3/29/2024
Today from Hiiraan Online:  _
Wararka Maanta- Isniin, Mar 13, 2023
Dowladda Soomaaliya oo xukun dil ah ku fulisay askar katirsanaa ciidanka Booliiska
 

Isniin, Maarso, 13, 2023 (HOL) - Maxkamadda ciidamada qalabka sidda ee Soomaaliya, ayaa saakay xukun dil ah ku fulisay labo askari oo katirsanaa ciidanka dowladda.

Cabdi Shakuur Axmed Maxamuud iyo Cabdi Jamaal Cabsullaahi oo kawada tirsan ciidanka Booliiska Soomaaliya ayaa lagu fuliyay xukun qisaas ah sida ay maxkamaddu sheegtay.

Cabdishakuur ayaa horey u dilay Xasan Maxamed Shire oo ay Boliiska kawada tirsanaayeen. Halka
Cabdi Jamaal Cabdullaahi Xayle uu isna dilay Cabdixakiin Maxamuud Khaliif oo uu dhacayay.

Hay'adaha garsoorka dalka ayaa muddoyinkii ugu dambeeyay dadajinayay caddaaladda ku fulinta dadka ku xukuman xukunada dilka ah.

Saddex bilood ee ugu dambeeyay waxay dowladdu xukun qisaas ah ku fulisay tobaneeyo katirsan askarta dowladda iyo dagaalamayaal katirsan kooxda Alshabaab, oo dil ku xukumnaa.












Click here
3/13/2023 4:54 PM EST
Isniin, Maarso, 13, 2023 (HOL) - Guddiga amniga gobolka Mudug ee Puntland ayaa amray in masaajidda kuyaalla magaalada Gaalkacyo lagu xiro kaamirooyinka qarsoon ee ka qeyb qaata sugida amniga .

3/13/2023 11:35 AM EST
Isniin, Maarso, 13, 2023 (HOL) - Golaha Aqalka Sare ee Baarlamaanka Fedaraalka Soomaaliya oo uu shir guddoominaayay guddoomiye ku xigeenka koowaad Cali Shacbaan Ibraahin ayaa Maanta cod aqlabiyad leh ku ansixiyay xubnaha guddiga madaxa banaan ee dib u eegista Dastuurka dalka.

3/13/2023 10:37 AM EST
Isniin, Maarso, 13, 2023 (HOL) - Madaxweynaha dowladda Fedaraalka Soomaaliya Xasan Sheekh Maxamuud oo Maanta magaalada Muqdisho ka daahfuray shirweynaha qaran ee Waxbarashada dalka ayaa sheegay in dowladdiisa ay ka go'an tahay dib u soo nooleynta, mideynta iyo tayeynta nidaamka Waxbarashada dalka.

3/13/2023 7:43 AM EST
Isniin, Maarso, 13, 2023 (HOL) - Goob uu madaxweynaha Soomaaliya Xasan Sheikh Maxamuud uga qeyb galayay shirweynaha waxbarashada Soomaaliya, ayaa si kedis ah waxaa halmar uga kacay dab ka dhashay fiilooyinka korontada.

3/13/2023 3:28 AM EST
Isniin, Maarso, 13, 2023 (HOL) - Soomaaliya iyo Shiinaha ayaa ku heshiiyey in ay iska kaashadaan la dagaallanka argagixisada ka dib wada hadal dhexmaray Wasiirka Gaashaandhigga Soomaaliya, C/qaadir Maxamed Nuur iyo Safiirka Shiinaha ee Soomaaliya, Fei Shengchao.

3/13/2023 3:13 AM EST
Isniin, Maarso, 13, 2023 (HOL) - Ciidamada Kumaandooska xoogga dalka Soomaaliyeed oo kaashanaya ciidanka Daraawiishta maamulka Jubbaland ayaa saacadahii lasoo dhaafay howlgalo qorsheysaysan ka sameeyay deegaanka Miido oo ka mid ah deegaanada hoostaga degmada Afmadoow ee gobolka Jubbada Hoose.