3/18/2024
Today from Hiiraan Online:  _
Wararka Maanta- Talaado, Aug 9 , 2022
Xukuumada Somaliland oo war kasoo saartay mudaharaadada mucaaradka
 

Talaado, Ogosto, 9, 2022 (HOL) - Xukuumada Somaliland ayaa sheegtay in mucaaradka loo ogolyahay in ay ku mudaharaadaan xarumahooda ay ku leeyihiin lixda gobolada ee Somaliland.

Wasiirka Isgaadhsiinta iyo Tiknoolajiyada Somaliland DR. Cabdiwali Sh. Cabdillaahi Suufi, oo u hadlay xukuumada Somaliland ayaa sheegay in mucaaradku xarumahooda ku mudaharaadi doonaan si ka duwan sidii ay doonayeen oo ahaa in ay ku mudaharaadaan fagaarayaasha.

"Waxaanu doonaynaa in aanu caddayno in ay isusoobax ku qaban karaan xarumahooda ay ku leeyihiin lixda gobol ee waa wayn ee dalka, halkii gobolba waxa looga ogolyahay in ay hal goob ama xarun ay ku leeyihiin ay iskugu yimaadaan" ayuu yidhi Suufi.

Waxa uu sheegay in xukuumadu anay marnaba diidiin in mucaaradku ay mudoharaadaan lakiinse ay kali ah rabtay in sharciga la raaco, si nabadgalyada loo sugo, oo aan cid cadow ah oo dan kale lihi ugu soo dhex dhuumaan mudoharaadayaasha dareenkooda cabiraya.

Shir ay maanta yeesheen xukuumada iyo madaxda mucaaradka ayaa lagu heshiiyay in mucaaradku ay mudaharaadadooda qabsadaan, isla markaana ciidamadu amaanka ilaaliyaan.

Mucaaradka ayaa dhankooda soo dhaweeyay heshiiska ay xukuumada kala gaadheen khilaafkii ka taagnaa habka loo qabanayo mudaharaadada waxayna sheegeen in ay ciidamada booliiska kala shaqayn doonaan sugida amniga.

Abdilahi Geel-maal, Hiiraan Online
[email protected]












Click here
8/9/2022 1:41 PM EST
Talaado, Agoosto, 9, 2022 (HOL) - War-saxaafadeed rasmi ah oo shalay oo ay taariikhdu aheyd 8 August, 2022 ka soo baxay Bangiga dhexe ee Uganda (Bank of Uganda), ayaa lagu shaaciyay in Bangiga SALAAM AFRICAN SAB uu si rasmi ah ula wareegay lahaanshaha TOP FINANCE BANK Limited oo laga furay dalka Uganda sanadkii 2012.

8/9/2022 11:12 AM EST
Talaado, Ogosto, 9, 2022 (HOL) - Xisbiga ugu wayn mucaaradka Somaliland ee Waddani, ayaa taageerayaashiisa ugu baaqay in ay nabada ilaaliyaan maalinta mudaharaadka.

8/9/2022 10:39 AM EST
Talaado, Agoosto, 9, 2022 (HOL) - Wasiirka cusub ee Wasaaradda Gaadiidka iyo Duulista Hawada Xukuumadda Federaalka Soomaaliya, Marwo Fardowso Cusmaan Cigaal ayaa maanta xilka la wareegtay, taa oo ka dhigtay gabadhii u horraysay ee xilkan qabata.

8/9/2022 10:16 AM EST
Talaado, Agoosto, 9, 2022 (HOL) - Guddoomiyaha Golaha Shacabka Sheekh Aadan Maxamed Nuur Madoobe ayaa Maanta magacaabay guddi KMG ah oo baritaano ku sameynaya dhacdadii 7-dii bishaan ka dhacday gudaha xarunta Golaha Shacabka ee Villa Hargeysa, taasoo aheyd buuq iyo fowdo ay sameeyeen Xildhibaanada qaar, xili Baarlamaanka uu i fadhiyay cod u qaadista Xukuumadda Raysal wasaare Xamse.

8/9/2022 8:34 AM EST
Talaado, Agoosto, 9, 2022 (HOL) - Dowladda Soomaaliya ayaa xaqiijisay in diyaaradaha Maraykanku ay duqayn ka dhan ah Alshabaab ka geysteen gobolka Hiiraan, halkaas oo muddooyinkii ugu dambeeyay ay Shabaabku dhaqdhaqaaqyo ciidan ka wadeen.

8/9/2022 7:09 AM EST
Talaado, Agoosto, 9, 2022 (HOL) - Madaxweynayaasha Soomaaliya iyo Uganda ayaa soo dhoweeyay heshiisyo is afgarad ah oo looga gol leeyahay in lagu xoojiyo iskaashiga ganacsiga, amniga iyo diblumaasiyadda.

8/9/2022 7:02 AM EST
Talaado, Ogosto, 9, 2022 (HOL) - Xukuumada iyo xisbiyada mucaaradka Somaliland, ayaa ku heshiiyay in mucaaradku ay isusoobaxyo nabadgalyo qabsadaan maalinta Khamiista.

8/9/2022 3:39 AM EST
Talaado, Ogosto, 9, 2022 (HOL) - Xisbiga mucaaradka Somaliland ee Waddani, ayaa sheegay in xadhiga loogaystay qaar kamid ah masuuliyiinta xisbigaasi anay waxba ka badali doonin bannaanbaxyada qorshaysan 11 bishan.

8/9/2022 2:44 AM EST
Talaado, Agoosto, 9, 2022 (HOL) - Warar dheeraad ah ayaa kasoo baxaya weeraro dagaalamayaal ka tirsan Al-shabaab ay ku qaadeen Saldhigyo ciidamada Kenya ay ku leeyihiin deegaano hoostaga degmada Mandhera ee gobolka Waqooyi Bari kenya.

8/9/2022 1:56 AM EST
Talaado, Agoosto, 9, 2022 (HOL) -Madaxweynaha Uganda Yuweri Museveni ayaa sheegay in dowladdiisa ay diyaar u tahay inay Soomaaliya ka caawiso dagaalka ay kula jirto Shabaab, balse uusan dalkiisu lahayn awood dhaqaale oo uu ku bixiyo mushaaraadka ciidamada Soomaaliya.