3/28/2024
Today from Hiiraan Online:  _
Wararka Maanta- Isniin, Aug 8 , 2022
Madaxweynaha Koonfur galbeed Soomaaliya Cabdicasiis Laftagareen oo soo gaadhay magaalada jigjiga
 

Isniin, Agoosto, 8, 2022 (HOL) - Madaxweynaha Koonfur galbeed Soomaaliya, Cabdicasiis Laftagareen iyo Wafdi uu hoggaaminayo ayaa maanta ka degey magaalada Jigjiga ee caasimadda dowlad degaanka Soomaalida, iyadoo garoonka diyaaradaha ee Magaalada Jigjiga uu kusoo dhaweeyay Madaxweynaha dowlad degaanka Soomaalida Mustafe cagjar iyo qaar kamid ah golihiisa Wasiirada.

Haddaba labada Madaxweyne ayaa la filayaa inay ka wada hadlaan arrimo ku saabsan xaqiijinta amniga xuduudda labada dhinac iyo waliba sidii dhinac looga mari lahaa la dagaallanka Ururka Al Shabaab.

Madaxweyne Cabdicasiis laftagareen ayaa socdaalkiisa Itoobiya waxa uu kusoo horreeyay caasimadda dalka Itoobiya ee Addis Ababa, isagoo maantana booqasho gaaban ku yimid magaalada Jigjiga ee degaanka Soomaalida.

Booqashada Madaxweyne Cabdicasiis laftagareen ee degaanka Soomaalida oo ah booqashadii u horreysay ee uu Madaxweynuhu ku yimaaddo degaanka ayaa kusoo hagaagaysa iyadoo uu socdo howlgallo ay si wada jir ah u wadaan Itoobiya iyo Soomaaliya, kaas oo ka dhan ah Ururka Al Shabaab.

Ururka Al Shabaab ayaa labo toddobaad ka hor waxay degaanka Soomaalida kasoo galeen deegaanno kamid ah Dowlad goboleedka Koonfur galbeed Soomaaliya, xilligaas oo xuduudda labada dhinac ay dagaallo culus ku dhex mareen Liyuu Booliska degaanka Soomaalida iyo Ururka Al Shabaab.

Abdilahi Jawhar, Hiiraan Online
[email protected]












Click here
8/8/2022 1:03 PM EST
Isniin, Agoosto, 8, 2022 (HOL) - Ciidanka Liyuu Booliska degaanka Soomaalida ayaa sheegay in Ururka Al Shabaab laga qabtay Miinooyin.

8/8/2022 10:04 AM EST
Isniin, Agoosto, 8, 2022 (HOL) - Madaxweyne ku xigeenka koowaad ee maamulka Jubbaland Maxamuud Sayid Aadan ayaa soo dhaweeyay ansixinta Xukuumadda cusub ee Raysal wasaare Xamse Cabdi Barre oo uu horay u dhaliilay dhismaheeda.

8/8/2022 9:45 AM EST
Isniin, Agoosto, 8, 2022 (HOL) - Ciidamada dowladda Soomaaliya ayaa Maanta la wareegay deegaano dhowr ah oo ka tirsan degmooyin Matabaan iyo Maxaas ee gobolka Hiiraan, kadib howlgalo balaaran oo saacadihii ugu dambeeyay ay sameeyeen ciidanka Xoogga dalka Soomaaliyeed.

8/8/2022 9:38 AM EST
Isniin, Ogosto, 8, 2022 (HOL) - Wasiiro, wasiir ku xigeeno iyo masuuliyiin kale oo ka tirsan xukuumada Somaliland, ayaa shacabka ugu baaqay in ay nabada ilaaliyaan, mucaaradkana usoo jeediyay in ay dabaqaan sharciga.

8/8/2022 8:27 AM EST
Isniin, Agoosto, 8, 2022 (HOL) - Lix Kun oo arday ayaa waxbarashadii ugu haray saameynta ka dhalatay abaaraha ka jira Puntland, sida lagu sheegay war-saxaafadeed kaso baxay wasaaradda waxbarashada maamulka Puntland.

8/8/2022 8:18 AM EST
Isniin, Ogosto, 8, 2022 (HOL) - Xisbiga mucaaradka Somaliland ee Waddani, ayaa diiday kulan uu ka dalbaday wasiirka arrimaha gudduhu, kadib ogaysiiskii mudaharaad ee ay shalay u gudbiyeen, xili xukuumadu xabsiga dhigtay masuuliyiin ka tirsan mucaaradka.

8/8/2022 7:36 AM EST
Isniin, Agoosto, 8, 2022 (HOL) - Madaxweynaha dowladda Federaalka Soomaaliya Xasan Sheekh Maxamuud iyo wafdi uu hoggaaminayo ayaa Maanta u ambabaxay dalka Uganda, kadib martiqaad rasmi ah oo uu ka helay madaxweynaha dalka Uganda Yoweri Museveni.

8/8/2022 3:14 AM EST
Isniin, Agoosto, 8, 2022 (HOL) - Wararka ka imaanaya degmada Maxaas ee gobolka Hiiraan ayaa sheegaya in dagaalmayaasha Al-shabaab ay dab qabad siiyeen ilaa 7 tuulo oo ka mid ah tuulooyinka hoostaga degmada Maxaas ee gobolka Hiiraan.

8/8/2022 2:11 AM EST
Isniin, Agoosto, 8, 2022 (HOL) - Madaxweynaha Turkiga Recep Tayyip Erdoğan ayaa khadka taleefoonka kula hadlay Madaxweynaha Soomaaliya Xasan Sheekh Maxamuud, xalay oo Axad ahayd.

8/8/2022 1:58 AM EST
Isniin, Agoosto, 8, 2022 (HOL) - Maamulka Jubbland ayaa xaqiijiyay inay ciidmo Itoobiyaan ah oo kasoo gudbay xadka labada dal ay gaareen qeybo kamid ah gobolka Gedo, maalmo kadib dagaalladii Itoobiya Alshabaab kula gashay gobolka Bakool iyo xadka.