12/8/2022
Today from Hiiraan Online:  _
Wararka Maanta- Axad, Aug 7 , 2022
Baarlamaanka Soomaaliya oo ansixiyay Golaha Wasiiradda cusub ee Xukumadda Soomaaliya
 

Axad, Agoosto, 7, 2022 (HOL) - Mudanayaasha Baarlamaanka Fedaraalka Soomaaliya ayaa Maanta kulan ay ku yeesheen xarunta Villa Hargeysa ee magaalada Muqdisho ku meel mariyay Xukuumadda cusub ee Raysal wasaare Xamse Cabdi Barre.

Ka hor inta uusan ku dhawaaqin natiijada ansixinta Golaha Wasiiradda guddoomiyaha Baarlamaanka Sheekh Aadan Madoobe, waxaa kulanka hareeyay buuq iyo fowdo ay sameeyeen qaar kamid ah Xildhibaanada Golaha Shacabka, kuwaasi oo diidanaa in la ansixiyo Xukuumadda uu soo dhisay Raysal wasaare Xamse Cabdi Barre.

kadib buuq iyo fowdo badan Xildhibaanada Golaha Shacabka ayaa qaab gacan taag ah ku ansixiyey Golaha wasiirada Xukuumadda cusub, waxaana ogolaatay in la meel mariyo Xukuumadda cusub 229 Xildhibaan, halka ay diideen 7 Xildhibaan, waxaana ka aamusay 1 Xildhibaan, iyadoo kulanka ay fadhiyeen 237 Xldhibaan.

Guddoomiyaha Golaha Shacabka Sheekh Aadan Maxamed Nuur Madoobe ayaa si rasmi ah ugu dhawaaqay natiijada codeynta ayaa shaaciyey in Golaha Wasiirada Xukuumadda Raysal wasaare Xamse Cabdi Barre la ansixiyey, kuwaas oo durbadiiba la dhaariyey.

Gabagabadi Raysal wasaaraha Xukuumadda Fedaraalka Soomaaliya Xamse Cabdi Barre ayaa khudbad kooban u jeediyay Mudanayaasha Golaha Shacabka oo uu uga mahadceliyay Golaha Shacabka kalsooni siinta Xukuumaddiisa, isagoona balan qaaday in Xukuumaddiisa ay diiradda saari doonta wax ka qabashada Amniga, Abaaraha iyo fulinta Siyaasadda Xukuumadda uu horay Golaha u soo gudbiyay.

Jamaal Cali Cabdi, Hiiraan Online
[email protected]












Click here
8/7/2022 11:00 AM EST
Axad, Ogosto, 7, 2022 (HOL) - Musharaxa madaxweynaha xisbiga mucaaradka Somaliland ee Waddani Cabdiraxmaan Maxamed Cabdillaahi Cirro, ayaa taageerayaashiisa ugu baaqay in ay isku soo baxaan maalinta Khamiista ee 11 bishan.

8/7/2022 9:14 AM EST
Axad, Agoosto, 7, 2022 (HOL) - Puntland ayaa magaalada Boosaaso kusoo bandhigtay afar nin oo kasoo jeeda Oromada dalka Itoobiya, kuwaas oo ay ku eedeysay inay ahaayeen shabakabad katirsan Daacish.

8/7/2022 7:55 AM EST
Axad, Ogosto, 7, 2022 (HOL) - Xisbiyada mucaaradka Somaliland ee Waddani iyo UCID, ayaa mar kale xukuumada u gudbiyay waraaq ay ku ogaysiinayaan in ay dib u bilaabayaan mudaharaadadii.

8/7/2022 5:36 AM EST
Axad, Agoosto, 7, 2022 (HOL) - Wararka ka imaanaya magaalada Jowhar ee xarunta gobolka Sh/dhexe ayaa sheegaya in goordhaw uu halkaasi ka dhacay qarax aad u xoogan oo jugtiisa laga maqlay guud ahaan xaafadaha magaalada Jowhar.

8/7/2022 3:20 AM EST
Axad, Agoosto, 7, 2022 (HOL) - Kooxda Daacish ee ku sugan Soomaaliya ayaa soo saartay muuqaal 25 daqiiqo soconayo oo ku qoran afka Amxaariga, kaasoo ay ku doonayaan inay ku qortaan dadka kasoo jeeda Itoobiya.

8/7/2022 3:15 AM EST
Axad, Agoosto, 7, 2022 (HOL) - Mudanayaasha Baarlamaanka Fedaraalka Soomaaliya ayaa Maanta fadhi ka yeelanaya cod u qaadista kalsooni siinta Xukuumadda cusub ee Raysal wasaare Xamse Cabdi Barre uu dhawaan soo magacaabay.

8/7/2022 2:28 AM EST
Axad, Agoosto, 7, 2022 (HOL) - Dowladdaha Uganda iyo Soomaaliya ayaa magaalada Kampala ku kala saxiixday heshiis is-garad ah oo ku saabsan iskaashiga difaaca.

8/7/2022 2:14 AM EST
Axad, Agoosto, 7, 2022 (HOL) - Wararka haatan kusoo dhacaya warqabadka Shabakada HOL ayaa sheegaya in diyaarado dagaal ay haatan duqeymo culus ka wadaan deegaano hoostaga degmada Matabaan ee gobolka Hiiraan.