Arbaco, Mar 31, 2010 (HOL) — Madaxweynaha Soomaaliya Sheekh Shariif Sheekh Axmed iyo Madaxweynaha Puntland D. C/raxmaan Sheekh Maxamed Faroole oo kulan ku yeeshay Magaalada Addis
Ababa ee dalka Itoobiya ayaa heshiis ka gaaray khilaaf u dhexeeyay.
Shirkan oo ka dhacay Hotel Shaaraton ee Magaalada Addis Ababa ayaa socday saacado, waxaana ka qaybgalay xubno ka kala socday Dowladda Soomaaliya iyo Puntland iyadoo ugu dambeyn lagu gaaray heshiis is afgarad ah.
Mas'uul ka tirsan wafdiga Madaxweyne Sheekh Shariif ayaa sheegay in shirkan uu ahaa mid aan horay loo qorsheyn balse labada Madaxweyne ay si kadis ah u yeesheen, waxaana uu xusay in labada dhinac ay ku heshiisiiyeen inay wada shaqeeyaan.
La-taliyaha gaarka ah ee Ra'iisul wasaaraha Soomaaliya Cali Cabdi Awaare oo ka mid ahaa xubnihii ka qabgalay shirka ayaa BBC-da u sheegay in labada dhinac ay mar kale ballameen si ay u dhameystiraan is-afgaradkan ay gaareen.
"Waxaa lagu heshiiyay in labada dhinac ay si wadajir ah u wada shaqeeyaan ayna mar kale shir isugu yimaadaan, waxaana shirka looga hadlay khilaafyadii hore u jiray" ayuu yiri Awaare oo ka gaabsaday inuu bixiyo faahfaahin intaas ka badan.
Khilaafka ay maanta ka heshiiyeen Dowladda Soomaaliya iyo Puntland ayaa wuxuu ahaa mid ka dhashay heshiisyo ay horay ugu gaareen Gaalkacyo Puntland iyo Dowladda Soomaaliya, kaasoo uu dhanka Xukuumadda u saxiixay Ra'iisul wasaare Cumar C/rashiid, iyadoo labadan mas'uul ay isku khilaafeen shir ay hogay ugu yeesheen Nairobi.
Dhanka kale, Madaxweyne Sheekh Shariif ayaa sidoo kale la kulmay Ra'iisul wasaaraha dalka Itoobiya Meles Zenawi iyagoo kawada hadlay sidii ay labada dal ee dariska ah isku kaashan lahaayeen.
Madaxweynaha Somalia oo ka yimid dalka Libya ayaa lagu wadaa inuu sidoo kale safar ku tago dalka Jabuuti, halkaasoo uu kulamo kula yeelan doono Madaxweynaha dalkaas Ismaaciil Cumar Geelle.
Maxamed Xaaji Xuseen, Hiiraan Online
[email protected]
Muqdisho, Soomaaliya
Dowladda Soomaaliya iyo Punland oo heshiis ka gaaray khilaaf u dhexeeyay kaddib markii ay kulmeen Madaxweyne Sheekh Shariif iyo Dr. C/raxmaan Faroole
More News
- Dagaal khasaare nafeed geystay oo beelo Soomaali ah ku dhexmaray Deegaannada Bacaadweyne iyo Camaaro ee Gobolka Mudug
- Ra'iisul wasaaraha Soomaaliya Cumar C/rashiid oo maanta booqasho ku tagay guriga Golaha Shacabka oo la dayactiray
- Xarrakada Al-shabaab oo howlgallo lagu burburinayay qubuuraha Afarta Macallin oo ku yaalla degmada Kaaraan ee Magaalada Muqdisho
- Roobab Xoogaan oo Xalay ilaa saaka ka da'ayay qaar kamid ah deegaanada ku yaal galbeedka gobolka j/hoose.
- Dadaallo lagu dhex dhexaadinayo labo Beelood oo horay u dagaalamay ayaa ka soconaysa Magaalada Galkacyo ee G/Mudug
- SHEEKH XASAN DAAHIR AWEYS: "Dagaallada aan ku jirno ma joojinayno inta aan ka gaarayno hadafkeenna, waxayna qaadan karaan sanooyin"
- Dowladda Mareykanka oo ka fikireysa sidii ay uga qeyb qaadan laheyd qorshaha Dowladda Soomaaliya ku dooneyso in ay dalka uga saarto Xoogagga ka soo horjeeda.
- Madaxweynaha dalka Kenya Mwai Kibaki oo diiday codsi kaga yimid Madaxweynaha Soomaaliya Sheekh Shariif Sheekh Axmed