3/19/2024
Today from Hiiraan Online:  _
Wararka Maanta- Talaado, Aug 9 , 2022
SALAAM AFRICAN BANK oo la wareegay “TOP FINANCE BANK Limited” Oo ah Bank laga leeyahay Dalka Uganda
 

Talaado, Agoosto, 9, 2022 (HOL) - War-saxaafadeed rasmi ah oo shalay oo ay taariikhdu aheyd 8 August, 2022 ka soo baxay Bangiga dhexe ee Uganda (Bank of Uganda), ayaa lagu shaaciyay in Bangiga SALAAM AFRICAN SAB uu si rasmi ah ula wareegay lahaanshaha TOP FINANCE BANK Limited oo laga furay dalka Uganda sanadkii 2012.

“Waxaan halkan bulshada ku wargelinaynaa in SALAAM AFRICAN BANK(SAB) oo xaruntiisu tahay dalka Djibouti uu si rasmi ah ula wareegay bangigii TOP FINANCE BANK, kala wareeggan wuxuu ku suurtogalay iyadoo la raacayo ogolaanshaha BANK OF UGANDA laguma saleeyey SHARCIGA HAY’ADAHA MAALIYADDA (Financial Institutions Act – FIA) 2004 iyo wixii shuruuc ah ee uu jideeyey” ayaa lagu yiri war saxaafadeedka.

SALAAM AFRICAN BANK oo xaruntiisu tahay dalka Djibouti oo la furay sanadkii 2008, waana bangiga ugu weyn uguna maalgelinta badan dalkaas, sida ay sheegeen hay’ado kala duwan.

Ku dhawaad shan iyo tobanka sano oo uu furnaa SAB waxuu door laxaad leh ku yeeshay dhaqaalaha iyo horumarka Djibouti isagoo sidoo kale cagaha dhigtay isuna ballaariyey wadamada Kenya, Ethiopia, Uganda Iyo waliba Malaysia oo dhawaan uu ka hirgeliyey WAAFI BANK.

SAB oo sida ku cad waraaxaafadeedka Ka soo baxay Bank of Uganda (BOU) haatan si rasmi ah ula wareegay Top Finance Bank Limited, wuxuu noqonayaa bangigii u horreeyey ee Islaami ah ee laga hirgeliyo dalka Uganda 2-dii February, 2018, kadib markii dalkaasi uu sharciyeeyey xeerarka Bangiyada Islaamiga ah “Financial institutions (Islamic Banking) regulations”

Caga-dhigashada SAB ee Uganda wuxuu calaamad muuqata u yahay ujeedooyinka uu bangigu leeyahay ee ah inuu qayb laxaad leh Ka qaato isku xirka ganacsi dalalka Iyo bulshooyinka Afrikada Bari, geeska Afrika iyo Bariga Fog.












Click here
8/9/2022 1:48 PM EST
Talaado, Ogosto, 9, 2022 (HOL) - Xukuumada Somaliland ayaa sheegtay in mucaaradka loo ogolyahay in ay ku mudaharaadaan xarumahooda ay ku leeyihiin lixda gobolada ee Somaliland.

8/9/2022 11:12 AM EST
Talaado, Ogosto, 9, 2022 (HOL) - Xisbiga ugu wayn mucaaradka Somaliland ee Waddani, ayaa taageerayaashiisa ugu baaqay in ay nabada ilaaliyaan maalinta mudaharaadka.

8/9/2022 10:39 AM EST
Talaado, Agoosto, 9, 2022 (HOL) - Wasiirka cusub ee Wasaaradda Gaadiidka iyo Duulista Hawada Xukuumadda Federaalka Soomaaliya, Marwo Fardowso Cusmaan Cigaal ayaa maanta xilka la wareegtay, taa oo ka dhigtay gabadhii u horraysay ee xilkan qabata.

8/9/2022 10:16 AM EST
Talaado, Agoosto, 9, 2022 (HOL) - Guddoomiyaha Golaha Shacabka Sheekh Aadan Maxamed Nuur Madoobe ayaa Maanta magacaabay guddi KMG ah oo baritaano ku sameynaya dhacdadii 7-dii bishaan ka dhacday gudaha xarunta Golaha Shacabka ee Villa Hargeysa, taasoo aheyd buuq iyo fowdo ay sameeyeen Xildhibaanada qaar, xili Baarlamaanka uu i fadhiyay cod u qaadista Xukuumadda Raysal wasaare Xamse.

8/9/2022 8:34 AM EST
Talaado, Agoosto, 9, 2022 (HOL) - Dowladda Soomaaliya ayaa xaqiijisay in diyaaradaha Maraykanku ay duqayn ka dhan ah Alshabaab ka geysteen gobolka Hiiraan, halkaas oo muddooyinkii ugu dambeeyay ay Shabaabku dhaqdhaqaaqyo ciidan ka wadeen.

8/9/2022 7:09 AM EST
Talaado, Agoosto, 9, 2022 (HOL) - Madaxweynayaasha Soomaaliya iyo Uganda ayaa soo dhoweeyay heshiisyo is afgarad ah oo looga gol leeyahay in lagu xoojiyo iskaashiga ganacsiga, amniga iyo diblumaasiyadda.

8/9/2022 7:02 AM EST
Talaado, Ogosto, 9, 2022 (HOL) - Xukuumada iyo xisbiyada mucaaradka Somaliland, ayaa ku heshiiyay in mucaaradku ay isusoobaxyo nabadgalyo qabsadaan maalinta Khamiista.

8/9/2022 3:39 AM EST
Talaado, Ogosto, 9, 2022 (HOL) - Xisbiga mucaaradka Somaliland ee Waddani, ayaa sheegay in xadhiga loogaystay qaar kamid ah masuuliyiinta xisbigaasi anay waxba ka badali doonin bannaanbaxyada qorshaysan 11 bishan.

8/9/2022 2:44 AM EST
Talaado, Agoosto, 9, 2022 (HOL) - Warar dheeraad ah ayaa kasoo baxaya weeraro dagaalamayaal ka tirsan Al-shabaab ay ku qaadeen Saldhigyo ciidamada Kenya ay ku leeyihiin deegaano hoostaga degmada Mandhera ee gobolka Waqooyi Bari kenya.

8/9/2022 1:56 AM EST
Talaado, Agoosto, 9, 2022 (HOL) -Madaxweynaha Uganda Yuweri Museveni ayaa sheegay in dowladdiisa ay diyaar u tahay inay Soomaaliya ka caawiso dagaalka ay kula jirto Shabaab, balse uusan dalkiisu lahayn awood dhaqaale oo uu ku bixiyo mushaaraadka ciidamada Soomaaliya.