11/29/2022
Today from Hiiraan Online:  _
Wararka Maanta- Isniin, Nov 21, 2022
Booliiska gobolka Banaadir oo soo xiray nin loo haysto inuu tacaddiyo u geystay gabadh dallinyaro ah
 

Isniin, November, 21, 2022 (HOL) - Booliska G/Banaadir ayaa ku guuleystay inay gacanta ku soo dhigaan Xuseen Xasan Gaaboow oo lagu eedeeyay inuu faafiyay muuqaalo ku saabsan tacadiyo uu kula kacayo gabdho aan qaangaar ahayn.

Taliye ku xigeenka ciidanka Booliiska Soomaaliya, Gen Sakiye Xuseen oo qoraal ay soo dhigtay barteeda Twitter ayaa sheegtay in soo qabashada eedeysanaha ay gacan ka geysteen shacabka oo u soo gudbiyay xogta keentay in lasoo xiro.

Eedeysanaha ayaa loo haystaa barta muuqaal uu Tiktok ku faafiyay, muuqaalkaas oo lagu arkayo gabadh dhallinyaro oo la sheegay inuu siiyay daroogo, kadibna uu tacaddi kula kacay.

Arrintaan ayaa hadal hayn badan ka dhalisay, iyada oo dad badan oo baraha isticmaala ay ku baaqeen in lasoo xiro eedeysanaha oo Muqdisho ku sugan.

Barta Tiktok oo ah aalad ay si weyn u isticmaalaan dhallinyarada ayaa muddooyinkii ugu dambeeyay noqotay aalad loo isticmaalo in lagusoo bandhigo muqaallada tacaddiyada iyo kuwa anshax xumada ah.













Click here
11/21/2022 2:07 PM EST
Isniin, November, 21, 2022 (HOL) - Madaxweynaha Soomaaliya Xasan Sheekh Maxamuud ayaa buriyay saddex xeer oo uu Madaxweyihii hore ee Soomaaliya saxiixay, kuwaas oo lagusoo dhisay guddiga madaxa bannaan ee Dooradhooyinka, xubnaha guddiga xuduudaha iyo federaalka iyo hay’adda diiwaan galinta shaqaalaha Soomaaliyeed.

11/21/2022 8:39 AM EST
Isniin, November, 21, 2022 (HOL) - Waxaa Maanta magaalada Muqdisho lagu qabtay munaaaabad lagu xusayo Maalinta Macalinka Soomaaliyeed oo ka dhacday xarunta Tiyaatarka Qaranka, waxaana ka qeyb galay munaasabadda Madaxweynaha Soomaaliya Xasan Sheekh Maxamuud, Wasiirka Wasaaradda Waxbarashada, Wasiirka Wasaaradda Cadaaladda iyo Tastuurka, Qaar ka mid ah Xildhibaannada labada Aqal, guddoomiyaha gobalka Banaadir, qaar ka mid ah macalinmiinta Soomaaliyeed, Ardey iyo Marti sharaf kale.

11/21/2022 7:42 AM EST
Isniin, November, 21, 2022 (HOL) - Ciidamada Kenya ee ku hoos shaqeeya howlgalka ku meel gaarka ah ee Midowga Afrika ee Soomaaliya (ATMIS) ayaa sii joogi doona Soomaaliya, sida ay sheegtay Wasaaradda Difaaca Kenya.

11/21/2022 6:42 AM EST
Isniin, November, 21, 2022 (HOL) - Ururka Saxafiyiinta dowlad degaanka Soomaalida ee fadhigiisu yahay magaalada Jigjiga ayaa doorasho ay galeen maalintii Axadda ahayd waxay ku doorteen guddoomiye cusub.

11/21/2022 5:05 AM EST
Isniin, November, 21, 2022 (HOL) - Maxkamada Sare ee Somaliland ayaa ku dhawaaqday in ururka Talo-wadaag, oo guddida diwaangalinta ururadu sheegeen in uu ka hadhay ururada soo baxay uu soo baxay oo uu kamid yahay ururada guulaystay.

11/21/2022 3:49 AM EST
Isniin, November, 21, 2022 (HOL) - Ciidamada dowladda Fedaraalka Soomaaliya oo kaashanaya kuwa maamulka Koonfur Galbeed ayaa saacadahii lasoo dhaafay howlgalo qorsheysan ka sameeyay deegaanka Dhurseen oo ku yaala Waqooyiga degmada Xudur ee gobolka Bakool.

11/21/2022 2:05 AM EST
Isniin, November, 21, 2022 (HOL) - Wasiirka arrimaha dibadda Soomaaliya, Abshir Cumar Haruuse ayaa magaalada Dublin ee dalka Ireland kula kulmay simon Coveney, wasiirka arimaha dibadda iyo difaaca ee dalka Ireland.