9/26/2022
Today from Hiiraan Online:  _
Wararka Maanta- Arbaco, Sept 21, 2022
Nabadoon Cabdullaahi Nuur Garaad Seefle oo Xalay lagu dilay magaalada Muqdisho
 

Arbaco, September, 21, 2022 (HOL) - Waxaa Xalay degmada Dharkeenleey ee magaalada Muqdisho kooxo hubeysan ay ku dileen Allah u naxariistee Nabadoon Cabdlaahi Nuur Garaad Seefle oo ka mid aha nabadoonada kasoo jeeda gobolka Hiiraan.

Allah u naxariiste dilka nabadoonka waxaa geystay rag dhalinyaro ah oo ku hubeysna bastoolado, kuwaas oo dhowr xabadood kaga dhuftay qeybaha sare ee jirkiisa, islamarkaana si deg deg ah uga baxsaday goobta ay ku dileen nabadoonka.

Nabadoon Cilmi Guddoomiye oo ka mid ah Nabadoonada gobolka Hiiraan oo la hadlay warbaahinta ayaa sheegay in dilka nabadoonka ay ka dambeeyaan Al-shabaab.

"Dilka Nabadoon Cabdullaahi Nuur Garaad Seefle oo ka mid ahaa nabadoonada Beesha Xawaadle waxaa ka dambeya Al-shabaab oo iyadu horay u sheegtay in qabiilka la dagaalamaya iney dili doonaan culimadooda iyo caamadooda, wiilashoda, gabdhahooda ay kuli ku tilnaameen iney gaalo yihiin, waana qabiilka kaliya ee Al-shabaab ku dhiiraday inuu dhibaatadiisa iska dhiciyo oo Somalida kale tusay in Shabaab la iska celin karo" ayuu yiri nabadoon Cilmi Guddoomiye.

Todobaadkii hore ayay aheyd markii sidaan oo kale xubno ka tirsana Al-shabaab ay ku dileen degmada Yaaqshiid  ee gobolka Banaadir Allah u naxariistee Nabadoon Husseen Xayow Xalane oo ka mid ahaa nabadoonada beesha Xawaadle.












Click here
9/21/2022 12:58 PM EST
Arbaco, September, 21, 2022 (HOL) - Wararka ka imaanaya dowlad degaanka Soomaalida ayaa sheegaya in maanta uu dagaal beeleed uu ka dhacay goobta lagu magacaabo Goda oo ka tirsan degmada Gursum ee dowlad degaanka Soomaalida.

9/21/2022 10:38 AM EST
Arbaco, September, 21, 2022 (HOL) - Wararka naga soo gaaraya deegaanka Samataro oo dhinaca galbeed kaga beegan deegaanka Booco ee gobolka Hiiraan ayaa sheegaya in dagaal xoogan uu halkaasi ku dhexmaray Maanta dagaalamayaal ka tirsan Al-shabaab iyo ciidamada dowladda Soomaaliya oo garabsanaya kuwa deegaanka oo shalay la wareegay Booco.

9/21/2022 10:38 AM EST
Arbaco, September, 21, 2022 (HOL) - Xisbiga Sinaanta iyo Cadaaladda FEP laantiisa dowlad degaanka Soomaalida ayaa War saxaafadeed ay maanta soo saareen ku sheegay inay haboon tahay in dib loo dhigo shirweynaha wada tashiga ee loo ballansanaa toddobaadka soo socda ilaa inta laga saxayo khaladaad ay sheegeen inay jiraan.

9/21/2022 10:26 AM EST
Arbaco, September, 21, 2022 (HOL) - Dowladda Mareykanka ayaa sheegtay in duqeyn ka dhan ah Al-Shabaab ay ka fulisay meel ku dhow degmada Buulo-burde ee gobolka Hiiraan, 18-kii Sebtembar ee todobaadkaan.

9/21/2022 9:59 AM EST
Arbaco, September, 21, 2022 (HOL) - Dowladda Soomaaliya ayaa sheegtay inay isku diyaarinayso waji kale oo dagaal oo Alshabaab looga xoraynayo gobolka Shabeellada hoose iyo guud ahaan koonfur Galbeed.

9/21/2022 9:28 AM EST
Arbaco, September, 21, 2022 (HOL) - Hay’adda qaxootiga u qaabilsan Qaramada Midoobay, UNHCR, ayaa soo saartay xeer cusub oo ku saabsan sida ay xaquuq magangalyo ku heli karaan qaxootiga Soomaaliyeed ee dalkooda ka cararaya.

9/21/2022 1:42 AM EST
Arbaco, September, 21, 2022 (HOL) - Dowladda Maraykanka ayaa ku dhawaaqday eedeymo ka dhan ah 47 qof oo Soomaali ah oo lagu eedeeyay inay lunsadeen $250 milyan oo loogu talagalay in quudin lagu siiyo carruur baahan intii lagu jiro cudurka Corona Virus.

9/21/2022 1:35 AM EST
Arbaco, September, 21, 2022 (HOL) - Golaha odayaasha dhaqanka Koonfur Galbeed ayaa bayaan ay soo saareen waxay ku baaqeen in maamulka koonfur Galbeed iyo dowladda federalka lagala shaqeeyo arrimaha amniga iyo wax ka qabashada abaaraha.