Isniin, Agoosto, 19, 2024 (HOL) - Qaramada Midoobay ayaa ugu baaqday dhammaan dhinacyada isku haya Soomaaliya inay ixtiraamaan oo ay ilaaliyaan rayidka iyo shaqaalaha gargaarka bini'aadantinimo.
George Conway, isku duwaha arrimaha bini’aadantinimada ee Soomaaliya oo ka hadlayay munaasabad lagu xusayay maalinta bini’aadantinimada aduunka, ayaa ku baaqay in la ilaaliyo kuwa safka hore kaga jira dadaalada bini’aadantinimo.
"Waa inaan ka tarjumaynaa oo aan ixtiraamnaa shaqaalaha gargaarka ee inta badan la beegsado ama la hor istaago iyagoo ku dadaalaya inay caawiyaan kuwa baahan," ayuu yiri Conway.
Soomaaliya ayaa weli wajahaysa mid ka mid ah dhibaatooyinka bini’aadantinimo ee ugu daran adduunka, kuwaas oo ay ka dambeeyaan jahawareerka cimilada ee soo noqnoqda, iskahorimaadyada daba dheeraaday, iyo dhaqaale-xumada.
280 shaqaale gargaar ah ayaa lagu dilay 33 waddan sannadkii hore, 2023. Waxay calaamad u tahay sannadkii ugu dhimashada badnaa ee bulshada bini'aadantinimo ee adduunka. OCHA ayaa sidaas ku sheegtay bayaan ay soo saartay.