3/28/2024
Today from Hiiraan Online:  _
Wararka Maanta- Arbaco, May 24, 2023
Danjire Larry André: Deni labo jeer ayaan kala hadlay inuu ka qeyb galo shirka wadatashiga, jawaabna ima siinin
 

Arbaco, May 24, 2023 (HOL) - Safiirka xilka ka sii tegaya ee Maraykanka u fadhiya Soomaaliya, Larry André ayaa wareysi uu siiyay BBC Soomaaliya uga hadlay khilaafka u dhexeeya Dowladda federalka iyo Puntland.

Danjire Larry André ayaa sheegay inay muhiim tahay in ay dhacaan shirar wadaxaajood, sida kan madasha qaranka oo ay iska dhex arkaan Soomaalida oo dhan, si xal looga gaaro khilaafyada siyaasadeed ee haatan jira.

Safiirka Maraykanka ayaa sheegay in wax fiican aysan ahayn in madaxweynaha Puntland Siciid Deni uu ka maqnaado kulamada Golaha Wadatashiga Qaran ee Soomaaliya.

“Kuma raacsani oo xitaa waan u sheegay Madaxweyne Deni in kulamadaas ay ka maqnaato Puntland. Maamul goboleedkaas waxa uu ahaa mid Soomaaliya ka tirsan oo si habsami leh u shaqeynayey muddo 25 sano ah. Waxa uu leeyahay qibrad muhiim ah oo uu la wadaagi karo Soomaaliya inteeda kale.”

Andre wuxuu sheegay, si guul looga gaaro Soomaaliya, inay muhiim tahay in Puntland ay qeyb ka tahay geeddi socodka dowladnimada Soomaaliya. Wuxuu sheegay inuu madaxweyne Deni laba goor kala hadlay inuu qeyb ka ahaado kulamada wadatashiga, balse wuxuu sheegay in wax jawaab ah uusan siin.

Hadalka Danjiraha Maraykanka ee Soomaaliya ayaa imaanaya, iyadoo haatan beesha caalamka ay madaxweynaha Puntland Siciid Deni ku boorinayaan inuu ka qeyb galo kulamada soo socda ee golaha wadatashiga qaran.

Puntland iyo Dowladda federalka ayaa siyaasad ahaan meel adag haatan kala joogo, waxaana khilaafka horey u jiray dab kusii shiday, kaddib markii madaxda dalka ugu sarreysa ay ka digeen doorashada Puntland, iyagoo sheegay in qalalaase amni uu ka dhalan karo.












Click here
5/24/2023 4:01 PM EST
Arbaco, May, 24, 2023 (HOL) - Safiirka cusub ee Ingiriiska ee Soomaaliya Amb Mike Nithavrianakis iyo Madaxweynaha Somaliland Muuse Biixi Cabdi, ayaa ka wada hadlay dagaalka Laascaanood iyo doorashooyinka.

5/24/2023 2:07 PM EST
Arbaco, May 24, 2023 (HOL) - Guddiga doorashooyinka Puntland ayaa hakiyay doorashada saddex degmo oo ay kamid tahay Garowe, sababa la xiriira xaaladda amni iyo dhacdooyinkii lidiga ku ahaa doorashada ee ka dhacay Garowe.

5/24/2023 1:58 PM EST
Arbaco, May, 24, 2023 (HOL) - Colaad laba beelood ku dhexmartay gobolka Togdheer ee Somaliland ayaa ugu danbayn maanta xal buuxa laga gaadhay.

5/24/2023 10:07 AM EST
Arbaco, May 24, 2023 (HOL) - Warar dheeraad ah ayaa kasoo baxaya qarax duhurnimadii maanta ka dhacay xaafada Howlwadaag ee magaalada Baledweyne, kaasoo ay ka hortageen ciidamada amaanka degmada Baledweyne.

5/24/2023 8:26 AM EST
Arbaco, May 24, 2023 (HOL) - Doorashada golaha degaanka ee degmooyinka Garowe, Dangorayo iyo Godobjiraan, ayaa lagu wadaa in dib loo dhigo, kaddib markii ciidamo maleyshiyaad ah oo ka amar qaata siyaasiinta mucaaradka ay ka hor yimaadeen.

5/24/2023 8:04 AM EST
Arbaco, May 24, 2023 (HOL) - Madaxweynaha dowladda Soomaaliya, Xasan Sheekh Maxamuud ayaa maanta oo Arbaco ah magaalada Muqdisho ku furay shirka Golaha Wadatashiga Qaran ee Soomaaliya.

5/24/2023 2:56 AM EST
Arbaco, May 24, 2023 (HOL) - Warar dheeraad ah ayaa kasoo baxaya dil Xalay kooxo hubeysan ay ugu geysteen degmada Dharkeenleey ee magaalada Muqdisho wiil dhalinyaro ah oo ka mid ahaa ganacsatada degmadaas.

5/24/2023 2:21 AM EST
Arbaco, May 24, 2023 (HOL) - Iyadoo 24 saac wax ka yar ay ka harsan tahay doorashada golayaasha deegaanka Puntland, ayaa koox dabley ah waxay weerar ku qaadeen sanaadiiq doorashada oo loo waday degmada Burtinle iyo degaano hoos yimaada.

5/24/2023 2:00 AM EST
Arbaco, May 24, 2023 (HOL) - Warsaxafadeed kasoo baxay dowladda Fedaraalka Soomaaliya ayaa lagu sheegay in mid ka mid ah Horjoogayaasha kooxda Al-shabaab lagu dhaawacay hawlgal wadajir ah oo degmada Jilib ay ka fuliyeen ciidanka dowladda Soomaalya iyo saaxiibada caalamiga ah.