3/28/2024
Today from Hiiraan Online:  _
Wararka Maanta- Arbaco, Sept 21, 2022
Xisbiga Sinaanta iyo Cadaaladda FEP oo go'aan kasoo saarey shirweynaha wada tashiga ee dhawaan Jigjiga ka qabsoomi doona
 

Arbaco, September, 21, 2022 (HOL) - Xisbiga Sinaanta iyo Cadaaladda FEP laantiisa dowlad degaanka Soomaalida ayaa War saxaafadeed ay maanta soo saareen ku sheegay inay haboon tahay in dib loo dhigo shirweynaha wada tashiga ee loo ballansanaa toddobaadka soo socda ilaa inta laga saxayo khaladaad ay sheegeen inay jiraan.

Xisbigu waxa kale oo uu sheegay in kala fogaanshaha u dhaxeeya saamileyda siyaasadda uu caqabad ku yahay qabsoomidda shirweynaha, sidaas darteedna loo baahan yahay in shir hordhac ah yeeshaan saamileyda siyaasaddu si loo saxo khaladaadka jira, waa sida lagu xusay War saxaafadeedka Xisbiga FEP.

Ugu dambeyn Xisbiga Sinaanta iyo Cadaaladda waxaa uu war saxaafadeedkiisa kusoo xiray in shirweynahaa loo ballansanaa uuna qabsoomi karin ilaa la saxo ayay yiraahdeen kaladaadka jira.

Xisbiga Sinaanta iyo Cadaaladda waa xisbigii labaad ee isna ka go'aan qaata shirweynaha dhawaan loo ballansan yahay inuu degaanka ka qabsoomo, iyadoo maalintii shalay ay ONLF sheegtay inay qaadacayso ka qayb galka Shirkaas.

Xisbiga Sinaanta iyo Cadaaladda waa xisbiga labaad ee mucaarad ah ee ka jira dowlad degaanka Soomaalida, iyadoo xisbigani uu sidoo kale ka jiro dhammaan degaannada uu ka kooban yahay dalka Itoobiya, Xisbigan laantiisa degaanka Soomaalida waxaa guddoomiye u ah Sheekh Ibraahim dheere, iyadoo isla Sheekh Ibraahim dheere uu guddoomiye ku xigeen u yahay Xisbiga xaruntiisa guud oo ku taal Addis Ababa.













Click here
9/21/2022 12:58 PM EST
Arbaco, September, 21, 2022 (HOL) - Wararka ka imaanaya dowlad degaanka Soomaalida ayaa sheegaya in maanta uu dagaal beeleed uu ka dhacay goobta lagu magacaabo Goda oo ka tirsan degmada Gursum ee dowlad degaanka Soomaalida.

9/21/2022 10:38 AM EST
Arbaco, September, 21, 2022 (HOL) - Wararka naga soo gaaraya deegaanka Samataro oo dhinaca galbeed kaga beegan deegaanka Booco ee gobolka Hiiraan ayaa sheegaya in dagaal xoogan uu halkaasi ku dhexmaray Maanta dagaalamayaal ka tirsan Al-shabaab iyo ciidamada dowladda Soomaaliya oo garabsanaya kuwa deegaanka oo shalay la wareegay Booco.

9/21/2022 10:26 AM EST
Arbaco, September, 21, 2022 (HOL) - Dowladda Mareykanka ayaa sheegtay in duqeyn ka dhan ah Al-Shabaab ay ka fulisay meel ku dhow degmada Buulo-burde ee gobolka Hiiraan, 18-kii Sebtembar ee todobaadkaan.

9/21/2022 9:59 AM EST
Arbaco, September, 21, 2022 (HOL) - Dowladda Soomaaliya ayaa sheegtay inay isku diyaarinayso waji kale oo dagaal oo Alshabaab looga xoraynayo gobolka Shabeellada hoose iyo guud ahaan koonfur Galbeed.

9/21/2022 9:28 AM EST
Arbaco, September, 21, 2022 (HOL) - Hay’adda qaxootiga u qaabilsan Qaramada Midoobay, UNHCR, ayaa soo saartay xeer cusub oo ku saabsan sida ay xaquuq magangalyo ku heli karaan qaxootiga Soomaaliyeed ee dalkooda ka cararaya.

9/21/2022 1:42 AM EST
Arbaco, September, 21, 2022 (HOL) - Dowladda Maraykanka ayaa ku dhawaaqday eedeymo ka dhan ah 47 qof oo Soomaali ah oo lagu eedeeyay inay lunsadeen $250 milyan oo loogu talagalay in quudin lagu siiyo carruur baahan intii lagu jiro cudurka Corona Virus.

9/21/2022 1:35 AM EST
Arbaco, September, 21, 2022 (HOL) - Golaha odayaasha dhaqanka Koonfur Galbeed ayaa bayaan ay soo saareen waxay ku baaqeen in maamulka koonfur Galbeed iyo dowladda federalka lagala shaqeeyo arrimaha amniga iyo wax ka qabashada abaaraha.

9/21/2022 1:28 AM EST
Arbaco, September, 21, 2022 (HOL) - Waxaa Xalay degmada Dharkeenleey ee magaalada Muqdisho kooxo hubeysan ay ku dileen Allah u naxariistee Nabadoon Cabdlaahi Nuur Garaad Seefle oo ka mid aha nabadoonada kasoo jeeda gobolka Hiiraan.