3/28/2024
Today from Hiiraan Online:  _
Wararka Maanta- Isniin, May 22, 2023
Maxkamadda ciidamada oo xukuntay askartii ka dambeysay shaqaaqadii isgoyska Siinaay

Isniin, May 22, 2023 (HOL) - Cabdulqaadir Xasan Cabdulle (Sheelare) oo ahaa askari dowladda katirsan, kaasoo lix qof oo shacab ah ku dilay qori Dhashiike ah intii lagu gudo jiray shaqaaqo ka dhacday isgoyska Siinaay ee degmada Yaaqshiid, ayaa maanta lagu xukumay dil toogasho.

Askarigaan ayaa sidoo kale dhaawacay afar qof oo kale, kuwaas oo haatan ku jira xaalado adag. Sheelare wuxuu qeyb ka yahay askar maanta xukunno dil ah lagu riday, kuwaas oo ay ku caddaatay in ay masuul ka ahaayeen dadkii ku dhintay shaqaaqadaas.

Maxkamadda ciidamada ayaa sidoo kale Axmed Cismaan Mire Fiidow (Dhegaweyne), Maxamuud Cabdi Maxamuud Nuur (Abooto Koris) iyo Cabdullaahi Isxaaq Ibraahim (Boorow) oo katirsanaa ciidanka Dowladda waxay ku ridday xukun dil ah.

Askartan ayaa lagu helay inay ka dambeeyeen shaqaaqadii dhawaan ka dhacday isgoyska Siinaay, iyagoo dilay labo askari oo katirsanaa ilaalada guddoomiyaha degmada Yaaqshiid, Saleebaan Maxamuud Fargax oo laftiisu ku dhaawacmay shaqaaqadaas.

Maxkamadda ayaa sidoo kale xukunno xabsiyo ah ku ridday askar kale oo kiiskaan ku eedeysan, kuwaas oo lagu kala xukumay shan illaa saddex sano oo xabsi ah.












Click here
5/22/2023 2:30 PM EST
Isniin, May 22, 2023 (HOL) - Beesha caalamka ayaa Puntland ku bogaadisay sida ay uga go'antahay inay ka mirodhaliyaan ballanqaadkooda ku aadan hirgalinta nidaamka dimoqraadiyadda.

5/22/2023 12:25 PM EST
Isniin, May 22, 2023 (HOL) - Dowladda Itoobiya ayaa shaaca ka qaaday khasaaraha dhabta ah ee ka dhashay dagaalkii mudada labada sano ah ka socday gobolka Tigray, kaas oo dhinacyadii uu dagaalku ka dhaxeeyay ay dhawaan heshiiyeen.

5/22/2023 4:36 AM EST
Isniin, May 22, 2023 (HOL) - Sarkaal ciidan oo horey usoo noqday taliye ku xigeenkii ciidanka ilaalada ee garoonka diyaaradaha ee magaalada Garowe ayaa saakay lagu dilay magaalada Garowe.

5/22/2023 4:01 AM EST
Isniin, May 22, 2023 (HOL) - Warar dheeraad ah ayaa kasoo baxaya howlgalo qorsheysan oo ay Xalay ciidanka dowladda ka sameeyeen degmada Howlwadaag ee magaalada Muqdisho, kaasoo lagu soo qabtay xubno ka tirsan Al-shabaab iyo waxyabaaha maanka dooriya.

5/22/2023 2:30 AM EST
Isniin, May 22, 2023 (HOL) - Ciidamada Booliska Soomaaliya iyo kuwa Midowga Afrika ee AMISOM ayaa ku heshiiyey in sare loo qaado amniga dowlad goboleedka Hirshabeelle kadib wada hadalo magaalada Jowhar ku dhex maray taliyeyaasha labada dhinac.

5/22/2023 2:19 AM EST
Isniin, May 22, 2023 (HOL) - Wabiga Shabeelle ee dhexmara gudaha magaalada Baledweyne ee xarunta gobolka Hiiraan oo sagaalkii bishaan ku fatahay xaafadaha Baledweyne oo sababatay barakaca kumanaan qoys ayaa saacadahii lasoo dhaafay bilaabay inuu ka naqo xaafadaha qaar.

5/22/2023 2:11 AM EST
Isniin, May 22, 2023 (HOL) - Dadka ku nool tuulooyinka xuduudka Kenya iyo Soomaaliya ee ismaamulka Lamu ayaa aad ugu farxay kadib markii lagu dhawaaqay in 90 maalmood gudahood la furayo xadka Kenya iyo Soomaaliya.