3/29/2024
Today from Hiiraan Online:  _
Wararka Maanta- Arbaco, Aug 3 , 2022
Baarlamaanka Hirshabeelle oo Maanta ansixiyay Golaha Wasiiradda Hirshabeelle

Arbaco, Agoosto, 3, 2022 (HOL) - Xildhibaanada Baarlamaanka Maamul goboleeda Hirshabeelle oo Maanta kulan ku yeeshay magaalada Jowhar ayaa ansixiyay xubnaha Golaha Wasiiradda Hirshabeelle oo laba cesho ka hor uu magacaabay madaxweynaha Maamulkaasi Cali Guudlaawe Xuseen.

Fadhiga Baarlamaanka Hirshabeelle ay Maanta ku meel mariyeen Wasiiradda Hirshabeelle waxaa goobjoog ka ahaa madaxweyne Cali Guudlaawe Xuseen, guddoomiyaha Baarlamaanka Hirshabeelle Cabdixakiim luqmaan Xaaji Maxamed iyo labadiis ku xigeen, waxaana fadhiga Golaha soo xaadirtay 83 mudane oo ay qeyb ka yihiin Golaha Wasiirada.

Madaxweynaha Guudlaawe oo ka hor hadlay Golaha Baarlamaanka ayaa ka codsaday in la ansixiyo Xukuumaddiisa oo ay hortaalo shaqo adag oo lagula xisaabtami doono.

"Waxaan balanqaadayaa golaha wasiirada marka ay guuda galaan gudashada hoolahooda ay wasaarad walba soo diyaarin doonto qorshe howled ku saleysan barnaamijka xukuumadda aad haysataan si aad ula xisaabtantaan marka loo baahdo” ayuu ka hor yiri Baarlamaanka Madaxweyne Cali Guudlaawe.

Codsiga madaxweynaha kadib guddoomiyaha Baarlamaanka Hirshabeelle Cabdixakiim luqmaan Xaaji Maxamed ayaa u qaaday cod gacan taag, waxaana ogal ugu codeesay 80 mudane, halka ay saddex mudane ay diideen in ay u codeeyaan Golaha Wasiirada.

Golaha wasiiradda ee Maanta ansixiyeen Baarlamaanka Hirshabeelle ayuu magacaabay madaxweynaha Hirshabeelle Cali Guudlaawe Xuseen labo sano kadib markii loo doortay xilka madaxtinimada Hirshabeelle 1-dii bishaan Agoosto ee sanadkan 2022.

Jamaal Cali Cabdi, Hiiraan Online
[email protected]












Click here
8/3/2022 11:14 AM EST
Arbaco, Ogosto, 3, 2022 (HOL) - Xisbiga mucaaradka Somaliland ee UCID, ayaa Booliiska Somaliland ku eedeeyay in uu baal maray xeerka booliiska lagu dhaqo.

8/3/2022 8:44 AM EST
Arbaco, Agoosto, 3, 2022 (HOL) - Culimada dowlad deegaanka Soomaalida, ayaa kullan ay isugu yimaadeen oo uu goob joog ka ahaa madaxweyne Mustafe Cagjar, waxay ku cambaareeyeen duullaankii ururka Alshabaab uu kusoo qaaday gobolka Afdheer.

8/3/2022 7:23 AM EST
Arbaco, Ogosto, 3, 2022 (HOL) - Xukuumada Somaliland ayaa xisbiyada mucaaradka uga digtay in ay dhigaan mudaharaad anay ogolaansho u haysan.

8/3/2022 7:16 AM EST
Arbaco, Ogosto, 3, 2022 (HOL) - Xukuumada Somaliland ayaa beenisay war ay warbaahinta Somali Dispatch, ku sheegtay in xukuumada Somaliland si qasab ah ku masaafurisay 34 qof oo Itoobiyaan ah.

8/3/2022 7:06 AM EST
Arbaco, Agoosto, 3, 2022 (HOL) - Hay’adda dambi baarista dalka Kenya ayaa waxay gacanta ku dhigtay nin si aad ah looga baadi goobayay Kenya.

8/3/2022 5:32 AM EST
Arbaco, Agoosto, 3, 2022 (HOL) - Wararka ka imaanaya deegaanka Golweyn oo ka mid ah deegaanada hoostaga degmada Buulo mareer ee gobolka Sh/hoose ayaa sheegaya in Saakay uu halkaasi ka dhacay dagaal xoogan oo dhexmaray ciidanka ATMIS gaar ahaan kuwa ka socda dalka Uganda iyo dagaalamayaal ka tirsan Al-shabaab.

8/3/2022 2:42 AM EST
Arbaco, Agoosto, 3, 2022 (HOL) - Warbaahinta caalamka ayaa si weyn u hadal haysa in Mukhtaar Roobow Abuu Mansuur oo horey uga tirsanaan jiray Alshabab, uu kamid noqdo golaha cusub ee wasiiradda Soomaaliya.

8/3/2022 2:16 AM EST
Arbaco, Agoosto, 3, 2022 (HOL) - Haweeney Soomaali ah, oo haysata dhalashadsa Holland ayaa lagu xukumay saddex sano oo xarig ah, kadib markii lagu soo eedeeyay inay lacago boqolaal dollar ah ugu deeqday kooxda Al-Shabaab.