11/29/2022
Today from Hiiraan Online:  _
Wararka Maanta- Sabti, Nov 19, 2022
Xisbiga Kulmiye oo sheegay in mucaaradka Somaliland anay lahayn xuquuq sharci
 

Sabti, November, 19, 2022 (HOL) - Xisbiga talada Somaliland haya ee Kulmiye, ayaa sheegay in xisbiyada mucaaradka ahi anay haysan sharciyada xukuumada, kadib markii ay iyagu kalsoonida kala noqdeen xukuumada.

Xogeeyaha Guud ee Xisbiga Kulmiye Faysal Cabdiraxmaan Madar, oo ka hadlay shirka guddida fulinta xisbiga oo uu madaxweyne Biixi shir-guddoominayay, ayaa sheegay in mucaaradku ay sharcigii ka leexdeen, maanta kadibna anay sharciyad ka haysan xukuumada.

"Xisbiga Kulmiye waxa uu hadalkii kasoo yeedhay xisbiyada mucaaradka ku tilmaamay miq qayrul-dastuuri ah oo qaran jabin ku ah qaranka, sidaa awgeedna anay qaranka ku lahayn xuquuq sharci" ayuu yidhii Madar.

Xisbiga ayaa sodokale madaxweynaha ku amaanay ilaalinta sharciga "Xisbiga Kulmiye waxa uu ku amaanay madaxweynaha Jamhuuriyada Somaliland Mudane Muuse Biixi Cabdi, ahna guddoomiyaha xisbiga Kulmiye, ilaalinta iyo dhowrista dastuurka iyo xeerarka ka dhambalma, waxayna madaxweynaha usoo jeediyeen in uu dulqaad muujiyo sidii uu awalba ku sifaysnaa" ayuu yidhi Madar.

Waxa uu sheegay in dulqaadka madaxweynaha shardi looga dhigay in aanu noqon mid dhibaato u gaysanaya ama gaf ku noqon kara ilaalinta shuruucda Somaliland.

Abdilahi Geel-maal, Hiiraan Online
[email protected]












Click here
11/19/2022 2:57 PM EST
Sabti, November, 19, 2022 (HOL) - Dowladda Eritrea ayaa si adag u eedeysay dalalka reer Galbeedka inay tashuush iyo marin- habaabin ku fureen xiriirka iskaashi ee dhexmaraya dowladaha Soomaaliya iyo Eritrea.

11/19/2022 2:41 PM EST
Sabti, November, 19, 2022 (HOL) - TPLF ayaa dowladda Eritariya waxa ay ku eedaysay inay wado abaabul ciidan oo ka dhan ah heshiiska ay dhawaan ku gaareen dalka Koonfur Afrika dowladda Itoobiya iyo TPLF.

11/19/2022 7:28 AM EST
Sabti, November, 19, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud iyo Wafdi uu hoggaaminaayo ayaa Maanta gaaray degmada Maxaas ee gobolka Hiiraan halkaasoo siweyn loogu soo dhaweeyay.

11/19/2022 7:14 AM EST
Sabti, November, 19, 2022 (HOL) - Xisbiga mucaaradka Somaliland ee WADDANI, ayaa sheegay in anay xukuumada aqoonsanayn ilaa oo ay sharciga kusoo laabato, sida loo dhigay qoraal kasoo baxay xisbiga.

11/19/2022 5:30 AM EST
Sabti, November, 19, 2022 (HOL) - Maxkamadda ciidamada Qalabka sida ee maamul goboleedka Jubbaland ayaa Maanta oo Sabti ah xukun dil toogasho ah ku fulisay laba askari oo horay dilal kala duwan uga geystay gudaha magaalada Kismaayo.

11/19/2022 5:23 AM EST
Sabti, November, 19, 2022 (HOL) - Sarkaal sare oo horey uga tirsanaan jiray ciidamada xoogga dalka Soomaaliya oo lagu eedeeyay xad-gudubyo dhowr ah oo ka dhan ah xuquuqda aadanaha oo loo geystay dad rayid ah oo Soomaaliyeed, sanadihii 1980-meeyadii, ayaa lagu xiray gobolka Virginia.

11/19/2022 2:55 AM EST
Sabti, November, 19, 2022 (HOL) - Soomaaliya ayaa ku biirtay dalalka saxiixay sharciga caalamiga ah ee ka dhanka ah isticmaalka iyo adeegsiga walxaha qarxa ee meelaha ay dadku ku badan yihiin.

11/19/2022 12:51 AM EST
Sabti, November, 19, 2022 (HOL) - Madaxweynaha Soomaaliya Xasan Sheekh Maxamuud ayaa kormeer ugu amba-baxay qaar ka mid ah deegannada ay ka socdaan howlgallada ka dhanka ah Alshabaab.