6/4/2023
Today from Hiiraan Online:  _
Wararka Maanta- Arbaco, May 24, 2023
Guddiga doorashada Puntland oo lagu wado inuu dib u dhigo doorashada Garowe iyo labo degmo oo kale

Arbaco, May 24, 2023 (HOL) - Doorashada golaha degaanka ee degmooyinka Garowe, Dangorayo iyo Godobjiraan, ayaa lagu wadaa in dib loo dhigo, kaddib markii ciidamo maleyshiyaad ah oo ka amar qaata siyaasiinta mucaaradka ay ka hor yimaadeen.

Guddiga doorashada Puntland (TPEC), ayaa la filayaa inuu go’aan kasoo saaro arrintan, xilli wax ka yar maalin ay ka harsan tahay waqtigii loo qorsheeyay qabsoomidda doorashada golayaasha degaanka Puntland.

TPEC ayaa lagu wadaa inay dib u dhigto doorashada saddexda degmo oo ay Garowe kamid tahay, si aanay saamayn ugu yeelan doorashooyinka kale ee ka dhacaya degmooyinka kale ee Puntland.

Wasiirka qorshaynta maamulka Puntland, Maxamed Siciid Faroole ayaa bartiisa Facebook kusoo qoray, war ku saabsan in la foodeeyay doorashooyinka golayaasha degaanka ee gobolka Nugaal, isagoo dadweynaha u sheegay inay samir yeeshaan.

Xalay ayay ahayd markii ciidamo isku sheegay militariga Danab ay gubeen qaar kamid ah sanaadiiqda doorashada golaha degaanka ee degmada Burtinle, taasoo muujisay in khilaafkii doorashada aan weli laga heshiinin.












Click here
5/24/2023 4:01 PM EST
Arbaco, May, 24, 2023 (HOL) - Safiirka cusub ee Ingiriiska ee Soomaaliya Amb Mike Nithavrianakis iyo Madaxweynaha Somaliland Muuse Biixi Cabdi, ayaa ka wada hadlay dagaalka Laascaanood iyo doorashooyinka.

5/24/2023 2:07 PM EST
Arbaco, May 24, 2023 (HOL) - Guddiga doorashooyinka Puntland ayaa hakiyay doorashada saddex degmo oo ay kamid tahay Garowe, sababa la xiriira xaaladda amni iyo dhacdooyinkii lidiga ku ahaa doorashada ee ka dhacay Garowe.

5/24/2023 1:58 PM EST
Arbaco, May, 24, 2023 (HOL) - Colaad laba beelood ku dhexmartay gobolka Togdheer ee Somaliland ayaa ugu danbayn maanta xal buuxa laga gaadhay.

5/24/2023 10:07 AM EST
Arbaco, May 24, 2023 (HOL) - Warar dheeraad ah ayaa kasoo baxaya qarax duhurnimadii maanta ka dhacay xaafada Howlwadaag ee magaalada Baledweyne, kaasoo ay ka hortageen ciidamada amaanka degmada Baledweyne.

5/24/2023 8:04 AM EST
Arbaco, May 24, 2023 (HOL) - Madaxweynaha dowladda Soomaaliya, Xasan Sheekh Maxamuud ayaa maanta oo Arbaco ah magaalada Muqdisho ku furay shirka Golaha Wadatashiga Qaran ee Soomaaliya.

5/24/2023 5:14 AM EST
Arbaco, May 24, 2023 (HOL) - Safiirka xilka ka sii tegaya ee Maraykanka u fadhiya Soomaaliya, Larry André ayaa wareysi uu siiyay BBC Soomaaliya uga hadlay khilaafka u dhexeeya Dowladda federalka iyo Puntland.

5/24/2023 2:56 AM EST
Arbaco, May 24, 2023 (HOL) - Warar dheeraad ah ayaa kasoo baxaya dil Xalay kooxo hubeysan ay ugu geysteen degmada Dharkeenleey ee magaalada Muqdisho wiil dhalinyaro ah oo ka mid ahaa ganacsatada degmadaas.

5/24/2023 2:21 AM EST
Arbaco, May 24, 2023 (HOL) - Iyadoo 24 saac wax ka yar ay ka harsan tahay doorashada golayaasha deegaanka Puntland, ayaa koox dabley ah waxay weerar ku qaadeen sanaadiiq doorashada oo loo waday degmada Burtinle iyo degaano hoos yimaada.

5/24/2023 2:00 AM EST
Arbaco, May 24, 2023 (HOL) - Warsaxafadeed kasoo baxay dowladda Fedaraalka Soomaaliya ayaa lagu sheegay in mid ka mid ah Horjoogayaasha kooxda Al-shabaab lagu dhaawacay hawlgal wadajir ah oo degmada Jilib ay ka fuliyeen ciidanka dowladda Soomaalya iyo saaxiibada caalamiga ah.