11/29/2022
Today from Hiiraan Online:  _
Wararka Maanta- Jimco, Nov 18, 2022
Dowladda Canada oo qorsheyneysa iney dalkeeda kasoo masaafuriso boqolaal dhalinyaro Soomaaliyeed ah
 

Jimco, November, 18, 2022 (HOL) - Dowladda Canada ayaa wada qorshe ay ku masaafurineyso ku dhawaad 500 oo dhalinyaro Soomaaliyeed ah oo ay sheegtay in dalkeeda ay kusoo galeen Baasabooro wadama kale ah.

Dhalinyaradaan ayay dowladda Canada sheegtay ineysan ahayn Soomaali, maadaama ay dalkeeda ku galeen Baasaboorka waddamo kale oo ay ku qasban tahay iney dib ugu masaafuriso  waddamadii ay Baasabooradooda ku socdaaleen.

Mid ka mid dhalinyarada dowladda Canada ay u diyaarisay iney dalkeeda ka masaafuriso oo lagu magacaabo Cabdullaahi Muuse ayaa VOA u sheegay in dhalinyarada la masaafurinaayo ay dhamaantood isku kiis yihiin, islamarkaana nidaamkaan dalka Canada looga masaafurinaayo uu soo socday in mudo ah.

“Dhalinyarada la celinayo dhamaan waa isku kiis, 400 oo dhalinyaro weeye, waxay kusoo safreen Baasaboorka waddamada deriska, maadaama dalka uu galay dagaal sokeeye dhowrkii sano ee lasoo dhafay, da’da dhalinyarada waxay u dhaxeysaa 20 ilaa 30 sano, waxayna galeen xaalad islahadal maskaxeed" ayuu yiri Cabdullaahi Muuse.

Cabdullaahi Muuse ayaa ugu baaqay Jaaliyadda Soomaaliyeed ee dalka Canada iyo masuuliyiinta xilalka ka haya dowladda Canada iney u istaagaan sidii ay uga hortagi lahaayeen in la masaafuriyo dhalinyarada oo uu tilmaamay hadii mid ka mid ah la masaafuriyo ay arintaasi noqon doonto mid sii socon doonta.

“Dhalinyaradaan talo ayaa faraha ka baxday oo waxa ay keliya rejo ka qabaan ilaahay xaggiisa iyo iney wax u qabtaan Dad badan oo Soomaali ah oo dalkaan xilal ka haya, waxaa lagu heystaa Soomaali ma tihiin, qaar naga mid ah ayaa wata Baasaboor iyo Dukumiintiyo Soomaali ah, dhibka ugu weyn ee na haysta waa Safaaradda Soomaaliya ku leedahay dalkaan oo ka gaabisay shaqadeeda” Ayuu yiri Cabdullaahi Muuse.

Si kastaba ha ahaatee talaabadaan ay dowladda Canada ay ku dooneyso iney kaga soo masaafuriso dalkeeda dhalinyaradaan Soomaalida ah wali kama aysan hadlin Saafaradda Soomaaliyeed ee ku taala dalkaasi Canada.












Click here
11/18/2022 6:12 AM EST
Jimco, November, 18, 2022 (HOL) - Golaha Amaanka ee Qaramada Midoobay ayaa u codeeyay in cunaqabateynta hubka ay sii saarnaato Soomaaliya, iyadoo arintaasi ay si weyn uga hortimid dowladda Fedaraalla Soomaaliya oo dalbatay in cunaqabateynta laga qaado si ay uga guul gaarto dagaalada ka dhanka ah kooxda Al-shabaab.

11/18/2022 4:01 AM EST
Jimco, November, 18, 2022 (HOL) - Wasiirka Wasaaradda Kallumeysiga iyo Kheyraadka Badda Xukuumadda Fedaraalka Soomaaliya Axmed Xassan Aadan ayaa magaalada Qaahira ee Caasimadda dalka Masar kula kulmay Sayed Alqasiir oo ah wasiirka Beeraha, Xanaanada Xoolaha iyo Kallumaysiga Dowladda Masar.

11/18/2022 2:22 AM EST
Jimco, November, 18, 2022 (HOL) - Afhayeenka TPLF Getachow Reda ayaa mar uu Warbaahinta la hadlayay waxa uu sheegay in dagaalyahannadoodu aysan hubka dhigi doonin ilaa Ciidamada Eritariya iyo kuwa degaanka Axmaaradu ka baxaan dhulka Tigray.

11/18/2022 1:05 AM EST
Jimco, November, 18, 2022 (HOL) - Wararka naga soo gaaraya deegaanka Mabaax oo ka mid ah deegaanada hoostaga degmada Moqokori ee gobolka Hiiraan ayaa sheegaya in aroornimadii hore ee saakay uu halkaasi ka dhacay dagaal culus oo u dhaxeeyay ciidanka dib u xureynta deegaanka iyo kuwa Al-shabaab.

11/18/2022 12:42 AM EST
Jimco, November, 18, 2022 (HOL) - Wasiirka Arrimaha Dibadda iyo Iskaashiga Caalamiga ee Xukuumadda Fedaraalka Soomaaliya Abshir Cumar Haruuse oo howlo shaqo u jooga dalka Serbia ayaa kulan la qaatay Raysal wasaare ku xigeenka ahna Wasiirka Arrimaha Dibadda dalka Serbia Ivica Dačić iyo xubno kale oo ka tirsan Gollaha Wasiiradda dalkaas oo ay ka mid yihiin Wasiiradda Arrimaha Gudaha, Ganacsiga, Dhaqaalaha iyo masuuliyiin kale.