12/2/2023
Today from Hiiraan Online:  _
Wararka Maanta- Arbaco, Aug 10, 2022
Maraykanka oo sheegay inuu duqayn ku dilay afar xubnood oo katirsan Alshabaab
 

Arbaco, Ogosto, 10, 2022 (HOL) - Taliska Mareykanka ee Afrika ayaa sheegay inuu saddex weerar oo xagga cirka ah ku qaaday kooxda Al-Shabaab, isagoo kaga jawaabayay weerar Alshabaab ay ku qaadeen ciidamo katirsan kuwa xoogga dalka oo ku sugnaa meel u dhow magaalada Beledweyne.

Faahfaahin hordhaca ah oo kasoo baxay weerarkan, ayuu taliska Maraykanka ee Afrika, ku sheegay in duqaynta lagu dilay afar ka tirsan dagaalamayaasha Al-Shabaab, isla markaana uusan jirin dad rayid ah oo ku dhaawacmay ama ku dhintay duqaynta.

Ciidamada Maraykanka ayaa loo fasaxay inay fuliyaan weeraro ay ku difaacayaan ciidamada dowladda federalka Soomaaliya, kadib markii wax laga beddelay siyaasada duqaymaha Maraykanka, iyadoo daba socotay ka gadaal markii hay’addaha xuquuqul insaanku dood ka keeneen khasaaraha rayidka.

Dowladda Federaalka ah ee Soomaaliya iyo Taliska Mareykanka ee Afrika ayaa qaaday tallaabooyin looga hortagayo khasaaraha soo gaara dadka rayidka ah sida uu sheegay taliska AFRICOM.

Mareykanka waxa uu sheegay inay ka go’an tahay la dagaalanka Al-Shabaab si looga hortago weerarada dhimashada badan ee Alshabaab ay geystaan.












Click here
Musharax Cirro oo ka jawaabay eedaynta xukuumada Somaliland
8/10/2022 6:09 PM EST
Arbaco, Ogosto, 10, 2022 (HOL) - Musharaxa xisbiga mucaaradka Somaliland ee Wadddani Cabdiraxmaan Maxamed Cabdillaahi Cirro, ayaa been abuur ku tilmaamay warka sheegaya in uu ciidamo argagixiso ah Xamar ka keenay.

Faarax Diiriye Warsame oo loo doortay guddoomiyaha degmada Cadaado
8/10/2022 5:19 PM EST
Arbaco, Ogosto, 10, 2022 (HOL) - Gudoomiyaha degmada Cadaado ee gobolka Galgaduud ayaa maanta loo doortay Faarax Diriye Warsame, halka ku xigeenkiisa loo doortay Cabdixakin Maxamed Cali.

Xukuumada Somaliland oo musharax Cirro ku eedaysay in uu argagixiso maalgaliyay
8/10/2022 5:12 PM EST
Arbaco, Ogosto, 10, 2022 (HOL) - Xukuumada Somaliland ayaa musharaxa madaxweynaha ee xisbiga Waddani ku eedaysay in uu Somaliland keenay ciidamado argagixiso ah oo Xamar ka yimid.

Cirro: Mudaharaadku wuxuu ka dhici doonaa xarunta gobolka ee xisbiga Waddani
8/10/2022 4:34 PM EST
Arbaco, Ogosto, 10, 2022 (HOL) - Mucaaradka Somaliland ayaa sheegay in ay ku mudoharaadayaan goobo ka duwan kuwii ay xukuumadu u cayintay.

Faysal Cali Waraabe: Aynu barano in mudaharaad nabadgalyo ah aynu samayn karno
8/10/2022 4:03 PM EST
Arbaco, Ogosto, 10, 2022 (HOL) - Mucaaradka Somaliland ayaa sheegay in dood badan kadib ay xukuumada kula heshiiyeen in ay berri mudaharaadadooda ku qabsadaan xafiisyadooda ku yaala 6-da gobol doorasho.

Xukuumada Somaliland oo go'aan kasoo saartay mudaharaadada mucaaradka
8/10/2022 9:52 AM EST
Arbaco, Ogosto, 10, 2022 (HOL) - Xukuumada Somaliland ayaa fasaxday qabashada mudaharaadada mucaaradka ee qorshaysan Khamiista berri, waxayna go'aamisay in ay ka dhacaan xarumaha xisbiyada mucaaradka ee lixda gobol doorasho.

