12/8/2022
Today from Hiiraan Online:  _
Wararka Maanta- Jimco, Aug 12, 2022
Saxiibada caalamiga ah ee Somaliland oo baaq u diray xukuumada iyo mucaaradka Somaliland
 

Jimco, Ogosto, 12, 2022 (HOL) - Qoraal ay si wadajir ah usoo saareen waddamada Faransiiska, Denmark, Finland, Germany, Norway, Sweden, Boqortooyada Ingiriiska, Maraykanka iyo Midowga Yurub, ayaa mucaaradka iyo muxaafadka Somaliland ugu baaqay in ay xaalada dajiyaan.

Qoraalkan wadajirka ah ayaa lagu sheegay in waddamadan ay walaac galisay qalaasaha siyaasadeed ee ka taagan Somaliland iyo awooda ay ciidamada booliisku u isticmaaleen mudaharaadayaasha.

"Saaxiibada caalamiga ah ee Somaliland waxaa aad u walaac galiyay wararka sheegaya qalalaasaha iyo isticmaalka xad dhaafka ah ee awooda intii ay socdeen banaanbaxyadii siyaasadeed ee Hargaysa, Burco iyo Ceerigaabo".

Waxay dhinacyada ugu baaqeen in ay xaalada qaboojiyaan, oo ay ka fogaadaan falcelinta kulul "Waxaanu dhamaan dhinacyada ugu baaqaynaa, mudaharaadayaasha iyo booliiskaba in ay si nabad ah u fal celiyaan, oo ay sharciga raacaan".

Waxay dhamaan dhinacyada siyaasada Somaliland ku booriyeen in ay kusoo laabtaan miiska wadahadalada, si loo amba qaado wadadii doorasho lagu gaadhi lahaa.

Waxa kale oo ay fareen in hogaamiyayaasha siyaasada Somaliland ay ilaaliyaan doonista shacbiga iyo nabada "Hogaamiyayaasha Somaliland waa in ay shacabka kala shaqeeyaan sidii ay mustaqbalkooda go'aan uga gaadhi lahaayeen, waana in ay ilaaliyaan, nabada, daganaanshaha iyo dimuquraadiyada Somaliland".

Abdilahi Geel-maal, Hiiraan Online
[email protected]












Click here
8/12/2022 5:02 PM EST
Jimco, Agoosto, 12, 2022 (HOL) - Madaxweynaha dowladda Federaalka Soomaaliya Xasan Sheekh Maxamuud ayaa Caawa ka hadlay rabashadahii Shalay ka dhacay qaar ka mid ah magaalooyinka Somaliland, isagoona ku baaqay in xasilloonida, nabadda iyo wadajirka ay ku tilmaaman yihiin hoggaanka siyaasadda iyo shacabka Somaliland inay dhowrtaan.

8/12/2022 1:45 PM EST
Jimco, Agoosto, 12, 2022 (HOL) - Raysal waasaraha Xukuumada Feradaalka Soomaaliya Xamse Cabdi Barre oo goordhaw ka hadlay rabashadahii ka dhacay deegaano ka tirsan Somaliland ayaa ugu baaqay shacabka iyo masuuliyiinta Somaliland in wadahadal iyo is afgarad ay ku dhameeyaan xiisada siyaasadeed ee ka jirta deegaanada Somaliland, kadib banaanbaxyadii rabshadaha watay ee shalay ka dhacay magaalooyin ka mid ah Somaliland oo ay ku dhinteen dad shacab ahaa.

8/12/2022 11:19 AM EST
Jimco, Agoosto, 12, 2022 (HOL) - Madaxweynaha dowlad degaanka Soomaalida Mustafe cagjar ayaa maanta isbeddel ku sameeyay Taliska Ciidanka Liyuu Booliska degaanka Soomaalida.

8/12/2022 10:21 AM EST
Jimco, Agoosto, 12, 2022 (HOL) - Wararka ka imaanaya dowlad degaanka Soomaalida ayaa sheegaya in magaalada Cundhufo oo maalmihii u dambeeyay uu ka socday dagaal u dhaxeeyay Soomaali iyo Canfar ay maanta si buuxda ugu gacan gashay maleeshiyaadka Canfarta.

8/12/2022 5:41 AM EST
Jimco, Agoosto, 12, 2022 (HOL) - Hal qof oo Soomali ah oo rag ah ayaa ku geeriyooday mid kalena wuu ku dhaawacmay kadib markii rag hubaysan ay rasaas ku fureen qabuuraha Richmond Hill, halkaas oo ay ka socotay aaska wiil dhallinyaro Soomaali ah oo todobaadkan lagu dilay magaalada Toronto.

8/12/2022 5:17 AM EST
Jimco, Agoosto, 12, 2022 (HOL) - Taliska ciidanka Booliiska Soomaaliyeed oo Xalay howgalo culus ka sameeyay qeybo ka mid ah degmooyinka magaalada Muqdisho ayaa soo bandhigay tiro Mooto Bajaajyo ah oo ay sheegeen in lasoo dhacay.

8/12/2022 4:04 AM EST
Jimco, Ogosto, 12, 2022 (HOL) - Madaxweynaha Somaliland Muuse Biixi Cabdi, ayaa dusha u saaray xisbiyada mucaaradka ah eeda khasaarihii ka dhashay muharaadkii Khamiista, wuxuuna mucaaradka ku eedeeyay in ay qas a buureen si ay uga baxsadaan tartanka urrurada siyaasada.

8/12/2022 2:12 AM EST
Jimco, Agoosto, 12, 2022 (HOL) - Xildhibaan Maxamed Xasan Murjaan oo ka mid ahaa Xildhibaanadii 7-dii bishaan buuqa iyo fowdada ka dhex sameeyay fadhigii Baarlaamanka Soomaaliya ay ku ansixinayeen Golaha Wasiiradda Xukumadda Soomaaliya ayaa raali galin ka bixiyay falkii uu kula kacay guddoomiyaha Golaha Shacabka.

8/12/2022 12:15 AM EST
Jimco, Agoosto, 12, 2022 (HOL) - Tartanka Qur'aanka Kariimka ee Waqooyiga Ameerika, ayaa lagusoo gabagabeeyay magaalada Minnesota ee dalka Maraykanka, waxaana abaal marino lagu gudoonsiiyay tartamayaashii ugu sareeyay.