3/29/2024
Today from Hiiraan Online:  _
Wararka Maanta- Sabti, Aug 13, 2022
Faysal Cali Waraabe: Xisbi ayaa nin Xirsi la yidhaa guddoomiye ka dhigtay ayuu ku washay
 

Sabti, Ogosto, 13, 2022 (HOL) - Xisbiga mucaaradka Somaliland ee UCID, ayaa madaxweynaha Somaliland Muuse Biixi Cabdi, ku eedeeyay in uu u hamuum qabo in uu daadiyo dhiiga shacabka.

Guddoomiyaha Xisbiga UCID Faysal Cali Waraabe, ayaa madaxweyne Biixi ku eedeeyay in uu dadna laayay isla markaana uu doonayo in uu dadkalena laayo, waxa uu sheegay in tirrada lagu dilay mudaharaadkii 11 bisha aan xataa lagu dilin kacdoonkii UFO, ee xiligii dowladii kacaanka.

"Waa ninka isaga oo 7 qof dilay boqol iyo dheeraadna dhaawacantahay marka lagu daro askarta, wali u hamuumayo in uu dhiig daadiyo" ayuu yidhi Faysal "Maalintii Maxamed Siyaad Barre lagu mudaharaadayay ee dhalinyaradii UFO la xidhay 1 qof ayaa ku dhintay, hada waa Faqashtii" ayuu yidhi Faysal.

Waxa uu ku andacooday in madaxweyne Biixi uu is badalay kadib markii uu Xirsi Cali Xaaji Xasan guddoomiye ka noqday xisbiga Waddani.

"Muuse xisbi is badalay oo guddoomiye ka dhigtay nin Xirsi la yidhaa, ayuu la waashay, horayna waan i diinku sheegay siduu u hagaagsanaa, ayuun baa Xirsi laga dhigay guddomiyaha Waddani, markaasu wixii oodhan badalay" ayuu yidhi Faysal.

Waxa uu sheegay in madaxweyne Muuse Biixi uu madaxweyne ku yahay aqoonsiga ay siiyeen xisbiyada mucaaradka ahi, isla markaana hadii ay aqoonsiga kala noqdaan uu noqon doono muwaadin kamid ah muwaadiniinta Somaliland.

Faysal waxa uu sheegay in mudaharaadadu ay soconayaan, isla markaana anay maalin danbe xukuumada ka codsan doonin ogolaansho, oo ay wadi doonaan, hadii ciidanku la dagaalamana ay dagaalami doonaan.



Abdilahi Geel-maal, Hiiraan Online
[email protected]












Click here
8/13/2022 12:39 PM EST
Sabti, Agoosto, 13, 2022 (HOL) - Maxkamadda racfaanka gobolka Bari ee Puntland, ayaa xukun dil ah ku riday shabakad ka kooban afar nin oo horey loogu xukumay dil toogasho, kuwaas oo katirsanaa ururka Daacish.

8/13/2022 10:48 AM EST
Sabti, Agoosto, 13, 2022 (HOL) - Wasiirka Wasaaradda Dekedaha Xukuumadda Fedaraalka Soomaaliya Cabdullaahi Axmed Jaamac Ilkajiir oo ay wehlinayeen wasiru dowlaha Xafiiska Raysal wasaaraha Soomaaliya Xirsi Jaamac Gaani, Xoghayaha Joogtada ee Xafiiska Raysal Wasaare Xamse, Maxamed Abuukar Zubeyr iyo masuuliyiin kale ayaa Maanta la wareegay deeq raashin oo ka timid dowladda Imaaraadka Carabta.

8/13/2022 10:45 AM EST
Sabti, Ogosto, 13, 2022 (HOL) - Madaxweynaha Somaliland Muuse Biixi Cabdi, ayaa qaabilay wafti Maraykan ah oo ka kooban diblumaasiyiin, saraakiil ciidan iyo saraakiil ka socda akaadamiyada Heritage Foundation oo safar shaqo ku jooga Somaliland.

8/13/2022 9:46 AM EST
Sabti, Agoosto, 13, 2022 (HOL) - Hoggaamiyaha ruug cadaaga ah ee mucaaradka Raila Odinga ayaa hoggaaminaya tartanka madaxtinimada Kenya, sida ay muujisay natiijada rasmiga ah ee doorashada ee soo baxday Sabtida maanta.

8/13/2022 7:46 AM EST
Sabti, Ogosto, 13, 2022 (HOL) - Xildhibaannada kasoo jeeda xisbiyada mucaaradka Somaliland ee ka tirsan golaha wakiilada, ayaa wax laga xumaado ku tilmaamay habkii ciidamada booliisku ula dhaqmeen mudaharaayaasha mucaaradka bannaanbixii 11 August.

8/13/2022 7:30 AM EST
Sabti, Agoosto, 13, 2022 (HOL) - Madaxweynaha Puntland Siciid Cabdullaahi Deni, ayaa amray in la joojiyo in la iibiyo buugaagta manhajka waxbarashada dusgiyada sare ee Puntland, inta dib loo eegayo si loo saxo khaladaadka jira hadda, sida uu sheegay.

8/13/2022 3:28 AM EST
Sabti, Agoosto, 13, 2022 (HOL) - Waxaa wali ka soconaya deegaanada u dhaxeeya magaalooyinka Matabaan, Maxaas iyo Baledweyne howlgalada ay iska kaashanayaan ciidanka dowladda Soomaaliya iyo kuwa deegaanka ee loo yaqaano Macawiisleyda.

8/13/2022 1:40 AM EST
Sabti, Agoosto, 13, 2022 (HOL) - Markab gargaar oo laga leeyahay Imaaraadka ayaa ku soo xirtay dekedda magaalada Muqdisho si uu u gaarsiiyo 1,000 tan oo sahay cunto ah oo loogu talagalay ku dhawaad 2.5 milyan oo qof oo ay saameeyeen abaaraha ka jira dalka.

8/13/2022 1:12 AM EST
Sabti, Ogosto, 13, 2022 (HOL) - Nin aan haybtiisa la aqoonsan oo afka soo duubtay, ayaa 2 qof ku dhaawacay degmada Maxamuud Haybe ee magaalada Hargaysa, kadib markii uu rasaas ku furay.