12/8/2022
Today from Hiiraan Online:  _
Wararka Maanta- Sabti, Aug 13, 2022
Madaxweynaha Somaliland oo qaabilay wafti Maraykan ah
 

Sabti, Ogosto, 13, 2022 (HOL) - Madaxweynaha Somaliland Muuse Biixi Cabdi, ayaa qaabilay wafti Maraykan ah oo ka kooban diblumaasiyiin, saraakiil ciidan iyo saraakiil ka socda akaadamiyada Heritage Foundation oo safar shaqo ku jooga Somaliland.

Madaxweynaha ayaa waftiga uga warbixiyay xaalada Somaliland, horumarka, dhinacyada dimuquraadiyada iyo doorashooyinka, sida lagu sheegay qoraal kasoo baxay Madaxtooyada Somaliland.

"Madaxweynaha Jamhuuriyaddu waxa uu weftiga xog-warran guud ka siiyey horumarka uu dalku ku tallaabsaday oo ku mi iskaashiga shacbiga iyo xukuumadihii kala danbeeyey ee nidaamka dimu-quraadiga ah isugu wareejinayey xukunka dawladnimo".

Xubnaha waftiga ayaa dhankooda xukumuumada iyo shacbiga Somaliland uga mahadceliyay soo dhawaynta waxayna sheegeen in badankooda ay Somaliland ugu danbaysay wakhtiyo hore, imikana ay arkaan horumar badan.

"Waxaanay ku bogaadiyeen dawladda iyo shacbigaba Jamhuuriyadda Somaliland horumarka ay ka gaadheen nabadgelyada, dimuquraaddiyadda iyo maamul-wanaagga, waxaanay muujiyeen inuu dalku yahay mid nabdoon oo wax-la-la qabsankaro" ayay warbixintu ku dartay.

Weftiga ayaa ka koobnaa Mr.Tibor Nagy, Kaaliyihii hore Xoghayaha Arrimaha Dibedda ee Maraykanka u qaabilsanaa Afrika, Ambassador J.Peter Pham, Ergaygii hore ee Maraykanka u qaabilsanaa gobolka Saaxil ee galbeedka Afrika, Taliyihii hore ee Ciidamada Maraykanka ee Afrika (Africom) General William "Kip" Ward iyo Mr Joshua Meservey, oo ka socda Heritage Foundation Kuna takhasusay siyaasadda Afrika iyo Bariga Dhexe.

Abdilahi Geel-maal, Hiiraan Online
[email protected]












Click here
8/13/2022 12:39 PM EST
Sabti, Agoosto, 13, 2022 (HOL) - Maxkamadda racfaanka gobolka Bari ee Puntland, ayaa xukun dil ah ku riday shabakad ka kooban afar nin oo horey loogu xukumay dil toogasho, kuwaas oo katirsanaa ururka Daacish.

8/13/2022 10:48 AM EST
Sabti, Agoosto, 13, 2022 (HOL) - Wasiirka Wasaaradda Dekedaha Xukuumadda Fedaraalka Soomaaliya Cabdullaahi Axmed Jaamac Ilkajiir oo ay wehlinayeen wasiru dowlaha Xafiiska Raysal wasaaraha Soomaaliya Xirsi Jaamac Gaani, Xoghayaha Joogtada ee Xafiiska Raysal Wasaare Xamse, Maxamed Abuukar Zubeyr iyo masuuliyiin kale ayaa Maanta la wareegay deeq raashin oo ka timid dowladda Imaaraadka Carabta.

8/13/2022 9:46 AM EST
Sabti, Agoosto, 13, 2022 (HOL) - Hoggaamiyaha ruug cadaaga ah ee mucaaradka Raila Odinga ayaa hoggaaminaya tartanka madaxtinimada Kenya, sida ay muujisay natiijada rasmiga ah ee doorashada ee soo baxday Sabtida maanta.

8/13/2022 7:46 AM EST
Sabti, Ogosto, 13, 2022 (HOL) - Xildhibaannada kasoo jeeda xisbiyada mucaaradka Somaliland ee ka tirsan golaha wakiilada, ayaa wax laga xumaado ku tilmaamay habkii ciidamada booliisku ula dhaqmeen mudaharaayaasha mucaaradka bannaanbixii 11 August.

8/13/2022 7:30 AM EST
Sabti, Agoosto, 13, 2022 (HOL) - Madaxweynaha Puntland Siciid Cabdullaahi Deni, ayaa amray in la joojiyo in la iibiyo buugaagta manhajka waxbarashada dusgiyada sare ee Puntland, inta dib loo eegayo si loo saxo khaladaadka jira hadda, sida uu sheegay.

8/13/2022 7:14 AM EST
Sabti, Ogosto, 13, 2022 (HOL) - Xisbiga mucaaradka Somaliland ee UCID, ayaa madaxweynaha Somaliland Muuse Biixi Cabdi, ku eedeeyay in uu u hamuum qabo in uu daadiyo dhiiga shacabka.

8/13/2022 3:28 AM EST
Sabti, Agoosto, 13, 2022 (HOL) - Waxaa wali ka soconaya deegaanada u dhaxeeya magaalooyinka Matabaan, Maxaas iyo Baledweyne howlgalada ay iska kaashanayaan ciidanka dowladda Soomaaliya iyo kuwa deegaanka ee loo yaqaano Macawiisleyda.

8/13/2022 1:40 AM EST
Sabti, Agoosto, 13, 2022 (HOL) - Markab gargaar oo laga leeyahay Imaaraadka ayaa ku soo xirtay dekedda magaalada Muqdisho si uu u gaarsiiyo 1,000 tan oo sahay cunto ah oo loogu talagalay ku dhawaad 2.5 milyan oo qof oo ay saameeyeen abaaraha ka jira dalka.

8/13/2022 1:12 AM EST
Sabti, Ogosto, 13, 2022 (HOL) - Nin aan haybtiisa la aqoonsan oo afka soo duubtay, ayaa 2 qof ku dhaawacay degmada Maxamuud Haybe ee magaalada Hargaysa, kadib markii uu rasaas ku furay.