9/27/2022
Today from Hiiraan Online:  _
Wararka Maanta- Arbaco, Jan 12, 2022
Dhalinyaro badan oo siyaabo kala duwan loogu dilay gudaha magaalada Muqdisho
 

Arbaco, Janaayo, 12, 2022 (HOL) - Waxaa xalay ilaa shalay magaalada Muqdisho siyaabo kala duwan loogu dilay ilaa 6 dhalinyaro ah  oo aanan waxba galabsan.

Dhalinyarada lagu dilay magaalada Muqdisho saacadahii ugu dambeeyay ayaa u badan kuwa laga dhaacayay talefanada gacanta lagu qaato oo ay burcada hubeysan doonayeen iney ka dhacaan.

Dhalinyarada dilalka loogu geystay meelo kala duwan oo ka mid ah magaalada Muqdisho ayaa afar ka mid ah waxaa la xaqiijiyay in la dilay xili tuugo hubeysan ay doonaayeen iney ka qataan talefanadooda gacanta ah, waxaana laba ka mid ah afartaas wiil magacyadooda lagu sheegay Cabduqaadir Xasan Ashkir iyo Cabduqaadir Nuur, waxaana labada kale la sheegay in mid ka mid ah uu dilay askari ka tirsan ciidanka dowladda, iyadoo kan kale aan la ogeyn cida dishay.

Majirto wax war ah oo kasoo baxay laamaha amaanka magaalada muqdisho oo ku aadan dilalka saacadahii ugu dambeeyay ka dhacay qeybo ka mid ah degmooyinka magaalada Muqdisho

Maalmihii lasoo dhaafay Waxaa muqdisho kusoo badanayay kooxaha hubeysan ee dhaca taleefannada gacanta lagu qaato, kuwaas oo si bareer ah u dila qofkii diida inuu dhiibo taleefankiisa.

Jamaal Cali Cabdi, Hiiraan Online












Click here
1/12/2022 4:08 PM EST
Arbaco, January, 12, 2022 (HOL) - 42 dhalinyaro reer Somaliland ah oo dowlada Soomaaliya kasoo daysay xabsiyada dalka Liibiya oo ay ku xidhnaayeen kadib markii ay isku dayeen tahriib, ayaa markii ay Hargaysa soo gaadheen sheegay in qasab Xamar looga dajiyay, laguna qasbay in ay warbaahinta la hadlaan.

1/12/2022 10:17 AM EST
Arbaco, Janaayo, 12, 2022 (HOL) - Afhayeenka ciidamada Booliiska Soomaaliyeed Cabdifataax Xasan Aadan oo ka hadlay qaraxii Ismiidaaminta ahaa maanta ka dhacay wadada 21-ka Oktoobar degmada Waabari ee magaalada Muqdisho ayaa sheegay in qaraxii maanta uu geystay khasaare kala duwan oo dhimasho , dhaawac iyo burbur hantiyadeed isugu jira.

1/12/2022 9:42 AM EST
Arbaco, Janaayo, 12, 2022 (HOL) - Kulan aan horay loo sii shaacin oo ay isugu yimaadeen Maanta xubno ka tirsan guddiga hirgelinta doorashada maamulka Galmudug ayaa waxay xilka qaadis ku sameeyeen guddoomiyahii guddigaas Maxamed Daahir Guuleed.

1/12/2022 6:44 AM EST
Arbaco, Janaayo, 12, 2022 (HOL) - Faahfaahino dheeraad ah ayaa kasoo baxaya qarax Ismiidaamin ah oo maanta ka dhacay wadada 21-ka Oktoobar agagaarka xerada Afisyooni degmada Waabari ee magaalada Muqdisho.

1/12/2022 4:47 AM EST
Arbaco, Janaayo, 12, 2022 (HOL) - Qarax aad u xoogan oo jugtiisa laga maqlay inta badan degmooyinka gobolka Banaadir ayaa goordhaw ka dhacay wadada 21-ka Oktokbar degmada Waabari ee magaalada Muqdisho.

1/12/2022 3:52 AM EST
Arbaco, Janaayo, 12, 2022 (HOL) - Wasiirka amniga Soomaaliya Cabdullaahi Maxamed Nuur ayaa soo saaray qoraal uu ku farayo taliska booliiska Soomaaliya iyo taliska booliiska gobolka Banaadir in ay sugaan amniga isisoo bax Muqdisho ay ku qabanayaan gole la magac baxay golaha badbaadada Banaadir.

1/12/2022 1:47 AM EST
Arbaco, Janaayo, 12, 2022 (HOL) - Dowladda Soomaaliya ayaa saakay dalka dib ugusoo celisay 97 dhallinyaro ah oo muddo sanado ah ku xirnaa xabsiyo kuyaalla dalka Libya.

1/12/2022 1:00 AM EST
Arbaco, Janaayo, 12, 2022 (HOL) - Wasaaradda arrimaha dibadda Maraykanka ayaa sheegtay in ay diyaar u tahay in ay qaado tallaabo kasta oo ka dhan ah dib udhaca doorashada oo ay ku jiraan in ay xayiraad kusoo rogaan kuwa masuulka ka ah falalka wax u dhimaya hufaanka iyo geeddi socodka doorashada.

1/12/2022 12:45 AM EST
Arbaco, Janaayo, 12, 2022 (HOL) - Jawhar Maxamed iyo Baqale Gerba oo kamid ah xisbiga OFC ee Oromo ee dhawaan xabsiga laga siidaayay, oo shir jaraa'id qabtay ayaa dowladda Itooboya ka codsaday, in xal nabadeed laga gaaro colaadda Itoobiya, isla markaana dowladda iyo TPLF miiska wada hadalka isugu yimaaddaan.