12/8/2022
Today from Hiiraan Online:  _
Wararka Maanta- Axad, Aug 7 , 2022
Puntland oo soo bandhigtay muwaadiniin kasoo jeeda Itoobiya oo ka tirsanaaa Daacish
 

Axad, Agoosto, 7, 2022 (HOL) - Puntland ayaa magaalada Boosaaso kusoo bandhigtay afar nin oo kasoo jeeda Oromada dalka Itoobiya, kuwaas oo ay ku eedeysay inay ahaayeen shabakabad katirsan Daacish.

Wareysi laga qaaday raggan, waxay ku sheegeen in been loo sheegay oo lagu qiyaanay in la geynayo dalka dibaddiisa. Kadibna loo geeyay Daacish si ay uga mid noqdaan ururkaas.

Waxay sheegeen in magacyada laga beddelay, loona bixiyay magacyo gaar ah oo Daacish u bixiso dagaalamayaasha cusub ee kusoo biira.

Qaar kamid ah waxay sheegeen in loo ballanqaaday in la geynayo dalka Sacuudiga ayna helayaan waxbarashada iyo shaqo. Waxay tilmaameen in xilli habeen ah laga saaray magaalada Bosaso, iyagoo muddo afar cishe u lugaynayay halka uu safarkooda ka billaanayay.

Balse, ballanqaadkooda ayaa kusoo dhamaaday in la geeyo buuraha Calmiskaad oo ay ku jiraan dagaalamayaasha Daacish, halkaas oo ay kula kulmeen 40 xubnood oo katirsan Daacish.

Ma sheegin inay ka qeyb qaateen dagaallo ama howlgallo. Waxayse sheegeen inay markii dambe kasoo baxsadeen oo iskusoo dhiibeen ciidamada Puntland, kuwaas oo haatan gacanta ku haya.

Puntland waxay horey u sheegtay inay raggaan Daacish hubka ugasoo qaadi jireen deegaannada ku teedsan buurta. Waxay ciidamadu sheegeen inay ku ogaadeen dabal lagu sameeyay raggan.













Click here
8/7/2022 11:00 AM EST
Axad, Ogosto, 7, 2022 (HOL) - Musharaxa madaxweynaha xisbiga mucaaradka Somaliland ee Waddani Cabdiraxmaan Maxamed Cabdillaahi Cirro, ayaa taageerayaashiisa ugu baaqay in ay isku soo baxaan maalinta Khamiista ee 11 bishan.

8/7/2022 7:55 AM EST
Axad, Ogosto, 7, 2022 (HOL) - Xisbiyada mucaaradka Somaliland ee Waddani iyo UCID, ayaa mar kale xukuumada u gudbiyay waraaq ay ku ogaysiinayaan in ay dib u bilaabayaan mudaharaadadii.

8/7/2022 5:45 AM EST
Axad, Agoosto, 7, 2022 (HOL) - Mudanayaasha Baarlamaanka Fedaraalka Soomaaliya ayaa Maanta kulan ay ku yeesheen xarunta Villa Hargeysa ee magaalada Muqdisho ku meel mariyay Xukuumadda cusub ee Raysal wasaare Xamse Cabdi Barre.

8/7/2022 5:36 AM EST
Axad, Agoosto, 7, 2022 (HOL) - Wararka ka imaanaya magaalada Jowhar ee xarunta gobolka Sh/dhexe ayaa sheegaya in goordhaw uu halkaasi ka dhacay qarax aad u xoogan oo jugtiisa laga maqlay guud ahaan xaafadaha magaalada Jowhar.

8/7/2022 3:20 AM EST
Axad, Agoosto, 7, 2022 (HOL) - Kooxda Daacish ee ku sugan Soomaaliya ayaa soo saartay muuqaal 25 daqiiqo soconayo oo ku qoran afka Amxaariga, kaasoo ay ku doonayaan inay ku qortaan dadka kasoo jeeda Itoobiya.

8/7/2022 3:15 AM EST
Axad, Agoosto, 7, 2022 (HOL) - Mudanayaasha Baarlamaanka Fedaraalka Soomaaliya ayaa Maanta fadhi ka yeelanaya cod u qaadista kalsooni siinta Xukuumadda cusub ee Raysal wasaare Xamse Cabdi Barre uu dhawaan soo magacaabay.

8/7/2022 2:28 AM EST
Axad, Agoosto, 7, 2022 (HOL) - Dowladdaha Uganda iyo Soomaaliya ayaa magaalada Kampala ku kala saxiixday heshiis is-garad ah oo ku saabsan iskaashiga difaaca.

8/7/2022 2:14 AM EST
Axad, Agoosto, 7, 2022 (HOL) - Wararka haatan kusoo dhacaya warqabadka Shabakada HOL ayaa sheegaya in diyaarado dagaal ay haatan duqeymo culus ka wadaan deegaano hoostaga degmada Matabaan ee gobolka Hiiraan.