3/28/2024
Today from Hiiraan Online:  _
Wararka Maanta- Jimco, Jan 21, 2022
Faahfaahino kasoo baxaya meydka laba wiil oo dhalinyaro ah oo laga helay duleedka magaalada Gaalkacyo
 

Jimco, Janaayo, 21, 2022 (HOL) - Wararka ka imaanaya magaalada Koofurta gaalkacyo ee xarunta gobolka Mudug ayaa sheegaya in duuleedka magaaladaasi laga helay meydadka laba wiil oo dhalinyaro ah.

Dilka labada wiil ee dhalinyarada ah ayaa la sheegay iney geysteen rag hubeysan, kuwaas oo si deg deg ah uga baxsaday goobta ay ku dileen wiilasha dhalinyarada, lamana oga sababta rasmiga ah ee ka dambeyaa dilka labadaan wiil, inkastoo warar soo baxaya ay sheegayaan inuu salka ku haayo dilka anooyin qabiil.

Taliyaha ciidanka Booliiska gobolka Mudug ee maamlka Galmudug ayaa meydadka labada wiil ku wareejiyay Taliyaha qeybta Booliiska gobolka Mudug ee maamulka Puntland Cabdi Muumin Cabdi Shire, waxaana taliska ciidanka Booliiska Galmudug ay sheegeen ine socdaan howlhalo ay ku raadinayaan dadkii ka dambeeyay dilka labada dhalinyarada.

Taliyaha ciidanka Booliiska Mudug ee maamulka Puntland ayaa sheegay iney gacanta kusoo dhigeen ragii ka dambeeyay dilka qof shacab ahaa oo xalay lagu dilay Koofurta magaalada Gaalkacyo oo u baxsaday dhanka Waqooyi ee magaalada Gaalkacyo.

Dilalkaan saacadahii ugu dambeeyay ka dhacay magaalada Gaalkacyo maysan sheegin taliska labada maamul ee Galmudug iyo Puntland waxa ay salka ku hayaan, inkastoo wararka soo baxaya ay sheegayaan iney yihiin dilal salka ku haayo aanooyin qabiil.

Jamaal Cali Cabdi, Hiiraan Online












Click here
1/21/2022 9:50 AM EST
Jimco, Janaayo, 21, 2022 (HOL) - Guddoomiyaha Aqalka sare ee Baarlamaanka Fedaraalka Soomaaliya Cabdi Xaashi Cabdullaahi, Boqor Cismaan Aw Buurmadoow iyo siyaasiin kale oo caan ah oo kasoo jeeda deegaanada gobolada Waqooyi ee Soomaaliland ayaa shir jaraa'id oo ay maanta si wadajir ah u qabteen waxay ku sheegeen iney dalbanayaan in la joojiyo Jadwalka doorashada ama isaga baxayaan doorashada ka socota.

1/21/2022 2:12 AM EST
Jimco, Janaayo, 21, 2022 (HOL) - Guddiga maamulaya doorashada gobolada Waqooyi ee Soomaaliland ayaa shaaciyay jadwalka qabashada doorashada 12 kursi oo ka mid ah kuraasta Golaha Shacabka ee deegaan doorashadoodu tahay gobolada Waqooyi.

1/21/2022 2:05 AM EST
Jimco, Janaayo, 21, 2022 (HOL) - Guddiga doorashada maamulka Galmudug ayaa shaaciyay jadwalka qabashada doodashada todobo kursi oo ka mid ah kuraasta Golaha Shacabka Baarlamaanka 11-aad ee dalka oo deegaan doorashadoodu tahay Galmudug.

1/21/2022 12:57 AM EST
Jimco, Janaayo, 21, 2022 (HOL) - Waxaa magaalada Muqdisho looga dhawaaqay Madashada Badbaadada Galmudug oo ah madal ay ku mideyaan yihiin Mucaarad ka dhan ah maamulka madaxweyne Axmed Cabdi Kaariye Qoorqoor.

1/21/2022 12:17 AM EST
Jimco, Janaayo, 21, 2022 (HOL) - Shir jaraa'id oo uu qabtay Afhayeenka wasaaradda arrimaha dibadda ee Itoobiya Dina Mufti, ayaa gabagabadii shirkaa jaraa'id waxay wariyaasha qaar su'aalo ka waydiiyeen booqashadii dhawaan uu dalkan Itoobiya ku yimid Madaxwaynaha Somaliland Muuse Biixi Cabdi.

1/21/2022 12:11 AM EST
Jimco, Janaayo, 21, 2022 (HOL) - Kooxo ku hubeysnaa Bastoolado ayaa dil ugu geystay Isgoyska Fagax ee degmada Yaaqshiid ee magaalada Muqdisho nabadoon Geeseey Cismaan Cabdulle oo ka mid ahaa nabadoona sida weyn looga yaqiinay magaalada Muqdisho.