST
Sabti, July 16, 2011 (HOL) – Dowladda Britain ayaa sheegtay inay gargaar u fidinayso qoxootiga Soomaaliyeed ee ku jira xeryaha Dhadhaab ee dalka Kenya, kuwaasoo ka cararay abaaraha iyo colaadaha ka taagan dalka Soomaaliya.

7/16/2011 3:14 AM EST
Sabti, July 16, 2011 (HOL) – Maamulka Xarrakada Al-shabaab ee gobolka Banaadir ayaa ku baaqay in gargaar deg-deg ah lasoo gaaraan barakacayaasha ku sugan degmooyinka ay kaga sugan yihiin gobolka Banaadir.

7/16/2011 3:10 AM EST
Sabti, July 16, 2011 (HOL) – Ugu yaraan laba cunug ayaa ku dhintay mid kalena wuu ku dhaawacmay bam gacmeed ay ku ciyaaraiyeen, taasoo kula qaraxday deegaan laba kiiloo-mitir ka baxsan degmada Xudur ee gobolka Bakool.

7/16/2011 3:05 AM EST
Sabti, July 16, 2011 (HOL) – Xoogag la rumeysan yahay in Xarrakada Al-shabaab ay taabacsan yihiin ayaa ku gubay shalay Jimco ahayd gallinkii dambe deegaan u dhexeeya degmooyinka Baladxaawo iyo Garbahaarey ee gobolka Gedo gaari ay dawo ku rarnayd oo la sheegay in loogu talogalay dadka abaaruhu saameynta ku yeesheen ee ku sugan gobolkaas.

7/16/2011 2:40 AM EST
Sabti, July 16, 2011 (HOL) – Ergeyga gaarka ah ee xoghayaha guud ee Qarammada Midoobay u qaabilsan arrimaha Soomaaliya, danjire Augustine P. Mahiga, ayaa ugu hambalyeeyay madaxda siyaasadda Soomaaliya, gaar ahaan madaxweyne Shariif Sheekh Axmed iyo guddoomiyaha baarlamaanka Shariif Xasan Sheekh Aadan sida ay u muujiyeen inay ka go’antahay meel-marinta nabadda iyagoo hirgelinaya heshiiskii Kampala iyo sida dhakhsaha leh ee ay xildhibaannada baarlamaanka Soomaaliyeed u ansaxiyeen heshiiskaas.

7/16/2011 2:39 AM EST
Sabti, July 16, 2011 (HOL) – Maamulka Xarakada Al shabbab ee gobbalada jubbooyinka ayaa maanta isku shaandheyn ku sameeyay maamulkii horay oga dhisnaa degmada Salagle ee gobbalka jubbada dhexe, waxaana ay arintani ay ka dambaysay kadib markii maalmahaan dambe Saraakiil ka tirsan Xarakada Al shabbab ay booqosho indha-indhayn ah ay ku sameenayeen maamulada ka dhisan degooyinka gobbalka jubbda dhexe ee hoostaga Xarakada Mujaahidiinta Al-shabbab.