Wixii warbixin dheeraad ah, la xiriir:
Sara Rohde
612-230-3362
srohde@mihv.org
LOOGU TALA GALAY IN ISLA
MARKIIBA LA SII-DAAYO
Saint Paul, Minn. – Cigaal Shiidad: Sheekooyinka Caafimaad ee Soomaaliyeed waxa ay hawada ka siideyn doonaan barnaamij ku saabsan caafimaadka maskaxda 6da Oktoobar 7:30 fiidnimo oo ka baahi doona KFAI FM 90.3/106.7 iyo SPNN Channel 19. Barnaamijkani ugu horayn waxa loogu tala-galay xubnaha jaaliyadda Soomaaliyeed, iyadoo la isticmaalayo luuqada Soomaaliyeed iyo qaybo ka mid ah dhaqanka Soomaaliyeed si loo gaadhsiiyo macluumaad iyo oo isla markaana la yareeyo carqaladaha la xiriira caafimaadka maskaxda.
Cigaal Shiidad wuxu isticmaali shakhsiyo caan ah oo ku sal leh sheeko-dhaqameedka Soomaaliyeed si dhagaystayaasha iyo daawadayaasha ula socdaan waxyaalaha soo-maray hal nin oo qaba cudurka maskaxda ka dib marka uu yimid Mareykanka. Waraysiyada la soo ban-dhigayo waxa ay ka hadlayaan argtida kala-duwan ee dhaqameed oo ku saabsan caafimaadka maskaxda iyo canbaaraynta bulsho, oo isla markaana bixiya macluumaad ku saabsan ilo-gacan qabad oo Quraankuna ku jiro.
Mashruucan waa natiijada ka soo baxday dadaal wada-shaqayn oo u dhexeeysa ECHO, Midowga Bulshada Soomaaliyeed ee Minnesota (Confederation of Somali Community in Minnesota (CSCM)), Soo-Saaraha Soomaaliyeed Mukhtar Gaaddasaar, Raadyaha KFAI Fresh Air, iyo SPNN.
Cigaal Shiidad: Sheekooyinka Caafimaad ee Soomaaliyeed waxa hawada laga siideyn 6da Oktoobar ee 7:30fiidnimo oo laga baahin KFAI Radio iyo SPNN Channel 19. Wixii warbixin dheeraad ah, booqo www.newroutes.org/projects/egalshidad.
Cigaal Shiidad, Sheekooyinka Caafimaad ee Soomaaliyeed waa mashruuc xoojinaya qoysaska qaxootiga Soomaaliyeed oo looga tabinayo sheekooyin wax laga barto oo fiidiyow ah, raadyow ah iyo luuqada Ingiriisida oo la xiriira nololaha caafimaad qaba. Waxa lacag ugu-deeqay Ururka Sama-fal ee Robert Wood Johnson iyo Ururka Sama-fal ee Benton, Wadeegayaasha Cigaal Shiidad oo ku-jirto Ururka Cilmi-Baarista Degmooyinka Minnesota (Minnesota Counties Research Foundation-ECHO), Midowga Bulshada Soomaaliyeed (Confederation of Somali Community), Shabakadda Xaafadaha Saint Paul (Saint Paul Neighborhood Network (SPNN)), Raadyaha Bulsho ee KFAI Minneapolis iyo Saint Paul (KFAI Community Radio Minneapolis and Saint Paul), MN. ###