12/14/2019
Today from Hiiraan Online:  _
Wararka Maanta- Arbaco, Mar 31, 2010
Xarrakada Al-shabaab oo howlgallo lagu burburinayay qubuuraha Afarta Macallin oo ku yaalla degmada Kaaraan ee Magaalada Muqdisho


Arbaco, Mar 31, 2010 (HOL) — Guddiga u xilsaaaran qabriyo burburinta Xarrakatul Shabaabul Mujaahidiin ayaa maanta burburiyay qabriyo ku yaalla degmada Kaaraan, iyadoo qabriyadaas ay ku aasnaayeen culummo si weyn loo yaqaan.

Qubuuraha maanta la burburiyay ayaa waxay ku yaalleen Degmada Kaaraan ee Magaalada Muqdisho waxaana lagu magacaabaan Afarta Macallin, iyadoo mas'uulka u qaabilsan Xarrakada Burburuinta Qabriyada uu sheegay in howlgalladooda ay socon doonaan illaa berri.

"Waxaan maanta burburinnay Qabriyo ay ku duugnaayeen Afar Macallin oo ku dhex yaallay Majid, waxaana ay ahaayeen meel ay barakeysan jireen dadka uu ku cuslaato barashada Qur'aanka iyo xifdintiisa" ayuu yiri Sheekh C/kariin Abuu-Yuusuf.

Mas'uulkan, wuxuu sheegay inay maalinta berri ah sidoo kale burburin doonaan qabri uu ku aasan Sheekh lagu magcaabo Axmed Dheere, kaasoo uu sheegay inuu ka mid yahay kuwa ay barakeystaan dad rumeysan Sheekhaas.

Howlahan lagu burburinayo Qabriyada ayaa waxay socdeen 9-maalmood iyadoo horay loo soo burburiyay qubuuro ay ku aasnaayeen culummo si weyn loo yaqaan, iyadoo dadweyne ka careysan falalkaan ay mudaaharaad ay kaga horjeedaan Xarrakatul Shabaab ka dhigeen Muqdisho.

Burburinta Qarbiyada ayay ku sheegeen Mas'uuliyiin u hadlay Xarrakatul Shabaab inay yihiin kuwo ay kaga hortagayaan shirki ay sheegeen in Alle loo sameynayo, isla markaana aysan joojin doonin inta ay suulinayaan shirkigaas.
 
Maxamed Xaaji Xuseen, Hiiraan Online
[email protected]
Muqdisho, Soomaaliya








Click here
3/31/2010 11:47 AM EST
Arbaco, Mar 31, 2010 (HOL) — Madaxweynaha Soomaaliya Sheekh Shariif Sheekh Axmed iyo Madaxweynaha Puntland D. C/raxmaan Sheekh Maxamed Faroole oo kulan ku yeeshay Magaalada Addis Ababa ee dalka Itoobiya ayaa heshiis ka gaaray khilaaf u dhexeeyay.

3/31/2010 11:44 AM EST
Arbaco, Mar 31, 2010 (HOL) — Dagaallo ay ku dhinteen ugu yaraan 23-qof oo u badan dhinacyadii dagaalamay ayaa maanta ka dhacay deegaanka Baraag-Ciise oo 30-ka dhinaca Galbeedka ka xigta deegaanka Bacaadweyne ee Gobolka Mudug.

3/31/2010 11:42 AM EST
Arbaco, Mar 31, 2010 (HOL) — Ra'iisul wasaaraha Soomaaliya Cumar C/rashiid Cali Sharma'ake ayaa maanta booqasho ku tagay Golaha shacabka oo dayactir dib loogu dhisayo uu ka socdo, qayb ka mid ah la dhameeyay.

3/31/2010 6:10 AM EST
Arboco, March 31, 2010 (HOL) - Roobab xoogan oo ay ku diirsadeen dadka iyo duunyada ayaa xalay ilaa saaka waxa ay si xoogan uga da'ayaan deegaanada ku yaal galbeedka gobolka j/hoose.

3/31/2010 6:07 AM EST
Arbaco, Mar 31, 2010 (HOL) Qaar ka mid ah odayasha Gobolka Mudug ayaa markii ugu horaysay ka hadlay dadaallo ay ku doonayaan in lagu dhex dhaxaadiyo labo beelood ku wada dagaalamay meelo kamid ah Puntland.

3/31/2010 6:04 AM EST
Arbaco, Mar 31, 2010 (HOL) — Sheekh Xasan Daahir Aweys oo ah hoggaamiyaha ururka Xisbul Islaam oo shir jaraa'id ku qabtay Muqdisho Talaadadii shalay ayaa kaga hadlay arrimo badan oo ay ka mid yihiin doomo ganacsi oo ay afduubeen burcadbadeeda.

3/31/2010 6:00 AM EST
Arbaco, 31, Mar, 2010 (HOL) Sida laga soo xigtay Wasaarrada Gaashaandhiga iyo hogaanka Militariga dalka Mareykanka waxaa jirra qorshe Dowladda Mareykanku ka fikireyso oo ah suurta galnimada in loo dirro dalka Soomaaliya diyaaradaha aan cidana wadin ee wax basaasa iyo ciidamo kooban oo ka tirsan

3/31/2010 5:55 AM EST
Arbaco, Mar 31, 2010 (HOL) — Madaxweynaha Soomaaliya Sheekh Shariif Sheekh Axmed ayaa u diray warqad codsi ah oo uu ku doonayo in ciidamo lagu tababaray dalka Kenya loo raro Magaalada Muqdisho si ay uga qaybgalaan dagaalka ay Dowladdu ku doonayso inay kaga hortagto mucaaradka, balse codsigaas waxaa diidday Kenya.