Wararkii ugu dambeeyay ee doorashada ka socota dalka Kenya
8/10/2022 7:22 AM EST
Arbaco, Ogosto, 10, 2022 (HOL) - Kenya: Goobaha codbixinta ayaa intooda badan haatan si rasmi ah loo xiray, balse cod bixinta ayaa lagu kordhiyay goobo yar yar oo sii furmaandoona illaa dadku ka codeeyaan.

Al-shabaab oo fagaare ku yaala degmada Jilib ku toogatay lix ruux
8/10/2022 5:34 AM EST
Arbaco, Ogosto, 10, 2022 (HOL) - Xoogaga hubeysan ee Al-shabaab ayaa fagaare ku yaala degmada Jilib ee gobolka Jubbada dhexe waxa ay ku toogteen lix ruux oo dhamaantood rag ahaa, kuwaas oo ay ku eedeeyeen iney ahayeen jawaasiis u shaqeyneysay dowladdaha Soomaaliya, Kenya iyo Mareykanka.

Mid kamid ah xisbiyada mucaaradka Somaliland oo qaadacay kulan saaka loo balansana
8/10/2022 5:24 AM EST
Arbaco, Ogosto, 10, 2022 (HOL) - Madaxda xisbiga UCID oo kali ah ayaa saaka kasoo xaadiray kulankii loo balansanaa in hogaanka mucaaradka Somaliland, iyo xukuumadu ku gorfeeyaan nidaamka loo qabanayo mudaharaadada Khamiista.

Ilhaan Cumar oo si dirqi ah ugu guulaysatay doorashada horudhaca ah ee Koongareeska Maraykanka
8/10/2022 3:21 AM EST
Arbaco, Ogosto, 10, 2022 (HOL) - Xildhibaan Ilhaan Cumar ayaa si dirqi ah ugu guuleysatay Talaadadii xalay, tartanka hordhaca ah ee Congress-ka Mareykanka oo ay kula tartamaysay Xubin hore oo ka tirsan golaha deegaanka Minneapolis, Don Samuels.

Weerar lagu dilay dad ku sugnaa xaflad aroos oo ka socotay duuleedka degmada Afgooye
8/10/2022 3:11 AM EST
Arbaco, Ogosto, 10, 2022 (HOL) - Wararka ka imaanaya tuulada Cadayleey oo ka mid ah tulooyinka hoostaga degmada Afgooye ee gobolka Sh/ hoose ayaa sheegaya in Xalay halkaasi rag hubeysan ay toogasho ka geysteen goob ay ka socotay xaflad aroos ah.

Wafdiga Madaxweyne Laftagareen oo ka warbixiyay waxa ay ka wada hadleen iyaga iyo Madaxda dowlad degaanka Soomaalida
8/10/2022 3:04 AM EST
Arbaco, Ogosto, 10, 2022 (HOL) - Waxaa maalmahan magaalada Jigjiga ku sugnaa Wafdiga Madaxweynaha Koonfur galbeed Soomaaliya Cabdicasiis Laftagareen, iyagoo kulamo kala suwan la qaatay Madaxweyne Mustafe cagjar, iyo qaar kamid ah Odayaal dhaqameedka degaanka Soomaalida.

Puntland oo soo bandhigtay gaari lagusoo waxyaabaha qarxa oo ku wajahnaa dowlad deegaanka Soomaalida
8/10/2022 2:40 AM EST
Arbaco, Ogosto, 10, 2022 (HOL) - Lamaaha amiga maamulka Puntland ayaa soo bandhigay agab laga sameeyo waxyaabaha qaraxa, kuwaas oo lagu qariyay gaari dhayne ah oo lagu qaybtay Dagmada galdogob ee gobolka Mudug.

Faysal Cali Waraabe: Waan ka xumahay in xukuumadu ku dhawaaqdo goobo aan laysla ogolaan
8/10/2022 1:50 AM EST
Arbaco, Ogosto, 10, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa sheegay in xukuumada anay ka wada hadlin goobo gaar ah oo lagu qabanayo mudaharaadka, sida wasiirka isgaadhsiintu sheegay.