3/28/2024
Today from Hiiraan Online:  _
Wararka Maanta- Talaado, Jan 25, 2022
Guddiga doorashada Puntland oo shaaciyay tartanka afar kursi oo aqalka hoose ah xilli doorashada walaac weyn laga muujinayo

Talaado, Janaayo, 25, 2022 (HOL) - Guddiga doorashada heer dowlad goboleed ee Puntland ayaa soo saaray jadwalka doorashada afar kursi oo aqalka hoose ah, sida lagu sheegay warsaxaafadeed guddiga uu soo saaray.

Afartan kursi ayaa mid kamid ah waxaa loo xiray in ay kaliya ku tartamaan haween, waana kursiga sumadiisu tahay HOP 232.

Doorashada kuraastaan ayaa ka dhicidoonta magaalada Garowe, waxayna doorashadooda kusoo aadaysaa iyadoo walaac laga muujinayo sida ay ku bilaabatay doorashada Puntland.

Musharraxiin ayaa sheegay in ay guddiga xallinta khilaafaadka u gudbinayaan dacwad ka dhan ah habkii loo doortay qaar kamid ah kuraasti la doortay 22kii bishaan January.

Guddiga doorashada ayaa lagu eedeeyay in uusan dhex dhexaad ka ahayn doorashada islamarkaana uu ka amar qaato rabitaanka kasoo yeera madaxtooyada Puntland.


Abdiweli M. Sheikh, Hiiraan Online












Click here
1/25/2022 4:30 PM EST
Talaado, Janaayo, 25, 2022 (HOL) - Guddoomiyaha ururka ONLF, Dr. Cabdiraxmaan Sheekh Maxamed Mahdi (Maaddeey) iyo halgamaa Cabdikariin Sheikh Muuse (Qalbi dhagax) ayaa maalmaha soo socda booqasho rasmi ah ku tegidoona magaalada Muqdisho.

1/25/2022 11:17 AM EST
Talaado, Janaayo, 25, 2022 (HOL) - Guddiga doorashada maamulka Hirshabeelle ayaa soo saaray jadwalka qabashada doorashada lix kursi oo ka mid ah kuraasta Golaha Shacabka Baarlamaanka Fedaraalka Soomaaliya ee deegaan doorashadoodu tahay magaalada Jowhar.

1/25/2022 10:03 AM EST
Talaado, Janaayo, 25, 2022 (HOL) - Waxaa Maanta magaalada Muqdisho ee Caasimada dalka lagu doortay 9 kursi oo ka mid ah kuraasta Golaha Shacabka Baarlamaanka 11-aad ee dalka, kuwaas oo deegaan doorashadoodu tahay gobolada Waqooyi ee Soomaaliland.

1/25/2022 9:55 AM EST
Talaado, Janaayo, 25, 2022 (HOL) - Afhayeenka Ururka ONLF Cadaani hormooge ayaa sheegay in degaanno badan oo Soomaaliyeed laga soo dhiibay xubno badan oo kamid ah Ururka ONLF.

1/25/2022 9:11 AM EST
Talaado, Janaayo, 25, 2022 (HOL) - Guddiga doorashada heer dowlad goboleed ee koonfur galbeed ayaa maanta dib u billaabay doorashada kuraasta aqalka hoose, iyadoo maantana magaalada Baydhabo lagu doortay saddex kursi.

1/25/2022 7:14 AM EST
Talaado, Janaayo, 25, 2022 (HOL) - Xaalada magaalada Baledweyne ayaa duhurnimadii Maanta si caadi ah kusoo laabtay kadib markii ciidamo aad u hubeysanaa oo watay gaadiidka dagaalka saaka aroornimadii hore la wareegeen inta badan magaalada Baledweyne ay dib ugu laabteen xarumahii ay ku lahayeen gudaha magaalada Baledweyne.

1/25/2022 6:02 AM EST
Talaado, Janaayo, 25, 2022 (HOL) - Wasiirka maaliyadda dowladda Soomaaliya, Cabdiraxmaan Ducaale Beyle, ayaa sheegay in difaacashada kursigii xildhibaanimo uu uga tagay sidii uu maaliyadda dalka uga ilaalin lahaa carqadalayn.

1/25/2022 4:39 AM EST
Talaado, Janaayo, 25, 2022 (HOL) - Wasiirka Maaliyadda Soomaaliya C/raxmaan Ducaale Bayle ayaa kulan la qaatay xubno ka tirsan Wasaaradda Arrimaha Dibadda Faransiiska, kulankaas oo looga hadlay dib u habeynta Maaliyadda Soomaaliya iyo fursadaha maalgashi ee dalka.

1/25/2022 3:03 AM EST
Talaado, Janaayo, 25, 2022 (HOL) - Ciidamo aad u hubeysan oo wata gaadiidka dagaalka oo kasoo horjeeda safar la sheegay inuu maanta ku imaanayo magaalada Baledweyne madaxweynaha Hirshabeelle ayaa xirtay wadada halbowlaha u ah isku socodka gudaha magaalada Baledweyne.

1/25/2022 1:35 AM EST
Talaado, Janaayo, 25, 2022 (HOL) - Waxaa Maanta lagu wadaa in magaalada Muqdisho ay ka dhacdo doorashada sadax kursi oo ka mid ah kuraasta Golaha Shacabka, kuwaas oo deegaan doorashadoodu tahay gobolada Waqooyi ee Soomaaliland.

1/25/2022 12:49 AM EST
Talaado, Janaayo, 25, 2022 (HOL) - Danjiraha Maraykanka ee Soomaaliya, Larry E.André ayaa dhaweeyay sida ay uga go’an tahay madaxda Soomaaliya in la soo gebagebeeyo doorashada Golaha Shacabka marka la gaaro 25-ka Febraayo.