11/29/2022
Today from Hiiraan Online:  _
Wararka Maanta- Sabti, Nov 19, 2022
Maraykanka oo xiray Kornayl Yusuf Cabdi Cali (Tuke) oo loo haysto xadgudubyo ka dhan ah xuquuqda aadanaha
 

Sabti, November, 19, 2022 (HOL) - Sarkaal sare oo horey uga tirsanaan jiray ciidamada xoogga dalka Soomaaliya oo lagu eedeeyay xad-gudubyo dhowr ah oo ka dhan ah xuquuqda aadanaha oo loo geystay dad rayid ah oo Soomaaliyeed, sanadihii 1980-meeyadii, ayaa lagu xiray gobolka Virginia.

Kornayl Yuusuf Cabdi Cali, oo loo yaqaan “Tukeh,” ayaa loo haystaa dil ka baxsan sharciga, jirdil naxariis darro ah, iyo xarig aan sabab lahayn, sida lagu sheegay warbixin kasoo baxday waaxda amniga gudaha ee dowladda Maraykanka.

Waaxda amniga gudaha ayaa sheegtay in Kornayl Tuke oo 69 jir ah uu ahaa Gaashaanle Sare oo ka tirsan ciidankii xoogga dalka Soomaaliyeed iyo Taliyaha Guutada Shanaad ee Waqooyi Galbeed Soomaaliya (Somaliland), intii u dhaxeysay qiyaastii May 1987 ilaa Luulyo 1988-kii ee dowladddii Maxamed Siyaad Barre.

Muddadaas, ciidamada Soomaaliya waxaa la sheegay inay geysteen xad-gudubyo badan oo ka dhan ah xuquuqda aadanaha ee dadka rayidka ah, sida ay sheegtay dowladda Maraykanka.

“Iyadoo qabashada Yuusuf Cabdi Cali aysan soo celin karin dhibaatooyinkii uu geystay, haddana waxaan rajeynayaa inaan aragno isagoo ka jawaabaya kaalintii muuqatay ee uu ku lahaa dambiyadaas foosha xun, ayuu yiri Derek W. Gordon, oo ah ku-simaha ergeyga gaarka ah ee hay’adda amniga gudaha Maraykanka.

Si kastaba, sarkaalkan ayaa sannadkii 2019 maxkamadi horey ugu xukuntay in uu siiyo magdhow gaaraysa 500,000 oo dollor nin lagu magacaabo Farxan Maxamuud Warfaa oo ahaa qofka sida tooska ah u dacawaynayay Tuke.

Warfaa wuxuu sheegay inuu ahaa 17 jir waqtigii uu gabood falka uu u gaystay Tuke, kadib markii ay soo qabteen ciidamo uu xukumay, wuxuu sheegay in uu kala kulmay ciqaab daran oo isugu jirtay jir dil iyo ciqaab loo adeegsaday liifka qoriga.












Click here
11/19/2022 2:57 PM EST
Sabti, November, 19, 2022 (HOL) - Dowladda Eritrea ayaa si adag u eedeysay dalalka reer Galbeedka inay tashuush iyo marin- habaabin ku fureen xiriirka iskaashi ee dhexmaraya dowladaha Soomaaliya iyo Eritrea.

11/19/2022 2:41 PM EST
Sabti, November, 19, 2022 (HOL) - TPLF ayaa dowladda Eritariya waxa ay ku eedaysay inay wado abaabul ciidan oo ka dhan ah heshiiska ay dhawaan ku gaareen dalka Koonfur Afrika dowladda Itoobiya iyo TPLF.

11/19/2022 9:38 AM EST
Sabti, November, 19, 2022 (HOL) - Xisbiga talada Somaliland haya ee Kulmiye, ayaa sheegay in xisbiyada mucaaradka ahi anay haysan sharciyada xukuumada, kadib markii ay iyagu kalsoonida kala noqdeen xukuumada.

11/19/2022 7:28 AM EST
Sabti, November, 19, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud iyo Wafdi uu hoggaaminaayo ayaa Maanta gaaray degmada Maxaas ee gobolka Hiiraan halkaasoo siweyn loogu soo dhaweeyay.

11/19/2022 7:14 AM EST
Sabti, November, 19, 2022 (HOL) - Xisbiga mucaaradka Somaliland ee WADDANI, ayaa sheegay in anay xukuumada aqoonsanayn ilaa oo ay sharciga kusoo laabato, sida loo dhigay qoraal kasoo baxay xisbiga.

11/19/2022 5:30 AM EST
Sabti, November, 19, 2022 (HOL) - Maxkamadda ciidamada Qalabka sida ee maamul goboleedka Jubbaland ayaa Maanta oo Sabti ah xukun dil toogasho ah ku fulisay laba askari oo horay dilal kala duwan uga geystay gudaha magaalada Kismaayo.

11/19/2022 2:55 AM EST
Sabti, November, 19, 2022 (HOL) - Soomaaliya ayaa ku biirtay dalalka saxiixay sharciga caalamiga ah ee ka dhanka ah isticmaalka iyo adeegsiga walxaha qarxa ee meelaha ay dadku ku badan yihiin.

11/19/2022 12:51 AM EST
Sabti, November, 19, 2022 (HOL) - Madaxweynaha Soomaaliya Xasan Sheekh Maxamuud ayaa kormeer ugu amba-baxay qaar ka mid ah deegannada ay ka socdaan howlgallada ka dhanka ah Alshabaab.