10/6/2022
Today from Hiiraan Online:  _
Wararka Maanta- Axad, July 31, 2022
Al-Shabaab oo goob fagaaro ah ku toogatay 7 ruux oo ay ku eedeeyeen jaajuusnimo
 

Axad, Luulyo, 31, 2022 (HOL) - Dagaalamayaasha Al-shaaab ayaa 7 ruux oo dhamaantood ahaa rag ku toogtay goob fagaare ah oo ku taala deegaanka lagu magacaabo Buulaay ee ka tirsan gobolka Baay, kuwaas oo ay ku eedeeyeen inay ahayeen basaasiin u shaqenayay dowladda Federaalka ah ee Soomaaliya, dowladda Mareykanka iyo Maamulka Koonfur Galbeed.

Fagaaraha lagu toogtay todobada ruux ayaa waxaa isugu soo baxay oo usoofiirsi tagay boqolaal dad weyne ah oo ka kala yimid xaafadaha deegaanka Buulaay ee gobolka Baay, waxaana fagaaraha toogashada ka dhacay ku sugnaa horjoogayaal ka tirsana Al-shabaab.

Ka hor inta aanan toogashada lagu fulin 7 ruux ee Shabaabka ku eedeyeen iney jaajuusiin ahayeen, waxaa fagaaraha lagu tooganaayay ragaani Al-shabaab ka sheegeen iney qirteen iney ahaayeen basaasin fududeeyay dilal loo geystay madax ka tirsaneyd Shabaab iyo duqeymo diyaaradeed lala eegtay xarumaha Shabaab oo lagu dilay saraakiil sare oo ka tirsaneyd kooxda.

Todobada ruux ee toogashada ku fuliyeen Al-shabaab ee dhamaantood ku sheegeen iney jaajuusiin u ahayeen dowlada Mareykanka, dowladda Soomaaliya iyo Maamulka Koonfur Galbeed ayaa magacayadoo ka yihiin, Ceymooy Geedi Aadan, Cadaawe Cabdullaahi Dhicisow, Cali Maxamed Madoobe, Colaad Cabdiraxmaan Maxamed, Cabdiraxmaan Isaaq Ibraahim, Towfiiq Jinow Aadan iyo Mayow Maxamed Yarow.

Ma ahan markii ugu horeysay oo ay dagaalamayaasha Al-Shabaab sidaan oo kale goob Fagaaro ah ugu toogato deegaanada ay maamulaan dad ay ku eedeynayaan iney yihiin basaasiin la shaqeysa dowladda Soomaaliya, maamul goboleedyada dalka iyo dowladaha kale ee taageera dowlada Fedaraalka Soomaaliya.

Jamaal Cali Cabdi, Hiiraan Online
[email protected]












Click here
7/31/2022 6:13 PM EST
Axad, Luulyo, 31, 2022 (HOL) - Madaxweynaha Hirshabelle , Cali Cabdullaahi Xuseen (Cali Guudlaawe) ayaa goor dhow magacaabay golaha wasiirrada , ka dib labo sanno oo u xafiiska joogay.

7/31/2022 4:55 PM EST
Axad, Luulyo, 31, 2022 (HOL) - Guddoomiya xisbiga mucaaradka Somaliland ee UCID Faysal Cali Waraabe, ayaa sheegay in axsaabta mucaaradku qabanayaan bannaanbaxyo nabadgalyo.

7/31/2022 4:48 PM EST
Axad, Luulyo, 31, 2022 (HOL) - Shirkadaha lacagaha u dira Soomaaliya ee fadhigoodu yahay Sweden ayaa waxaa la soo daristay walwal wayn oo sabi kara in bisha July 2022 wixii ka danbeeya aanay bankiyada isticmaalin karin dhammaantood.

7/31/2022 9:52 AM EST
Axad, Luulyo, 31, 2022 (HOL) - Dagaalamayaasha Al-shabaab ayaa ka hadlay duqeymo diyaaradeed oo Maanta ka dhacay deegaanka Coomaad oo ka mid ah deegaanada hoostaga degmada Matabaan ee gobolka Hiiraan.

7/31/2022 9:21 AM EST
Axad, Luulyo, 31, 2022 (HOL) - 16-kii markab ee ugu horeeyay oo laga leeyahay dalka Ukraine, kuwaas oo ku socdaalaya marinka uu ilaalinayo dalka Turkiga, ayaa shixnaddoodii ugu horeysay oo gargaar ah gayndoona Soomaaliya.

7/31/2022 7:26 AM EST
Axad, Luulyo, 31, 2022 (HOL) - Wararka ka imaanaya deegaanka Coomaad oo ka mid ah deegaanada hoostaga degmada Matabaan ee gobolka Hiiraan ayaa sheegaya in Barqanimadii Maanta ay halkaasi duqeymo ka geysteen diyaarado dagaal.

7/31/2022 4:46 AM EST
Axad, Luulyo, 31, 2022 (HOL) - Ciidamo ka tirsan Nabadsugida gobolka Banaadir ayaa ku biiray howlgalada maalmahii dambe ciidanka Booliiska gobolka Banaadir ay kula dagaalamayeen Ciyaal weeradda dhibaatada ku haaya shacabka ku nool magaalada Muqdisho.

7/31/2022 2:03 AM EST
Axad, Luulyo, 31, 2022 (HOL) - Taliska ciidamada milatariga dalka Uganda ayaa beeniyay in ciidamo looga dilay weerarkii ismiidaaminta ahaa ee dhawaan ka dhacay magaalada Marka.

7/31/2022 1:56 AM EST
Axad, Luulyo, 31, 2022 (HOL) - Madaxweynaha dowlad deegaanka Soomaalida, Mustafe Muxumed Cagjar, ayaa sheegay in 600 oo askari oo katirsan Alshabaab lagu dilay dagaaladii ugu dambeeyay ee xadka Soomaaliya.