3/29/2024
Today from Hiiraan Online:  _
Wararka Maanta- Jimco, Sept 16, 2022
Maraykanka oo madaxweyne Xasan Sheikh Maxamuud ku bogaadiyay dagaalkiisa ka dhanka ah Al-Shabaab
 

Jimco, September, 16, 2022 (HOL) - Dowladda Mareykanka ayaa bogaadisay dadaallada uu Madaxweyne Xasan Sheekh Maxamuud ku galay dagaalka ka dhanka ah kooxda Alshabaab. Waxayna ballan qaaday in ay sii wadayaan taageerada ay ku xaqiijinayaan nabadda iyo xasilloonida dalka Geeska Afrika.

Xoghayaha difaaca ee Maraykanka Austin Lloyd ayaa hadalkan sheegay kadib kulan uu madaxweyne Maxamuud kula yeeshay xarunta Pentagon-ka habeenimadii xalay.

Xoghaye Lloyd "wuxuu ku ammaanay hoggaanka madaxweyne Xasan Sheekh dib-u-kicinta ciidamada ammaanka Soomaaliya iyo sida uu ula falgalayo saaxiibada Mareykanka iyo kuwa caalamiga ah, "sida lagu yiri war kasoo baxay Pentagon-ka.

Labada dhinac waxay ka wadahadleen shaqada uu maamulka Madaxweyne Xasan Sheekh ka qabtay ka hortagga Alshabaab Soomaaliya iyo taageerada ay Wasaaraddu siiso ciidamada ammaanka Soomaaliya.

Xoghaye Austin ayaa xaqiijiyay inay ka go’an tahay ka hortagga xagjirnimada rabshadaha wata, wuxuuna muujiyay sida uu ugu faraxsan yahay maamulka Madaxweyne Xasan Sheekh inuu martigeliyo ciidamada Mareykanka.

Madaxweyne Xasan Sheikh ayaa la filayaa inuu maanta la kulmo madax kale oo ka tirsan dowladda Mareykanka iyo madaxda hay’adda lacagta adduunka ee IMF, taasoo qeyb ka ah booqashadiisa ka hor inta uusan u ambabixin magaalada New York ee dalka Mareykanka oo uu kaga qeyb galayo shirka golaha guud ee Qaramada Midoobay.












Click here
9/16/2022 1:01 PM EST
Jimco, September, 16, 2022 (HOL) - Duqii hore ee degmada Garowe Axmed Barre ayaa sharci darro ku tilmaamay go'aankii madaxweynaha Puntland uu ku kala diray golaha deegaanka ee Garowe, inkastoo uu aqbalay xil ka qaadistiisii.

9/16/2022 8:44 AM EST
Jimco, September, 16, 2022 (HOL) - Madaxweyanaha Somaliland Muuse Biixi Cabdi, oo la hadlayay shacabka Oodwayne, ayaa sheegay in uu diyaar u yahay in uu qabto doorashada madaxtooyada wakhtiga ugu horeeya ee ay suuragasho.

9/16/2022 8:31 AM EST
Jimco, September, 16, 2022 (HOL) - Guddoomiyaha Xisbiga mucaaradka Somaliland ee UCID Faysal Cali Waraabe, ayaa madaxweynaha Soomaaliya ku eedeeyay in uu ka shaqaynayo burburinta xidhiidhka bilawga ah ee Somaliland iyo Maraykanka.

9/16/2022 3:31 AM EST
Jimco, September, 16, 2022 (HOL) - Dowladda Soomaaliya ayaa ugu baaqday Al-Shabaab in ay isku soo dhiibaan ciidamada ammaanka si looga fogaado in la dilo, waxayna dowladdu wacad ku martay in ay kordhin doonto weerarada ka dhanka ah Alshabaab.

9/16/2022 3:28 AM EST
Jimco, September, 16, 2022 (HOL) - Wasiirka Batroolka iyo Macdanta ee Jamhuuriyadda Federaalka Soomaaliya, Cabdirisaaq Maxamed Cumar, ayaa si rasmi ah uga qeyb galaya toddobaadka saliidda Afrika ee 2022 3-7 October, kaasoo ka dhacaya bartamaha magaalada Cape Town ee dalka Koonfur Afrika.

9/16/2022 2:41 AM EST
Jimco, September, 16, 2022 (HOL) - Madaxweynaha dowladda Soomaaliya Xasan Sheekh Maxamuud ayaa kulan kula qaatay magaalada Washington, xoghayaha difaaca dalka Maraykanka, Lloyd James Austin.

9/16/2022 2:38 AM EST
Jimco, September, 16, 2022 (HOL) - Kornayl David Peddle oo ah sarkaal howlgab ah oo horay uga tirsanaan jiray ciidamada milateriga ee dalalka Koonfur Afrika iyo Ingiriiska ayaa xaqiijiyay in kooxda Al Shabaab ay si aad ah u adeegsadaan diyaaradaha aan duuliyaha lahayn ee loo yaqaanno Drones.

9/16/2022 2:37 AM EST
Jimco, September, 16, 2022 (HOL) - Xisbiga mucaaradka Somaliland ee Waddani ayaa sheegay in ay iska diwaangalinayaan xarunta Guddida Diwaangalinta Urrurada, si lamid ah urrurada cusub.