8/18/2022
Today from Hiiraan Online:  _
Wararka Maanta- Sabti, Apr 23, 2022
Qaramada Midoobay oo sheegtay in 6 milyan oo qof oo Soomaali ah ay soo food saartay cunto yari ba’an
 

Sabti, April, 23, 2022 (HOL) - Qaramada Midoobay ayaa sheegtay in sare u kaceyso gaajada ka jirta Soomaaliya ee ay abaaruhu sababeen, iyadoo sheegtay in ka badan lix milyan oo qof inay hadda soo food saartay cunto yari ba'an.

Afhayeenka Qaramada Midoobay, Eri Kaneko, ayaa sheegtay in nafaqo-xumada ba'an ee carruurta ay sidoo kale ay kor u kacday, taasoo gaartay heer masiibo ah degmooyin ka tirsan gobollada Koonfurta Soomaaliya.

“Illaa 1.4 milyan oo carruur ah ayaa sanadkan wajahaya nafaqo-xumo aad u daran. 45 ka mid ah 74-ta degmo ayaa waxay qabaan heerar nafaqa-darro ba'an oo caalami ah oo ka sarreeya 15 boqolkiiba, ayay tiri Eri Kaneko.”

Sida ay sheegtay Eri Kaneko, tirada dadka ay saamaysay abaarta ba'an ee Soomaaliya waxay kor uga kacday 4.9 milyan bishii Maarso, waxayna gaartay 6.1 milyan bishii Abriil, iyadoo ku dhawaad 760,000 oo qof ay ka barakaceen guryahoodii iyagoo raadinaya biyo, cunto iyo baad.

Afhayeenka Qaramada Midoobay waxay  sheegtay tan iyo bishii Jannaayo, la-hawlgalayaasha bani'aadamnimada ay gaareen ku dhawaad 2.6 milyan oo qof oo dalka ku nool oo la gaarsiiyay gargaar naf-badbaadin ah.

Abdiweli M. Sheikh, Hiiraan Online












Click here
4/23/2022 4:09 PM EST
Sabti, April, 23, 2022 (HOL) - Dhinaca kamid ah guddiga heer federal ee doorashooyinka Soomaaliya ayaa caawa magaalada Garbahaareey ee caasimadda gobolka Gedo ka bilaabay doorashada 16ka kursi ee aqalka hoose ee yaala Gedo.

4/23/2022 1:17 PM EST
Sabti, April, 23, 2022 (HOL) - Madaxweynaha Kenya Uhuru Kenyatta ayaa Benson Mwaliko u magacaabay qunsulka cusub ee dowladda Kenya u joogi doona magaalada Hargeysa ee Somaliland.

4/23/2022 9:33 AM EST
Sabti, April, 23, 2022 (HOL) - Madaxweynaha dowladda Kenya, Uhuru Kenyatta ayaa u magacaabay Maj Gen Thomas Chepkuto inuu noqdo safiirka cusub ee dalka Kenya uqaabilsan Soomaaliya.

4/23/2022 8:04 AM EST
Sabti, April, 23, 2022 (HOL) - Guddiga doorashooyinka maamulka Jubbaland ayaa Maanta oo Sabti ah soo gabagabeeyay doorashada 16-kursi oo ku harsaneyd deegaan doorashada labaad ee maamulka Jubbaland

4/23/2022 5:21 AM EST
Sabti, April, 23, 2022 (HOL) - Guddoomiyaha guddiga xalinta khilaafaadka doorashooyinka dadban ee dalka Maxamed Cawil Warsame ayaa waxba kama jiraan ku tilmaamay doorashooyinka ka socda degmooyinka Ceelwaaq iyo Garbahaareey.

4/23/2022 2:33 AM EST
Sabti, April, 23, 2022 (HOL) - Xildhibaanada labada Aqalka ee Baarlamaanka Federaalka Soomaaliya ayaa maanta sabti ah kulan ku yeelanaya magaalada Muqdisho, waxayna dhageysanayaan hadal jeedinta musharaxiinta guddoonka labada ee Baarlamaanka Jamhuuriyadda Federaalka Soomaaliya.

4/23/2022 1:37 AM EST
Sabti, April, 23, 2022 (HOL) - Ugu yaraan Lix qof ayaa ku dhintay qarax ismiidaamin ah oo xalay ka dhacay maqaayad ku taal xeebta Liido ee magaalada Muqdisho, sida uu sarkaal ka tirsan adeegga ambalaasta u sheegay wakaaladda wararka ee Reuters.