3/29/2024
Today from Hiiraan Online:  _
Wararka Maanta- Sabti, Apr 23, 2022
Guddiga Xalinta Khilaafaadka Doorashooyinka Dadban oo waxba kama jiraan ku tilmaamay Doorashooyinka ka bilaawday Ceelwaaq iyo Garbahaareey
 

Sabti, April, 23, 2022 (HOL) - Guddoomiyaha guddiga xalinta khilaafaadka doorashooyinka dadban ee dalka Maxamed Cawil Warsame ayaa waxba kama jiraan ku tilmaamay doorashooyinka ka socda degmooyinka Ceelwaaq iyo Garbahaareey.

Waxuu tilmaamay guddoomiyaha guddiga xalinta khilaafaadka doorashooyinka dadban in doorashooyinka haatan ka socda Garbahaareey iyo Ceelwaaq ay yihiin kuwa baal marsan heshiisyadii 17-kii Sebtembar oo ay wada gareen madaxda golaha wadatashiga qaranka.

“Guddiga Xalinta Khilaafaadku waxa uu caddeynayaa Doorashooyinka ka billawday Ceelwaaq iyo Garbahaarey in ay khilaafsan yihiin habraacyadii Doorashooyinka iyo heshiisyadii siyaasadeed, Doorashada Ceelwaaq waxa ay kahor imaaneysaa heshiisyada lagu hagayo Doorashooyinka, halka tan Garbahaarey ay ka maqan yihiin Guddiga heer Federaal iyo heer Dowlad-Goboleed, waxa uu guddigu baaq u dirayaa madasha wadatashiga qaranka si loo saldhigo Doorashada loona sameeyo isutanaasul” ayuu yiri guddoomiyaha guddiga xalinta khilaafaadka doorashooyinka dadban.

Hadalkaan kasoo yeeray guddoomiyaha guddiga xalinta khilaafaadka doorashooyinka dalka ayaa kusoo beegmaya xili shalay degmada Ceelwaaq ay ku qabteen guddiga doorashooyinka heer dowlad goboleed ee Jubbaland doorashada 11-kursi oo ka mid ah kuraasta taala deegaan doorashada labaad ee Jubbaland, islamarkaana ay goob joog ka ahayeen madaxda sare ee guddiga doorashooyinka heer Fedaraal iyo madaxweynaha maamulka Jubbaland.

Shalay ayay aheyd markii wareegto kasoo baxday xafiiska madaxweynaha mudo xileedkiisa dhamaaday ee Maxamed Cabdullaahi Farmaajo lagu sheegay in doorashooyinka isbarbar socda ee Garbahaareey iyo Ceelwaaq ee gobolka Gedo iney yihiin kuwa sharci darro ah.


Jamaal Cali Cabdi, Hiiraan Online












Click here
4/23/2022 4:09 PM EST
Sabti, April, 23, 2022 (HOL) - Dhinaca kamid ah guddiga heer federal ee doorashooyinka Soomaaliya ayaa caawa magaalada Garbahaareey ee caasimadda gobolka Gedo ka bilaabay doorashada 16ka kursi ee aqalka hoose ee yaala Gedo.

4/23/2022 1:17 PM EST
Sabti, April, 23, 2022 (HOL) - Madaxweynaha Kenya Uhuru Kenyatta ayaa Benson Mwaliko u magacaabay qunsulka cusub ee dowladda Kenya u joogi doona magaalada Hargeysa ee Somaliland.

4/23/2022 9:33 AM EST
Sabti, April, 23, 2022 (HOL) - Madaxweynaha dowladda Kenya, Uhuru Kenyatta ayaa u magacaabay Maj Gen Thomas Chepkuto inuu noqdo safiirka cusub ee dalka Kenya uqaabilsan Soomaaliya.

4/23/2022 8:04 AM EST
Sabti, April, 23, 2022 (HOL) - Guddiga doorashooyinka maamulka Jubbaland ayaa Maanta oo Sabti ah soo gabagabeeyay doorashada 16-kursi oo ku harsaneyd deegaan doorashada labaad ee maamulka Jubbaland

4/23/2022 5:14 AM EST
Sabti, April, 23, 2022 (HOL) - Qaramada Midoobay ayaa sheegtay in sare u kaceyso gaajada ka jirta Soomaaliya ee ay abaaruhu sababeen, iyadoo sheegtay in ka badan lix milyan oo qof inay hadda soo food saartay cunto yari ba'an.

4/23/2022 2:33 AM EST
Sabti, April, 23, 2022 (HOL) - Xildhibaanada labada Aqalka ee Baarlamaanka Federaalka Soomaaliya ayaa maanta sabti ah kulan ku yeelanaya magaalada Muqdisho, waxayna dhageysanayaan hadal jeedinta musharaxiinta guddoonka labada ee Baarlamaanka Jamhuuriyadda Federaalka Soomaaliya.

4/23/2022 1:37 AM EST
Sabti, April, 23, 2022 (HOL) - Ugu yaraan Lix qof ayaa ku dhintay qarax ismiidaamin ah oo xalay ka dhacay maqaayad ku taal xeebta Liido ee magaalada Muqdisho, sida uu sarkaal ka tirsan adeegga ambalaasta u sheegay wakaaladda wararka ee Reuters.