3/29/2024
Today from Hiiraan Online:  _
Wararka Maanta- Isniin, Aug 8 , 2022
Ciidanka Liyuu Booliska oo soo bandhigay Miinooyin ay sheegeen in laga qabsaday Ururka Al Shabaab

Isniin, Agoosto, 8, 2022 (HOL) - Ciidanka Liyuu Booliska degaanka Soomaalida ayaa sheegay in Ururka Al Shabaab laga qabtay Miinooyin.

Taliye kuxigeenka Ciidanka Liyuu Booliska degaanka Soomaalida Sakariye Cabdi oo Warbaahinta la hadlay ayaa sheegay in ay gacanta lagu dhigey Miinooyin dhan  20 caag oo baaruudo ah, 35 kuwa culus ee burburiya taangiyada iyo dabaqyada iyo kuwa wadooyinka.

Taliyaha ku xigeenka ayaa sidoo kale sheegay in Ciidanka Liyuu Boolisku ay mar walba u taagan yihiin sidii degaanka looga difaaci lahaa wax kastoo halis ku ah amniga degaanka Soomaalida.

Ma aha markii koowaad ee sidan oo kale usoo bandhigaan waxyaabo la sheegay in Ururka Al Shabaab laga furtay, maalmo ka hor ayaa sidan oo kale Liyuu Boolisku usoo bandhigeen Maxaabiis ay ku sheegeen inay Al Shabaab kamid yihiin iyo waliba qalab tiro badan.

Ma jiraan ilo madax banaan oo xaqiijin kara sheegashada dowladda ee ah inay miinooyin ka qabsadeen Ururka Al Shabaab.

Ururka Al Shabaab ayaan wali ka hadlin sheegashada dowladda ee hore iyo tan dambe ee maanta ee ah in miinooyin iyo walxaha qarxa laga qabsaday Ururka Al Shabaab.

Abdilahi Jawhar, Hiiraan Online
[email protected]












Click here
8/8/2022 1:10 PM EST
Isniin, Agoosto, 8, 2022 (HOL) - Madaxweynaha Koonfur galbeed Soomaaliya, Cabdicasiis Laftagareen iyo Wafdi uu hoggaaminayo ayaa maanta ka degey magaalada Jigjiga ee caasimadda dowlad degaanka Soomaalida, iyadoo garoonka diyaaradaha ee Magaalada Jigjiga uu kusoo dhaweeyay Madaxweynaha dowlad degaanka Soomaalida Mustafe cagjar iyo qaar kamid ah golihiisa Wasiirada.

8/8/2022 10:04 AM EST
Isniin, Agoosto, 8, 2022 (HOL) - Madaxweyne ku xigeenka koowaad ee maamulka Jubbaland Maxamuud Sayid Aadan ayaa soo dhaweeyay ansixinta Xukuumadda cusub ee Raysal wasaare Xamse Cabdi Barre oo uu horay u dhaliilay dhismaheeda.

8/8/2022 9:45 AM EST
Isniin, Agoosto, 8, 2022 (HOL) - Ciidamada dowladda Soomaaliya ayaa Maanta la wareegay deegaano dhowr ah oo ka tirsan degmooyin Matabaan iyo Maxaas ee gobolka Hiiraan, kadib howlgalo balaaran oo saacadihii ugu dambeeyay ay sameeyeen ciidanka Xoogga dalka Soomaaliyeed.

8/8/2022 9:38 AM EST
Isniin, Ogosto, 8, 2022 (HOL) - Wasiiro, wasiir ku xigeeno iyo masuuliyiin kale oo ka tirsan xukuumada Somaliland, ayaa shacabka ugu baaqay in ay nabada ilaaliyaan, mucaaradkana usoo jeediyay in ay dabaqaan sharciga.

8/8/2022 8:27 AM EST
Isniin, Agoosto, 8, 2022 (HOL) - Lix Kun oo arday ayaa waxbarashadii ugu haray saameynta ka dhalatay abaaraha ka jira Puntland, sida lagu sheegay war-saxaafadeed kaso baxay wasaaradda waxbarashada maamulka Puntland.

8/8/2022 8:18 AM EST
Isniin, Ogosto, 8, 2022 (HOL) - Xisbiga mucaaradka Somaliland ee Waddani, ayaa diiday kulan uu ka dalbaday wasiirka arrimaha gudduhu, kadib ogaysiiskii mudaharaad ee ay shalay u gudbiyeen, xili xukuumadu xabsiga dhigtay masuuliyiin ka tirsan mucaaradka.

8/8/2022 7:36 AM EST
Isniin, Agoosto, 8, 2022 (HOL) - Madaxweynaha dowladda Federaalka Soomaaliya Xasan Sheekh Maxamuud iyo wafdi uu hoggaaminayo ayaa Maanta u ambabaxay dalka Uganda, kadib martiqaad rasmi ah oo uu ka helay madaxweynaha dalka Uganda Yoweri Museveni.

8/8/2022 3:14 AM EST
Isniin, Agoosto, 8, 2022 (HOL) - Wararka ka imaanaya degmada Maxaas ee gobolka Hiiraan ayaa sheegaya in dagaalmayaasha Al-shabaab ay dab qabad siiyeen ilaa 7 tuulo oo ka mid ah tuulooyinka hoostaga degmada Maxaas ee gobolka Hiiraan.

8/8/2022 2:11 AM EST
Isniin, Agoosto, 8, 2022 (HOL) - Madaxweynaha Turkiga Recep Tayyip Erdoğan ayaa khadka taleefoonka kula hadlay Madaxweynaha Soomaaliya Xasan Sheekh Maxamuud, xalay oo Axad ahayd.

8/8/2022 1:58 AM EST
Isniin, Agoosto, 8, 2022 (HOL) - Maamulka Jubbland ayaa xaqiijiyay inay ciidmo Itoobiyaan ah oo kasoo gudbay xadka labada dal ay gaareen qeybo kamid ah gobolka Gedo, maalmo kadib dagaalladii Itoobiya Alshabaab kula gashay gobolka Bakool iyo xadka.