3/29/2024
Today from Hiiraan Online:  _
Wararka Maanta- Talaado, Jan 18, 2022
Taliska ciidanka xoogga dalka oo sheegay in howlgal qorsheysan ay ku dileen 13 ka mid ah dagaalamayaasha Al-shabaab
 

Talaado, Janaayo, 18, 2022 (HOL) - Ciidamada xoogga dalka Soomaaliyeed gaar ahaan Kumaandooska Danab ayaa howlgalo qorsheysan waxay ka fuliyeen deegaanada Mubaarak iyo Daarusalaam oo ka tirsan gobolka Sh/hoose.

Taliyaha ciidanka xoogga dalka Jenaraal Odawaa Yuusuf Raage oo la hadlaayay warbaahinta ayaa sheegay in howlgalada ay sameeyeen ciidanka Kumaandooska ay ku burburiyeen Saldhigayadii dagaalamayaasha Al-shabaab ee deegaanada Daarusalaam iyo Mubaarak.

Taliyaha ayaa sidoo kale sheegay in howlgalka oo ahaa mid qorsheysan intii uu socday ay ku dileen 13 ka mid ah dagaalamayaasha Al-shabaab, isagoona tilmaamay in ciidanku ay gacanta ku dhigeen gaadiid isugu jiray baabur caadi ah iyo Mootooyin uu sheegay iney lahayeen Al-shabaab.

Jenaraal Odawaa ayaa uga mahadceliyay ciidanka AMISOM iyo kuwa dowladda Mareykanka oo uu sheegay iney gacan weyn ku lahayeen howlgalka qorsheysan ee ciidanka Kumaandooska fuliyeen, isagoona sheegay in howlgalkaani uu qeyb ka ahaa howlgalada ay ku doonayaan in Al-shabaab dalka looga saaro uuna sii socon doono.

Ciidamada dowladda Soomaaliya ayaa inta badan deegaanada ka tirsan gobolada Shabeelooyinka waxay ka sameeyaan howlgalo ay kula dagaalamayaan Al-shabaab oo ka talisa inta badan deegaanada labadaasi gobol ee Sh/hoose iyo Sh/dhexe.

Jamaal Cali Cabdi, Hiiraan Online












Click here
1/18/2022 11:57 AM EST
Talaado, January, 18, 2022 (HOL) - Madaxweynaha Somaliland Muuse Biixi Cabdi, ayaa u mahadceliyay xildhibaan Gavin Williamson, oo ah xildhibaanka soo jeediyay in Baarlamaanka Ingiriisku ka doodo aqoonsiga Somaliland, isla markaana daadihinaya dooda.

1/18/2022 11:41 AM EST
Talaado, Janaayo, 18, 2022 (HOL) - Qaraxaan oo ahaa mid aad u xoogan ayaa ka dhacay degmada Wadajir ee gobolka Banaadir, waxaana jugtiisa laga maqlay qeybo ka mid ah degmooyinka magaalada Muqdisho.

1/18/2022 10:30 AM EST
Talaado, Janaayo, 18, 2022 (HOL) - Guddiga hirgelinta dooraahada maamulka Puntland ayaa soo saaray liiska doorashada 11 kursi oo ka mid ah kuraasta Golaha Shacabka ee deegaan doorashadoodu tahay Puntland.

1/18/2022 10:22 AM EST
Talaado, January, 18, 2022 (HOL) - Afhayeenka Xisbiga Waddani Barkhad Jaamac Batuun, oo ka jawaabay wadahadalka uu Wasiirka Arrimaha Dibbada Soomaaliya, arrimaha midnimada Somaliland iyo Soomaaliya kala yeeshay Wasiirka Arrimaha Afrika ee Ingiriiska, ayaa ugu usoo jeediyay in uu ka shaqeeyo nabadaynta Soomaaliya.

1/18/2022 10:15 AM EST
Talaado, Janaayo, 18, 2022 (HOL) - Kadib kulan saacado badan qaatay oo maanta ku dhexmaray Xerada Lamagalaay ee gudaha Magaalada Baledweyne Taliyaha ciidanka Lugta Jenaraal Maxamed Tahliil Biixi iyo xubno ka tirsan hoggaanka sare ee Golaha kacdoonka Hiiraan ee uu hogaaminayo Jenaraal Abuukar Xuud, ayaa waxaa la sheegay in labada dhinac ay isku afgarteen heshiisyo hordhac ah.

1/18/2022 9:55 AM EST
Talaado, January, 18, 2022 (HOL) - Wasiirka Maaliyada Itoobiya Axmed Shide iyo Wasiiru-dowlaha Arrimaha Siyaasada ee Wasaarada Arrimaha Dibadda Ridwan Xuseen, ayaa Madaxweynaha Somaliland Muuse Biixi Cabdi iyo waftigii uu hogaaminayay kusoo dhaweeyey madaarka Bole ee caasimada Addisababa.

1/18/2022 8:36 AM EST
Talaado, January, 18, 2022 (HOL) - Xildhibaannada kala ah Stephen Doughty, Tom Tugendhat iyo Zac Goldsmith oo ka tirsan Baarlamaanka Ingiriiska, James Carver oo ah siyaasi hore uga tirsanaa Baarlamaanka Yurub iyo ururka waddamada aan la aqoonsan ee loo soo gaabiyo UNPO, ayaa soo dhaweeyay dooda uu Baarlamaanka Ingiriisku ka yeelanayo aqoonsiga Somaliland.

1/18/2022 7:24 AM EST
Talaado, Janaayo, 18, 2022 (HOL) - Wasiirka arrimaha dibadda iyo iskaashiga caalamiga ah ee dowladda Soomaaliya, Cabdisaciid Muuse Cali, ayaa khadka telefoonka wada hadal kula yeeshay Wasiirka Arrimaha Afrika ee Boqortooyada Ingiriiska (UK), Marwo Vicky Ford.

1/18/2022 3:21 AM EST
Talaado, Janaayo, 18, 2022 (HOL) - Madaxweynaha Somaliland Muuse Biixi Cabdi ayaa safar shaqo ugu ambo baxay dalka Itoobiya, kadib marti qaad rasmi ah oo uu ka helay Raysal Wasaaraha Itoobiya Abiye Axmed Cali.

1/18/2022 2:02 AM EST
Talaado, Janaayo, 18, 2022 (HOL) - Guddiga Xalinta Khilaafaadka doorashooyinka dalka ayaa shaaciyay magacyada xubnaha ka shaqeyn doono qabashada doorashada guddoomiyaha Guddiga Xalinta Khilaafaadka oo la filayo in dhawaan lagu doorto Muqdisho.

1/18/2022 1:56 AM EST
Talaado, Janaayo, 18, 2022 (HOL) - 15 qof oo looga shakisan yahay inay ka tirsan yihiin ururka Al-Shabaab ayaa lagu dilay deegaanka Bodhei ee kaynta Boni, sida ay sheegtay dowladda Kenya.

1/18/2022 1:04 AM EST
Talaado, Janaayo, 18, 2022 (HOL) - Dowladda Soomaaliya ayaa si adag u cambaareysay weerar duqayn ah oo shalay lagu weeraray magaalada Dubai ee xarunta ganacsiga dalka Imaaraatka.