3/28/2024
Today from Hiiraan Online:  _
Wararka Maanta- Sabti, May 20, 2023
Crisis Group: Waxa la gaadhay xiligii Somaliland iyo Dhulbahante wadahadli lahaayeen

Sabti, May, 20, 2023 (HOL) - Hay'adda Xasaradaha Adduunka ee International Crisis Group, ayaa dhinacyada Laascaanood ku dagaalamaya ugu baaqday in ay wadahadlaan.

Hay'adda xasaradaha oo soo saartay warbixin ku saabsan dagaalka Laascaanood ayaa ku baaqday in xabada la joojiyo oo wadahadal layskugu yimaado.

"Ciidanka Somaliland iyo maleeshiyaadka Dhulbahante ayaa ku dagaalamaya xukumida Laascaanood, Dhulbahantuhu waxay rabaan in ay ku biiraan Soomaaliya halkii ay qayb ka mid noqon lahaayeen qaran dhiska Somaliland, dhinacyadu waa in ay joojiyaan xabada oo ay u diyaar garoobaan wadahadal" ayaa lagu yidhi warbixinta.

Waxa warbixinta lagu sheegay in dhinacyadu ay libin laabeen dhaqdhaqaaqyada dagaal, isla markaana uu mid kasta qoranayo dagaalyahano cusub, taasi oo dagaalka ku fidin karta qaybaha kale ee gobolka Sool, dhaawicina kartana nabadgalyada dhibka loosoo maray ee Somaliland.

Waxa lagu xusay in si loo wadahadlo oo dhinacyadu ay matalayaal lagu kalsoonaan karo miiska ukeenaan in Dhulbahante magacaabo guddi dheelitiran, isla markaana dhinaca Somaliland ay qabato doorashooyin si loo helo xukuumad sharci ah.

Warbixinta ayaa xustay in dhowr jeer Somliland ku dhawaaqday xabad joojin hal dhinac ah, lakiin aanu dhinacna ixtiraamin xabad joojinta. Warbixintan ayaa imanaysa xili xiisada dagaal ee Laascaanood ay kasii darayso.












Click here
5/20/2023 11:22 AM EST
Sabti, May, 20, 2023 (HOL) - Ciidanka Nabadsugida iyo Sirdoonka Qaranka Soomaaliya ayaa Maanta markale dekada magaalada Muqdisho ku qabtay agab iyo saanad ciidan oo la sheegay in loo waday kooxda Al-shabaab.

5/20/2023 10:07 AM EST
Sabti, May, 20, 2023 (HOL) - Raysal Wasaaraha Xukuumada Federaalka Soomaaliya Xamsa Cabdi Barre ayaa Maanta magaalada Muqdisho ka furay Shirweynaha Qaran ee dhallinyarada Soomaaliyeed oo lagu dhaqan gelinayo Siyaasadda Qaran ee Dhallinyarada.

5/20/2023 9:39 AM EST
Sabti, May, 20, 2023 (HOL) - Warar dheeraad ah ayaa kasoo baxaya dagaal khasaare badan geystay oo saacadahii lasoo dhaafay ka dhacay duuleedka degmada Wanlaweyn ee gobolka Shabeellaha Hoose, kaasoo dhexmaray laba maleeshiyo beeleed oo walaalo ah.

5/20/2023 5:45 AM EST
Sabti, May, 20, 2023 (HOL) - Daahir Maxamed Cali ( Daahir Baasto ) oo ahaa Guddoomiye ku xigeenka Ururka ONLF ayaa is casilay, kaddib markii uu Daahir baasto ku eedeeyay hoggaanka ONLF inuu ururka ka leexiyay wadadii loo aasaasay oo ahayd inay ka tarjumaan baahiyaha Shacabka dowlad degaanka Soomaalida.

5/20/2023 3:41 AM EST
Sabti, May, 20, 2023 (HOL) - Madaxweynaha maamulka Puntland, Siciid Cabdullaahi Deni ayaa sheegay inay koox yar kasoo horjeedaan doorashooyinka dimuqraadiyadda, isagoo kooxdaas ku tilmaamay kuwo riyoonaya.

5/20/2023 3:09 AM EST
Sabti, May, 20, 2023 (HOL) - Madasha siyaasiyiinta mucaaradka Puntland ayaa sheegay in aysan ka warqabin ama aysan diidin wadahadallo looga hadlayo muranka doorashada Puntland.

5/20/2023 2:50 AM EST
Sabti, May, 20, 2023 (HOL) - Madaxweynaha dowladda Fedaraalka Soomaaliya Xasan Sheekh Maxamuud oo ku sugan wadanka Boqortooyada Sacuudi Carabiya ayaa kulan kula qaatay halkaasi dhaxal sugaha dalka Sacuudiga Amiir Maxamed Binu Salmaan.

5/20/2023 1:03 AM EST
Sabti, May, 20, 2023 (HOL) - Hey'adda Lacagta Adduunka ee IMF ayaa warbixin ka soo saartay qiimaynta hannaanka dib-u-eegista 5-aad ee Barnaamijka Deyn Cafinta Soomaaliya.