3/29/2024
Today from Hiiraan Online:  _
Wararka Maanta- Arbaco, Jan 26, 2022
Madaxweynaha Somaliland oo qaabilay wakiilka cusub ee Ingiriisku usoo magacaabay Somaliland
 

Arbaco, Janaayo, 26, 2021 (HOL) – Madaxweynaha Somaliland Muuse Biixi Cabdi, ayaa xafiiskiisa ku qaabalay wakiilka cusub ee dowlada Ingiriisku dhawaan usoo magacowday Somaliland Lizzie Walker, iyo saraakiil sar sare oo ka tirsan xafiiska Ingriiska ee Somaliland.

Warsaxafadeed kulanka kasoo baxday ayaa lagu sheegay in labada dhinac ka wada hadleen xidhiidhka Ingiriiska iyo Somaliland, waxaanu madaxweyne Biixi bogaadiyay doodii uu Baarlamaanka Ingiriisku ka yeeshay qadiyada aqoonsiga Somaliland.

“Madaxweynuhu wuxu uga mahadnaqay dowlada Ingiriiska iyo baarlamaankeeda-ba dadaalkii iyo juhdigii ay galiyeen, in dareenka madaxbannaanida Somaliland ay la wadaagaan beesha caalamka”.

Warbixinta ayaa lagu sheegay in Marwo Walker ay iyaduna dhankeeda bogaadisay horumarka iyo dimuquraadiyada ka jirta Somaliland, “Wakiilku waxay xustay in ay la dhacsantahay dadaalka horumarineed iyo dumuquraadiyadeed ee ka hana qaaday J. Somaliland”.

Kulanka waxaa madaxweynaha dhankiisa ku weheliyay Wasiir ku xigeenka Wasaarrada Arrimaha Dibadda iyo Iskaashiga-caalamiga ah ee Somaliland Cabdinaasir Cumar Jaamac.

Abdilahi Geel-maal, Hiiraan Online
[email protected]












Click here
1/26/2022 3:17 PM EST
Arbaco, Janaayo, 26, 2022 (HOL) - Wasiirka arrimaha gudaha Soomaaliya Gen. Mukhtaar Xuseen Afrax ayaa sheegay in xukuumada Soomaaliya aanay waxba kala socon ciidamada la geeyay magaalada Baladweyne ee gobolka Hiiraan.

1/26/2022 9:49 AM EST
Arbaco, Janaayo, 26, 2022 (HOL) - Golaha midowga musharaxiinta madaxweynaha Soomaaliya ayaa war saxafadeed waxa ay kasoo saareen ciidamo ka tirsan Gorgor iyo Haramcad ah oo maanta la geeyay Magaalada Baledweyne ee xarunta gobolka Hiiraan.

1/26/2022 9:31 AM EST
Arbaco, Janaayo, 26, 2022 (HOL) - Madaxweyne ku xigeenka maamulka Hirshabeelle Yuusuf Axmed Hagar Dabageed oo khudbad u jeedinaayay ciidamo ka tirsan Haramcad iyo Gorgor oo maanta la geeyay magaalada Baledweyne ayaa sheegay in ujeedada ciidankaan dowladda Fedaraalka u geysay Baledweyne ay tahay sugida iyo xaqiijinta amaanka magaalada Baledweyne.

1/26/2022 9:15 AM EST
Arbaco, Janaayo, 26, 2022 (HOL) - Ra’iisul wasaaraha Soomaaliya Maxamed Xuseen Rooble ayaa kulan la yeeshay Guddoomiyaha Aqalka Sare iyo Ra’iisul Wasaare Ku-xigeenka dalka, isagoo sheegay inuu dhammeeyay khilaafkii siyaasadeed ee mar kale soo kala dhex galay.

1/26/2022 6:41 AM EST
Arbaco, Janaayo, 26, 2022 (HOL) - Hoggaamiyaha sare ee Golaha Kacdoonka gobolka Hiiraan Jenaraal Abuukar Xaaji Warsame Xuud oo wareysi siiyay Idaacadda BBC-da laanteeda afka Soomaaliga, isagoo ku sugan magaalada Muqdisho ayuu sheegay in ciidamo Gorgor iyo Haramcad ee la geeyay Baledweyne iney dhabar jibinayaan wadahadaladii nabada ee uu sheegay inuu u yimid Muqdisho.

1/26/2022 6:35 AM EST
Arbaco, Janaayo, 26, 2022 (HOL) - Gaashaanle dhexe Cabdirisaaq Xasan Dalmar oo kamid ahaa ciidanka millateriga Somaliland, ayaa saaka askari kamid ah ciidan uu isagu maamulayay ku toogtay deegaanka Goroyo-cawl ee gobolka Awdal.

1/26/2022 4:09 AM EST
Arbaco, Janaayo, 26, 2022 (HOL) - Guddiga doorashada heer dowlad goboleed ee Jubbaland ayaa maanta qabtay doorashada saddex kursi oo kamid ah kuraasta aqalka hoose.

1/26/2022 4:01 AM EST
Arbaco, Janaayo, 26, 2022 (HOL) - Waxaa Maanta inta badan xiran ganacsiga qeybo ka mid suuqa weyn ee Bakaaraha ee magaalada Muqdisho, kadib markii la sheegay in kooxda Daacish ay ku amartay ganacsatada iney bixiyaan lacago dheeraad ah.

1/26/2022 3:01 AM EST
Arbaco, Janaayo, 26, 2022 (HOL) - Dabley hubaysan oo aan la garanayn haybtooda ayaa saakay magaalada Boosaaso ee gobolka Bari ee Puntland ku dilay Taliyihii hore ee kantaroolka Boosaso Kabtan Barkhad Maxamed Jaamac Buryar (Guduudane).

1/26/2022 1:52 AM EST
Arbaco, Janaayo, 26, 2022 (HOL) - Waxaa goordhaw kasoo degay garoonka diyaaradaha Ugaas Khaliif ee magaalada Baledweyne laba diyaaradood oo ay saarnayeen ciidamo isugu jira Booliiska sida gaarka ah u tababaran ee Haramcad iyo kuwa Gorgor oo tiradooda lagu qiyaasay 100 askari.

1/26/2022 12:46 AM EST
Arbaco, Janaayo, 26, 2022 (HOL) - Madaxweyne ku xigeenka maamulka Jubbaland Maxamuud Sayid Aadan ayaa sheegay inuu aad uga welwelsan yahay xaaladda amni ee gobolka Gedo.

1/26/2022 12:35 AM EST
Arbaco, Janaayo, 26, 2022 (HOL) - Waxaa Maanta lagu wadaa in magaalada Kismaayo ee xarunta gobolka Jubbada Hoose ay ka dhacdo doorashada sadax kursi oo ka mid ah kuraasta Golaha Shacabka Baarlamaanka Soomaliya ee deegaan doorashadoodu tahay Kismaayo.