11/6/2024
Today from Hiiraan Online:  _
Wararka Maanta- Axad, Nov 3 , 2024
NISA oo ku dhawaad 30 xubnood Al-shabaab uga dishay gobolka Shabeellaha Dhexe
 

Axad, November, 3, 2024 (HOL) - Taliska hay'adda Nabadsugida iyo Sirdoonka Qaranka Soomaaliyeed ee NISA ayaa faahfaahin ka bixiyay howlgalo qaatay in ka badan 12 saacadood oo ay ka fuliyeen deegaanka Yaaqle ee gobolka Shabeellaha Dhexe.

Warsaxafadeed kasoo baxay hay'adda NISA ayaa lagu sheegay in howlgalada lagu dilay 27 xubnood oo ka tirsan Al-shabaab, kuwaas oo isugu jiray horjoogayaal iyo maleeshiyaad.

NISA ayaa sheegtay in howlgalada laga fuliyay goob isku aruursanayeen xubnaha ka tirsan Al-shabaab, islamarkaana howlgalka uu ahaa mid u dhacay sidii loo qorsheeyay.

Warsaxafadeedka NISA ayaa sidoo kale lagu sheegay in howlgalada lagu burburiyay gaadiid dagaal iyo saanad ciidan oo ay wateen xubnaha ka tirsan Al-shabaab.

Hoos ka akhriso Warsaxafadeedka kasoo baxay hay'adda NISA oo dhameystiran:-