12/8/2022
Today from Hiiraan Online:  _
Wararka Maanta- Axad, Aug 7 , 2022
Qarax xoogan oo goordhaw ka dhacay magaalada jowhar
 

Axad, Agoosto, 7, 2022 (HOL) - Wararka ka imaanaya magaalada Jowhar ee xarunta gobolka Sh/dhexe ayaa sheegaya in goordhaw uu halkaasi ka dhacay qarax aad u xoogan oo jugtiisa laga maqlay guud ahaan xaafadaha magaalada Jowhar.

Qaraxa ayaa lasoo sheegaya inuu ahaa mid lagu xiray gaari noociisu yahay NOHA, kaasoo yaalay agagaarka hotelka Nuur doob oo ahaa hotelkii dhawaan uu ka dhacay qarax Ismiidaamin ahaa oo waxyeelo kasoo gaaray qaar ka mid ah wasiiradda maamulka Hirshabeelle iyo dad shacab ahaa.

Dad goobjoogayaal ahaa ayaa warbaahinta waxay u sheegeen in qaraxa gaariga NOHA-da uu dhacay xili ciidamo ka tirsan Booliska ay xireen wadada qaraxa uu ka dhacay, kuwaas oo la sheegay iney ku raad joogeen gaariga qarxay ee NOHA-da ah, hayeeshee waxaa lasoo warinaya iney jiraan khasaare uu geystay qaraxaasi.

Majirto war rasmi ah oo kasoo baxay dhanka laamaha amaanka maamulka Hirshabeelle oo ku aadan qaraxa goordhaw ka dhacay halkaasi iyo khasaaraha ka dhashay, waxaana wali ciidanka amaanka u xiran goobta uu qaraxa ka dhacay iyo nawaaxigeeda.

Jamaal Cali Cabdi, Hiiraan Online
[email protected]












Click here
8/7/2022 11:00 AM EST
Axad, Ogosto, 7, 2022 (HOL) - Musharaxa madaxweynaha xisbiga mucaaradka Somaliland ee Waddani Cabdiraxmaan Maxamed Cabdillaahi Cirro, ayaa taageerayaashiisa ugu baaqay in ay isku soo baxaan maalinta Khamiista ee 11 bishan.

8/7/2022 9:14 AM EST
Axad, Agoosto, 7, 2022 (HOL) - Puntland ayaa magaalada Boosaaso kusoo bandhigtay afar nin oo kasoo jeeda Oromada dalka Itoobiya, kuwaas oo ay ku eedeysay inay ahaayeen shabakabad katirsan Daacish.

8/7/2022 7:55 AM EST
Axad, Ogosto, 7, 2022 (HOL) - Xisbiyada mucaaradka Somaliland ee Waddani iyo UCID, ayaa mar kale xukuumada u gudbiyay waraaq ay ku ogaysiinayaan in ay dib u bilaabayaan mudaharaadadii.

8/7/2022 5:45 AM EST
Axad, Agoosto, 7, 2022 (HOL) - Mudanayaasha Baarlamaanka Fedaraalka Soomaaliya ayaa Maanta kulan ay ku yeesheen xarunta Villa Hargeysa ee magaalada Muqdisho ku meel mariyay Xukuumadda cusub ee Raysal wasaare Xamse Cabdi Barre.

8/7/2022 3:20 AM EST
Axad, Agoosto, 7, 2022 (HOL) - Kooxda Daacish ee ku sugan Soomaaliya ayaa soo saartay muuqaal 25 daqiiqo soconayo oo ku qoran afka Amxaariga, kaasoo ay ku doonayaan inay ku qortaan dadka kasoo jeeda Itoobiya.

8/7/2022 3:15 AM EST
Axad, Agoosto, 7, 2022 (HOL) - Mudanayaasha Baarlamaanka Fedaraalka Soomaaliya ayaa Maanta fadhi ka yeelanaya cod u qaadista kalsooni siinta Xukuumadda cusub ee Raysal wasaare Xamse Cabdi Barre uu dhawaan soo magacaabay.

8/7/2022 2:28 AM EST
Axad, Agoosto, 7, 2022 (HOL) - Dowladdaha Uganda iyo Soomaaliya ayaa magaalada Kampala ku kala saxiixday heshiis is-garad ah oo ku saabsan iskaashiga difaaca.

8/7/2022 2:14 AM EST
Axad, Agoosto, 7, 2022 (HOL) - Wararka haatan kusoo dhacaya warqabadka Shabakada HOL ayaa sheegaya in diyaarado dagaal ay haatan duqeymo culus ka wadaan deegaano hoostaga degmada Matabaan ee gobolka Hiiraan.