3/29/2024
Today from Hiiraan Online:  _
Wararka Maanta- Isniin, May 9 , 2022
22 Musharax oo Farmaajo uu ku jiro oo Maanta isku diiwaan galiyay Doorashada Madaxweynaha Soomaaliya
 

Isniin, May, 9, 2022 (HOL) - Iyadoo maalintii labaad ay ka socoto magaalada Muqdisho diiwaan galinta Musharaxiinta dooneysa xilka madaxweynaha Jamhuuriyadda Fedaraalka Soomaaliya, ayaa waxaa sii kordhaya tirada Musharaxiinta is diiwaan galineysa.

Waxaa Shalay oo maalintii koowaad aheyd is diiwaan galiyay 10 musharax oo kala ahaa Sheekh Shariif Sheekh Axmed, Daahir Maxamuud Geelle, Xasan Cali Kheyre, Cabdulqaadir Cosoble Cali, Bashiir Xaaji Cali (Jamaal), Cabdullaahi Cali Xasan, Cabdinuur Sheekh Maxamed, Cabdiraxmaan Cabdishakuur Warsame, Cabdikariim Xuseen Guuleed, Cabdiraxmaan Macallin Axmed Ablaal.

Maanta oo aheyd maalintii labaad ee diiwaan galinta musharaxiinta madaxweynaha waxaa is diiwaan galiyay 22 Musharax oo ay ka mid yihiin madaxweynaha mudo xileedkiisa dhamaaday Maxamed Cabdullaahi Farmaajo iyo madaxweynahii hore Xasan Sheekh Maxamuud.

Musharaxiinta kale ee maanta is diiwaan galiyay waxay kala yihiin, Dr. Saciid Ciise Maxamuud, Cabdiraxmaan Maxamed Cabdi, Axmed Ducaale Geelle Xaaf, Mahad Axmed Diiriye, Muqtaar Maxamed Sayid, Cabdiraxmaan Maxamed Cabdi, Jamaal Axmed Ibraahim, Maxamuud Daahir Aweys, Ridwaan Xirsi Maxamed, Cumar Cabdulqaadir Axmed Fiqi, Nucmaan Sheekh Cumar, Jibriil Ibraahin Cabdulle, Xuseen Cabdi Nuurow, Cabdiqaadir Xuseen Maxamed Jahweyn, Cabdiqaadir Sheekh Cali Baqdaadi, Cabdulaahi Axmed Cali Gees, Cabdi Aadan Hoosow, Cabdi Maxamed Baqdaadi, Abuukar Aadan Cabdulle iyo Fowsiya Yuusuf Xaaji Aadan oo ah haweeneyda kaliya ee xilka madaxweynaha tartankiisa u taagan.

Musharaxiinta ayaa lagu xiray shuruudo ay ka mid yihiin inay bixiyaan lacag is diiwaan gelin ah waxaa tirada maanta ilaa shalay is diiwaan galisay ay gaartay 32 Musharax oo midkiiba laga qaaday lacag gaareysa $40,000, taasoo wadarta lacagta guud ee laga qaaday Musharaxiinta is diiwaan galisay ka dhigeysa hal Milyan laba boqol iyo sideetan kun oo doolar.

Diiwaan galinta Musharaxiinta madaxweynaha ayaa ku eg maalinta berito 04:00 galabnimo xiliga Soomaaliya sida ay shaaciyeen guddiga doorashada madaxweynaha Soomaaliya, waxaana lagu wada in doorashada ay dhacdo 15-ka bishaan May oo ku beegan todobaadka soo socda.

Jamaal Cali Cabdi, Hiiraan Online












Click here
5/9/2022 1:52 PM EST
Isniin, May, 9, 2022 (HOL) - Guddiga qabanqaabada doorashada madaxweynaha Soomaaliya ayaa soo saaray habraaca amniga doorashada madaxweynaha goobta ay ka dhaceyso oo ah Teendhada Afisyooni ee magaalada Muqdisho.

5/9/2022 11:09 AM EST
Isniin, May, 9, 2022 (HOL) - Guddoomiyaha Xisbiga Waddani Xirsi Cali Xaaji Xasan, ayaa qudbad sannadeedka madaxweynaha Somaliland uu u jeediyay labada gole baarlamaan ku tilmaamay qudbad aan nuxur badan lahayn.

5/9/2022 10:38 AM EST
Isniin, May, 9, 2022 (HOL) - Madaxweynaha Somaliland Muuse Biixi Cabdi, ayaa sheegay in xukuumadiisu ay dadaal badan galisay xoojinta siyaasada arrimaha dibadda Somaliland, isla markaana guulo laga gaadhay.

5/9/2022 9:47 AM EST
Isniin, May, 9, 2022 (HOL) - Madaxweynaha Somaliland Muuse Biixi Cabdi, oo qudbad sannadeedkii dastuuriga ahaa u jeediyay baarlamaanka, ayaa isaga oo ka jawaabaya shakiga mucaaradku ka qabaan in uu muddo korodhsi samaysto, ayaa balan qaaday in uu doorashooyinka wakhtigooda ku qabanayo.

5/9/2022 8:32 AM EST
Isniin, May, 9, 2022 (HOL) - Wasaaradda warfaafinta Soomaaliya ayaa ururka Somalia Debates u fasaxday inay qabsadaan dooddaha musharraxiinta madaxweynaha Soomaaliya.

5/9/2022 7:07 AM EST
Isniin, May, 9, 2022 (HOL) - Maxkamadda Ciidanka Millatariga Somaliland ayaa xukun dil toogasho ah ku riday Gaashaanle Dhexe, Saalax Bullaale Jaamac oo ka tirsanaa ciidanka millateriga oo toogasho ku dilay gabadh la odhan jiray Najma Cabdillaahi Maykal.

5/9/2022 6:57 AM EST
Isniin, May, 9, 2022 (HOL) - Xildhibannadii lagusoo doortay magaalada Garbahaareey ee gobolka Gedo ayaa ka hor yimid go’aankii kasoo baxay guddoomiyaha barlamaanka, kaasoo xildhibaannada Ceelwaaq u aqoonsaday inay yihiin kuwa saxda ah ee sharciga ku yimid.

5/9/2022 6:20 AM EST
Isniin, May, 9, 2022 (HOL) - Fowsiyo Yuusuf Xaaji Aadan ayaa noqondoonta haweeneyda Soomaaliyeed ee ugu horreysay ee u tartami doonta xilka madaxweyna Soomaaliya.

5/9/2022 5:59 AM EST
Isniin, May, 9, 2022 (HOL) - Laamaha amaanka dalka Kenya ayaa kordhiyay feejignaantooda kadib markii kooxda Al-Shabaab ay weerar ku qaadeen saldhiga ciidamada midowga Afrika ee Burundi ay ku lahaayeeen gobolka Shabeelada dhexe.

5/9/2022 2:55 AM EST
Isniin, May, 9, 2022 (HOL) - Waxaa Maalintii labaad si toos ah uga socota xarunta Golaha Aqalka Sare ee Baarlamaanka Fedaraalka Soomaaliya diiwaan galinta Musharaxiinta u taagan tartanka madaxweynaha Soomaaliya.

5/9/2022 12:33 AM EST
Isniin, May, 9, 2022 (HOL) - Madaxweynaha xilku ka dhamaaday Maxamed Cabdullaahi Farmaajo ayaa xalay si rasmi ah ugu dhawaaqay inuu mar kale u sharraxan yahay xilka madaxweynaha dowladda federalka Soomaaliya.