10/6/2022
Today from Hiiraan Online:  _
Wararka Maanta- Jimco, Aug 5 , 2022
Maamulka Jubbaland oo ku kala qeybsamay habka loo dhisay xukuumada Soomaaliya
 

Jimco, Agoosto, 5, 2022 (HOL) - Madaxweyne ku xigeenka labaad ee maamulka Jubbaland, Suldaan Cabdiqaadir Luga-dheere, ayaa isagoo ku hadlayay magaca Jubbaland, waxa uu soo dhoweeyay xukuumadda cusub ee raysal wasaare Xamse Cabdi Barre.

Madaxweyne ku xigeenka labaad ee Jubbaland oo la hadlayay VOA Somali, ayaa ugu baaqay barlamaanka Soomaaliya inay meel mariyaan xukuumadda Soomaaliya, isagoo sheegay inay ku jirto danta dadka Soomaaliyeed.

Jubbaland, waa maamulkii ugu horreeyay ee taageera xukuumadda cusub ee Soomaaliya, xilli maamulada kale qeybtood ay saluug weyn ka muujinayaan habka loo qeybsaday golaha wasiiradda Soomaaliya.

Madaxweyne ku xigeenka labaad ee Jubbaland wuxuu sheegay, dalku inuu u baahan yahay xukuumad shaqeynaysa oo ka saarta marxaladda uu ku sugan yahay, isagoo ugu baaqay maamulada kale inay taageeraan xukuumadda la dhisay.

Hadalka Suldaan Lugadheere ayaa kusoo aaday xilli maalintii shalay madaxweyne ku xigeeenka 1-aad ee Jubbaland iyo madaxweyne ku xigeenka Galmudug ay ka horyimaadeen habka wax qeybsiga golaha wasiiradda, iyagoo sheegay in beeshooda Sade lagu sameeyay dulmi xooggan.

Jubbaland ayaa u muuqata inay ku kala qeybsantay xukuumadda Soomaaliya, taasoo laga yaabo inay bannaanka keento khilaaf aan weli dibadda usoo bixin oo ka dhex taagan Axmed Madoobe iyo Maxamuud Sayid Aadan.












Click here
8/5/2022 2:31 PM EST
Jimco, Agoosto, 5, 2022 (HOL) - Weerar ismiidaamin ah oo loo adeegsaday gaari walxaha qarxa laga soo buuxiyay ayaa lala beegsaday xero ciidan oo ku taal deegaanka Kalabayr ee gobolka Hiiraan.

8/5/2022 11:24 AM EST
Jimco, Agoosto, 5, 2022 (HOL) - Wararka aanu ka helayno meel u dhaw degmada Qabribayax oo lagu magacaabo Qaaxo ayaa sheegaya in hal qof uu u geeriyooday tiro kalena xaaladooda caafimaad laga dayrinayo kadib markii ay ku sumoobeen neef geela oo ay hilibkiisa cuneen.

8/5/2022 10:43 AM EST
Jimco, Agoosto, 5, 2022 (HOL) - Mooto Bajaaj laga soo buuxiyay waxyaabaha Qarxa ayaa ku qaraxday iyadoo maraysay waddo ku taalla xaafadda Taleex ee Magaalada Muqdisho, lamana oga halka ay ku socotay.

8/5/2022 9:27 AM EST
Jimco, Agoosto, 5, 2022 (HOL) - Madaxweynaha Koonfur Galbeed, Cabdicasiis Laftagareen ayaa gaaray magaalada Addis Ababa, halkaas oo la sheegayo inay ku casuumtay dowladda Ethiopia.

8/5/2022 7:39 AM EST
Jimco, Agoosto, 5, 2022 (HOL) - Dowladda Uganda ayaa martigelin doonta shir ku saabsan xoojinta xiriirka Soomaaliya, iyadoo ay kulmidoonaan guddiyo heer wasaaraddeed oo labada dal ka kala socda, sida ay sheegtay wasaaradda arrimaha dibadda dalkaas.

8/5/2022 5:37 AM EST
Jimco, Agoosto, 5, 2022 (HOL) - Shir ay yeesheen Maamulka iyo Hay'adaha Ammaanka ee gobolka Afdheer ayaa waxay kaga hadleen xaaladihii u dambeeyay ee gobolkaasi iyo waliba sidii loo xoojin lahaa Ammaanka gobolka Afdheer iyo xuduudaba.

8/5/2022 3:26 AM EST
Jimco, Agoosto, 5, 2022 (HOL) - Masuuliyiin katirsan dowlad deegaanka Soomaaliya iyo Hirshabeelle, ayaa kulan ku saabsan xoojinta dagaalka ka dhanka ah Alshabaab, ku yeeshay deegaanka Labo baar oo katirsan degmada Shilaabo ee gobolka Qoraxeey.

8/5/2022 3:24 AM EST
Jimco, Agoosto, 5, 2022 (HOL) - Mareykanka ayaa 24 ka mid ah gawaarida gaashaaman ugu deeqday howlgalka nabad ilaalinta Midowga Afrika ee Soomaaliya, saddex bilood ka dib weerarkii ugu dhimashada badnaa ee muddo sanado ah lagu qaado howlgalka nabad ilaalinta ee uu Mareykanka taageero.