12/8/2022
Today from Hiiraan Online:  _
Wararka Maanta- Arbaco, Aug 10, 2022
Al-shabaab oo fagaare ku yaala degmada Jilib ku toogatay lix ruux
 

Arbaco, Ogosto, 10, 2022 (HOL) - Xoogaga hubeysan ee Al-shabaab ayaa fagaare ku yaala degmada Jilib ee gobolka Jubbada dhexe waxa ay ku toogteen lix ruux oo dhamaantood rag ahaa, kuwaas oo ay ku eedeeyeen iney ahayeen jawaasiis u shaqeyneysay dowladdaha Soomaaliya, Kenya iyo Mareykanka.

Lixda ruux ee Al-shabaab ay ku toogteen fagaaraha degmada Jilib ayay ku sheegeen Al-Shabaab iney kusoo qabqabteen howlgalo kala duwan oo ay ka sameeyeen degaanada ay maamulaan, islamarkaana ay qirteen iney ahayeen jaajuusiin la shaqeyneysay dowladda Soomaaliya iyo dowladaha taageera ayna fududeeyeen duqeymo lagu dilay dagaalyahano ka tirsan Al-Shabaab.

Fagaaraha la toogtay lixda ruux ee ragga ahaa ayaa waxaa u soo daawasho tagay boqolaal dadweyne ah oo ka kala yimid xaafadaha magaalada jilib, kuwaas oo ay Shabaab ku amreen inay u soo daawasho tagaan toogashada lagu fulinaayay ragga la toogtay.

Ragga lagu toogtay fagaaraha degmada Jilib ayaa magacyadooda lagu kala sheegay Cabdirisaaq Ciise Axmed oo loo yaqaano ( Maqas), Xasan Gaarane Muuse, Cabdullaahi Cali Ismaaciil, Shire Yuusuf Xersi, Axmed Muqtaar Aadan, Ismaaciil Cabduweli Cismaan.

Ma ahan markii ugu horeysay oo Al-Shabaab ay sidaan oo kale fagaarayaal ku yaala degaanada ay maamulaan ku toogtaan rag iyo dumar oo ay ku eedeeynayaan inay la Shaqeeynayeen Sirdoonada dowladaha Mareykanka, Kenya iyo Soomaaliya.

Jamaal Cali Cabdi, Hiiraan Online
[email protected]












Click here
8/10/2022 6:09 PM EST
Arbaco, Ogosto, 10, 2022 (HOL) - Musharaxa xisbiga mucaaradka Somaliland ee Wadddani Cabdiraxmaan Maxamed Cabdillaahi Cirro, ayaa been abuur ku tilmaamay warka sheegaya in uu ciidamo argagixiso ah Xamar ka keenay.

8/10/2022 5:19 PM EST
Arbaco, Ogosto, 10, 2022 (HOL) - Gudoomiyaha degmada Cadaado ee gobolka Galgaduud ayaa maanta loo doortay Faarax Diriye Warsame, halka ku xigeenkiisa loo doortay Cabdixakin Maxamed Cali.

8/10/2022 5:12 PM EST
Arbaco, Ogosto, 10, 2022 (HOL) - Xukuumada Somaliland ayaa musharaxa madaxweynaha ee xisbiga Waddani ku eedaysay in uu Somaliland keenay ciidamado argagixiso ah oo Xamar ka yimid.

8/10/2022 4:34 PM EST
Arbaco, Ogosto, 10, 2022 (HOL) - Mucaaradka Somaliland ayaa sheegay in ay ku mudoharaadayaan goobo ka duwan kuwii ay xukuumadu u cayintay.

8/10/2022 4:03 PM EST
Arbaco, Ogosto, 10, 2022 (HOL) - Mucaaradka Somaliland ayaa sheegay in dood badan kadib ay xukuumada kula heshiiyeen in ay berri mudaharaadadooda ku qabsadaan xafiisyadooda ku yaala 6-da gobol doorasho.

8/10/2022 2:49 PM EST
Arbaco, Ogosto, 10, 2022 (HOL) - Taliska Mareykanka ee Afrika ayaa sheegay inuu saddex weerar oo xagga cirka ah ku qaaday kooxda Al-Shabaab, isagoo kaga jawaabayay weerar Alshabaab ay ku qaadeen ciidamo katirsan kuwa xoogga dalka oo ku sugnaa meel u dhow magaalada Beledweyne.

8/10/2022 9:52 AM EST
Arbaco, Ogosto, 10, 2022 (HOL) - Xukuumada Somaliland ayaa fasaxday qabashada mudaharaadada mucaaradka ee qorshaysan Khamiista berri, waxayna go'aamisay in ay ka dhacaan xarumaha xisbiyada mucaaradka ee lixda gobol doorasho.

8/10/2022 7:22 AM EST
Arbaco, Ogosto, 10, 2022 (HOL) - Kenya: Goobaha codbixinta ayaa intooda badan haatan si rasmi ah loo xiray, balse cod bixinta ayaa lagu kordhiyay goobo yar yar oo sii furmaandoona illaa dadku ka codeeyaan.

8/10/2022 5:24 AM EST
Arbaco, Ogosto, 10, 2022 (HOL) - Madaxda xisbiga UCID oo kali ah ayaa saaka kasoo xaadiray kulankii loo balansanaa in hogaanka mucaaradka Somaliland, iyo xukuumadu ku gorfeeyaan nidaamka loo qabanayo mudaharaadada Khamiista.

8/10/2022 3:21 AM EST
Arbaco, Ogosto, 10, 2022 (HOL) - Xildhibaan Ilhaan Cumar ayaa si dirqi ah ugu guuleysatay Talaadadii xalay, tartanka hordhaca ah ee Congress-ka Mareykanka oo ay kula tartamaysay Xubin hore oo ka tirsan golaha deegaanka Minneapolis, Don Samuels.

8/10/2022 3:11 AM EST
Arbaco, Ogosto, 10, 2022 (HOL) - Wararka ka imaanaya tuulada Cadayleey oo ka mid ah tulooyinka hoostaga degmada Afgooye ee gobolka Sh/ hoose ayaa sheegaya in Xalay halkaasi rag hubeysan ay toogasho ka geysteen goob ay ka socotay xaflad aroos ah.

8/10/2022 3:04 AM EST
Arbaco, Ogosto, 10, 2022 (HOL) - Waxaa maalmahan magaalada Jigjiga ku sugnaa Wafdiga Madaxweynaha Koonfur galbeed Soomaaliya Cabdicasiis Laftagareen, iyagoo kulamo kala suwan la qaatay Madaxweyne Mustafe cagjar, iyo qaar kamid ah Odayaal dhaqameedka degaanka Soomaalida.

8/10/2022 2:40 AM EST
Arbaco, Ogosto, 10, 2022 (HOL) - Lamaaha amiga maamulka Puntland ayaa soo bandhigay agab laga sameeyo waxyaabaha qaraxa, kuwaas oo lagu qariyay gaari dhayne ah oo lagu qaybtay Dagmada galdogob ee gobolka Mudug.

8/10/2022 1:50 AM EST
Arbaco, Ogosto, 10, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa sheegay in xukuumada anay ka wada hadlin goobo gaar ah oo lagu qabanayo mudaharaadka, sida wasiirka isgaadhsiintu sheegay.