12/8/2022
Today from Hiiraan Online:  _
Wararka Maanta- Sabti, Aug 13, 2022
Hoggaamiyaha mucaaradka Kenya Raila Odinga oo ku horreeya tartanka madaxtinimada Kenya
 

Sabti, Agoosto, 13, 2022 (HOL) - Hoggaamiyaha ruug cadaaga ah ee mucaaradka Raila Odinga ayaa hoggaaminaya tartanka madaxtinimada Kenya, sida ay baahisay warbaahinta REUTERS.

Iyadoo in ka badan 26% codadka la tiriyay, Odinga ayaa helay 54% halka Ruto uu helay 45%, sida ku cad natiijada ay soo saareen guddiga doorashada Kenya.

Natiijada ayaa lagu soo bandhigay shaashad weyn oo ku taal xarunta gudiga doorashada ee caasimadda Nairobi.

Ruto iyo Odinga ayaa loolan adag ugu jira sidii ay u bedeli lahaayeen Madaxweyne Uhuru Kenyatta oo gaaray dhammaadka waqtigiisii xil haynta.

Madaxweyne Kenyatta ayaa taageersan inuu Raila Odinga kusoo baxo doorashada, iyagoo ku midaysan isbahaysiga Azimio la Umoja.

Intii lagu guda jiray khudbad uu ka hor jeediyay taageerayaashiisa xisbiga Jubilee Arbacadii lasoo dhaafay, ayuu madaxweyne Uhuru Kenyatta sheegay in Raila Odinga uu yahay qofka ay Kenya u baahan tahay.

Guddiga doorashada Kenya ayaa waxa uu haystaa ilaa talaadada in uu ku dhawaaqo qofka guulaystay doorashada madaxweynaha dalka Kenya.












Click here
8/13/2022 12:39 PM EST
Sabti, Agoosto, 13, 2022 (HOL) - Maxkamadda racfaanka gobolka Bari ee Puntland, ayaa xukun dil ah ku riday shabakad ka kooban afar nin oo horey loogu xukumay dil toogasho, kuwaas oo katirsanaa ururka Daacish.

8/13/2022 10:48 AM EST
Sabti, Agoosto, 13, 2022 (HOL) - Wasiirka Wasaaradda Dekedaha Xukuumadda Fedaraalka Soomaaliya Cabdullaahi Axmed Jaamac Ilkajiir oo ay wehlinayeen wasiru dowlaha Xafiiska Raysal wasaaraha Soomaaliya Xirsi Jaamac Gaani, Xoghayaha Joogtada ee Xafiiska Raysal Wasaare Xamse, Maxamed Abuukar Zubeyr iyo masuuliyiin kale ayaa Maanta la wareegay deeq raashin oo ka timid dowladda Imaaraadka Carabta.

8/13/2022 10:45 AM EST
Sabti, Ogosto, 13, 2022 (HOL) - Madaxweynaha Somaliland Muuse Biixi Cabdi, ayaa qaabilay wafti Maraykan ah oo ka kooban diblumaasiyiin, saraakiil ciidan iyo saraakiil ka socda akaadamiyada Heritage Foundation oo safar shaqo ku jooga Somaliland.

8/13/2022 7:46 AM EST
Sabti, Ogosto, 13, 2022 (HOL) - Xildhibaannada kasoo jeeda xisbiyada mucaaradka Somaliland ee ka tirsan golaha wakiilada, ayaa wax laga xumaado ku tilmaamay habkii ciidamada booliisku ula dhaqmeen mudaharaayaasha mucaaradka bannaanbixii 11 August.

8/13/2022 7:30 AM EST
Sabti, Agoosto, 13, 2022 (HOL) - Madaxweynaha Puntland Siciid Cabdullaahi Deni, ayaa amray in la joojiyo in la iibiyo buugaagta manhajka waxbarashada dusgiyada sare ee Puntland, inta dib loo eegayo si loo saxo khaladaadka jira hadda, sida uu sheegay.

8/13/2022 7:14 AM EST
Sabti, Ogosto, 13, 2022 (HOL) - Xisbiga mucaaradka Somaliland ee UCID, ayaa madaxweynaha Somaliland Muuse Biixi Cabdi, ku eedeeyay in uu u hamuum qabo in uu daadiyo dhiiga shacabka.

8/13/2022 3:28 AM EST
Sabti, Agoosto, 13, 2022 (HOL) - Waxaa wali ka soconaya deegaanada u dhaxeeya magaalooyinka Matabaan, Maxaas iyo Baledweyne howlgalada ay iska kaashanayaan ciidanka dowladda Soomaaliya iyo kuwa deegaanka ee loo yaqaano Macawiisleyda.

8/13/2022 1:40 AM EST
Sabti, Agoosto, 13, 2022 (HOL) - Markab gargaar oo laga leeyahay Imaaraadka ayaa ku soo xirtay dekedda magaalada Muqdisho si uu u gaarsiiyo 1,000 tan oo sahay cunto ah oo loogu talagalay ku dhawaad 2.5 milyan oo qof oo ay saameeyeen abaaraha ka jira dalka.

8/13/2022 1:12 AM EST
Sabti, Ogosto, 13, 2022 (HOL) - Nin aan haybtiisa la aqoonsan oo afka soo duubtay, ayaa 2 qof ku dhaawacay degmada Maxamuud Haybe ee magaalada Hargaysa, kadib markii uu rasaas ku furay.