10/6/2022
Today from Hiiraan Online:  _
Wararka Maanta- Khamiis, Jan 13, 2022
Guddiga doorashooyinka heer federal oo beeniyay in xilkii laga qaaday guddoomiyihii gudidiga doorashada Galmudug
 

Khamiis, Janaayo, 13, 2022 (HOL) - Guddiga doorashada heer federal ayaa been abuur ku tilmaamay warqad baraha internetka lagu faafiyay oo la sheegay in xilka looga qaaday guddoomiyihii guddiga doorashada Galmudug, halka mid cusubna loo doortay.

Afhayeenka guddiga doorahsada heer federal Ambassador Safiina ayaa sheegay in tallaabo ay ka qaadidoonaan cid kasta oo ka dambeysay warqada lagu faafiyay internetka.

“Guddiga Seit ee Galmudug waxna wey ridi karaan, waxna wey dooran karaan, laakiin waa markay muwaafaqo ka helaan guddiga heer federal ee doorashooyinka. Marka koowaad waxay soo gudbinayaan mooshin xil ka qaadis. Guddiga federalka ee doorashada ayaa kala soo qeyb galay,”ayuu yiri afhayeenku.

Dhinaca kale guddiga doorashooyinka Heer Federaal ee FEIT ayaa magacaabay guddiga qaban qaabada doorashada guddoomiyaha Guddiga, sida lagu sheegay warqad lagu faafiyay warbaahinta dowladda.

Warqadan laguma shaacin barta rasmiga ah ee guddiga doorashooyinka heer federal.

Xubno kamid ah guddiga doorashada ayaa dhawaan xilkii ka qaaday guddoomiyihii guddiga doorashada Maxamed Xasan Cirro, inkastoo uu beeniyay arrintaan.


Abdiweli M. Sheikh, Hiiraan Online












Click here
1/13/2022 12:23 PM EST
Khamiis, Janaayo, 13, 2022 (HOL) - Raysal wasaaraha Soomaaliya Maxamed Xuseen Rooble ayaa hay’addaha dowladda uga digay in ay ku tagrifal ku sameeyaan hantida dowladda oo ay gacanta ku hayaan.

1/13/2022 9:59 AM EST
Khamiis, January, 13, 2022 (HOL) - Guddoomiyaha Xisbiga UCID Faysal Cali Waraabe, ayaa Guddoomiyaha Maxkamada Sarre ee Somaliland Aadan Xaaji Cali, ku eedeeyay in dacwada xeerka furista ururrada siyaasada aanu daacad ka ahayn.

1/13/2022 8:24 AM EST
Khamiis, January, 13, 2022 (HOL) - Xukuumada Somaliland ayaa ku dhawaaqday in abaaro ay ku dhufteen dad tirradoodu dhantahay 810,000 oo ku kala nool 6 gobol oo Somaliland ah.

1/13/2022 7:06 AM EST
Khamiis, Janaayo, 13, 2022 (HOL) - War qoraal ah oo kasoo baxay dhanka dowladda Itoobiya ayaa lagu sheegay in TPLF ay caqabad ku tahay gargaarkii lagaarsiin lahaa dadka dhibaataysan, ee gaajada iyo dhibaatooyinka kale saameeyeen ee ku sugan gudaha gobolka Tigray.

1/13/2022 3:09 AM EST
Khamiis, Janaayo, 13, 2022 (HOL) - Waxaa Maanta oo Khamiis ah dib u dhac uu ku yimid banaanbax lagu waday in magaalada Muqdisho uu ka dhaco, kaasoo looga soo horejeedo madaxweynaha mudo xileedkiisu dhamaaday Maxamed Cabdullaahi Farmaajo.

1/13/2022 12:58 AM EST
Khamiis, Janaayo, 13, 2022 (HOL) - Guddiga hirgelinta doorashada maamulka Koonfur Galbeed ayaa shaaciyay in dhawaan ay qaban doonaan doorashada shan kursi oo ka mid ah kuraasta Golaha Shacabka Baarlamaanka 11-aad ee dalka.

1/13/2022 12:49 AM EST
Khamiis, Janaayo, 13, 2022 (HOL) - Hantidhowrka guud ee Soomaaliya ayaa joojiyay qandaraas uu wasiirka ganacsiga Soomaaliya ku siiyay tayaynta hubinta badeecadaha dekeda Muqdisho, shirkad lagu magacaabo Maru port.

1/13/2022 12:41 AM EST
Khamiis, Janaayo, 13, 2022 (HOL) - Shirkadda duulimaadyada ee Freedom Airline ee uu fadhigeedu yahay magaalada Nairobi ayaa dayuuradii ugu qaad-weyneyd ku soo kordhisay dayaaradeeda. Dayuurddaan oo ah nooca AIRBUS 320 ayaa noqoneysay dayuuraddii labaad laga diiwaan-galiyo dalka Kenya.

1/13/2022 12:33 AM EST
Khamiis, Janaayo, 13, 2022 (HOL) - Guddiyadii isku xilsaaray dhameynta khilaafka madaxweyne Deni iyo agaasimihii hore ee PSF ayaa ku kala qeybsamay go'aan qaar Isimada Puntland kasoo saareen arrinta Bosaso ka jirta.