9/28/2022
Today from Hiiraan Online:  _
Wararka Maanta- Axad, July 31, 2022
Soomaaliya oo dhawaan helaysa shirxnadii gargaar ee ugu horeeyay oo Ukraine ka imaanaya
 

Axad, Luulyo, 31, 2022 (HOL) - 16-kii markab ee ugu horeeyay oo laga leeyahay dalka Ukraine, kuwaas oo ku socdaalaya marinka uu ilaalinayo dalka Turkiga, ayaa shixnaddoodii ugu horeysay oo gargaar ah gayndoona Soomaaliya.

Dowladda Turkiga ayaa leh hidisahan, iyadoo dadaal ugu jirto in hadhuudhka kasoo go’a dalka Ukrain la geeyo dalalka Afrika ee khatarta ugu jira macluusha.

Maraakiibta ayaa kasoo bixidoona dekeda Odessa, halkaas oo laga bilaabay dhoofinta hadhuudhka, waxaana maraakiibta korka kala socondoona diyaaradaha aan duuliyaha lahayn ee Turkiga iyo dayax gacmeedyada.

Meesha ugu horeysa ee ay maraakiibtaan ku xirandoonaan waxay noqon doontaa magaalada dekeda leh ee Istanbul, waxaana la filayaa in markabka ugu horreeya uu gaaro badda Turkiga, saddexda August.

Qaramada Midoobay ayaa sheegtay illaa bil iyo bar inay qaadan karto inay maraakiibtan ku gaaraan Soomaaliya, halkaas oo la geyn doono hadhuudhkii ugu horreeyay ee Ukrain, iyadoo loo marinayo Turkiga.

Guud ahaan 25 milyan oo tan oo hadhuudh ah oo laga qaadidoono dalka Ukrain ayaa la gayndoonaa adduunka oo dhan, waxaana lagu fulin doonaa magaalada Istanbul.

Madaxweynaha Ukraine Volodymyr Zelenskiy ayaa booqday markabka uu ka babanayo calanka Turkiga oo ku sugnaa dekedda Odesa halkaas oo maalin ka hor laga soo raray galley.

Bishii Luulyo 22, magaalada Istanbul, waxaa lagu kala saxiixday heshiis cunto ama hadhuudh ah, kaas oo dhexmaray, Ruushka, Turkiga, Ukraine iyo UNka.












Click here
7/31/2022 6:13 PM EST
Axad, Luulyo, 31, 2022 (HOL) - Madaxweynaha Hirshabelle , Cali Cabdullaahi Xuseen (Cali Guudlaawe) ayaa goor dhow magacaabay golaha wasiirrada , ka dib labo sanno oo u xafiiska joogay.

7/31/2022 4:55 PM EST
Axad, Luulyo, 31, 2022 (HOL) - Guddoomiya xisbiga mucaaradka Somaliland ee UCID Faysal Cali Waraabe, ayaa sheegay in axsaabta mucaaradku qabanayaan bannaanbaxyo nabadgalyo.

7/31/2022 4:48 PM EST
Axad, Luulyo, 31, 2022 (HOL) - Shirkadaha lacagaha u dira Soomaaliya ee fadhigoodu yahay Sweden ayaa waxaa la soo daristay walwal wayn oo sabi kara in bisha July 2022 wixii ka danbeeya aanay bankiyada isticmaalin karin dhammaantood.

7/31/2022 9:52 AM EST
Axad, Luulyo, 31, 2022 (HOL) - Dagaalamayaasha Al-shabaab ayaa ka hadlay duqeymo diyaaradeed oo Maanta ka dhacay deegaanka Coomaad oo ka mid ah deegaanada hoostaga degmada Matabaan ee gobolka Hiiraan.

7/31/2022 7:26 AM EST
Axad, Luulyo, 31, 2022 (HOL) - Wararka ka imaanaya deegaanka Coomaad oo ka mid ah deegaanada hoostaga degmada Matabaan ee gobolka Hiiraan ayaa sheegaya in Barqanimadii Maanta ay halkaasi duqeymo ka geysteen diyaarado dagaal.

7/31/2022 5:36 AM EST
Axad, Luulyo, 31, 2022 (HOL) - Dagaalamayaasha Al-shaaab ayaa 7 ruux oo dhamaantood ahaa rag ku toogtay goob fagaare ah oo ku taala deegaanka lagu magacaabo Buulaay ee ka tirsan gobolka Baay, kuwaas oo ay ku eedeeyeen inay ahayeen basaasiin u shaqenayay dowladda Federaalka ah ee Soomaaliya, dowladda Mareykanka iyo Maamulka Koonfur Galbeed.

7/31/2022 4:46 AM EST
Axad, Luulyo, 31, 2022 (HOL) - Ciidamo ka tirsan Nabadsugida gobolka Banaadir ayaa ku biiray howlgalada maalmahii dambe ciidanka Booliiska gobolka Banaadir ay kula dagaalamayeen Ciyaal weeradda dhibaatada ku haaya shacabka ku nool magaalada Muqdisho.

7/31/2022 2:03 AM EST
Axad, Luulyo, 31, 2022 (HOL) - Taliska ciidamada milatariga dalka Uganda ayaa beeniyay in ciidamo looga dilay weerarkii ismiidaaminta ahaa ee dhawaan ka dhacay magaalada Marka.

7/31/2022 1:56 AM EST
Axad, Luulyo, 31, 2022 (HOL) - Madaxweynaha dowlad deegaanka Soomaalida, Mustafe Muxumed Cagjar, ayaa sheegay in 600 oo askari oo katirsan Alshabaab lagu dilay dagaaladii ugu dambeeyay ee xadka Soomaaliya.