11/29/2022
Today from Hiiraan Online:  _
Wararka Maanta- Jimco, Nov 18, 2022
Serbia oo dowladda Soomaaliya ka Taageereysa amniga iyo tababarka ciidanka
 

Jimco, November, 18, 2022 (HOL) - Wasiirka Arrimaha Dibadda iyo Iskaashiga Caalamiga ee Xukuumadda Fedaraalka Soomaaliya Abshir Cumar Haruuse oo howlo shaqo u jooga dalka Serbia ayaa kulan la qaatay Raysal wasaare ku xigeenka ahna Wasiirka Arrimaha Dibadda dalka Serbia Ivica Dačić iyo xubno kale oo ka tirsan Gollaha Wasiiradda dalkaas oo ay ka mid yihiin Wasiiradda Arrimaha Gudaha, Ganacsiga, Dhaqaalaha iyo masuuliyiin kale.

Kulanka dhexmaray wasiirka arrimaha Dibadda Xukuumadda Soomaaliya iyo Wasiiradda ka tirsan Xukuumadda Serbia ayaa diirada lagu saaray xiriirka ka dhaxeeya labada dal, sida Saaxiibtinimada, Siyaasadda, Dhaqaalaha iyo is dhexgalka Ganacsiga labada dal.

Wasiir Abshir Cumar Huruuse ayaa sheegay in ay ka faa’iideysan doonaan khibrada dowladda Serbia ay u leedahay dhaqaalo abuurka, isagoona sidoo kale sheegay in dowladda Serbia ay u balan qaaday inay ka caawineyso dowladda Soomaaliya tababarka ciidamada qalabka sida, shaqaalaha dowladda iyo waliba in ciidanka loo dhisi doono Isbitaallo qalabaysan oo lagu daryeelo Caafimaadka Askarta dowladda Soomaaliya.

"Waxaan kullamo miro-dhal ah la yeeshay Ra’iisul Wasaare ku xigeenka ahna Wasiirka Arrimaha Dibadda Jamhuuriyadda Serbia Mudane Ivica Dačić iyo xubno kale oo Gollaha Wasiiradda ka mid ah sida Wasiirka Arrimaha Gudaha, Wasiirka Ganacsiga, Wasiirka Dhaqaalaha iyo mas'uuliyiin kale. Waxaana la noo sameeyay soo dhaweyn heer sare ah oo ka turjumaysa saaxiibtinimada qotada dheer ee labada dal, Dowladda Serbia ayaa balan qaaday inay naga caawiso tababarka ciidamada qalabka sida iyo shaqaalaha dowladda iyo inay ciidankeenna u dhisaan Isbitaallo qalabaysan oo lagu daryeelo ciidamadeena" ayuu yiri wasiirka arrimaha Dibadda Soomaaliya Abshir Cumar.












Click here
11/18/2022 6:12 AM EST
Jimco, November, 18, 2022 (HOL) - Golaha Amaanka ee Qaramada Midoobay ayaa u codeeyay in cunaqabateynta hubka ay sii saarnaato Soomaaliya, iyadoo arintaasi ay si weyn uga hortimid dowladda Fedaraalla Soomaaliya oo dalbatay in cunaqabateynta laga qaado si ay uga guul gaarto dagaalada ka dhanka ah kooxda Al-shabaab.

11/18/2022 4:01 AM EST
Jimco, November, 18, 2022 (HOL) - Wasiirka Wasaaradda Kallumeysiga iyo Kheyraadka Badda Xukuumadda Fedaraalka Soomaaliya Axmed Xassan Aadan ayaa magaalada Qaahira ee Caasimadda dalka Masar kula kulmay Sayed Alqasiir oo ah wasiirka Beeraha, Xanaanada Xoolaha iyo Kallumaysiga Dowladda Masar.

11/18/2022 3:20 AM EST
Jimco, November, 18, 2022 (HOL) - Dowladda Canada ayaa wada qorshe ay ku masaafurineyso ku dhawaad 500 oo dhalinyaro Soomaaliyeed ah oo ay sheegtay in dalkeeda ay kusoo galeen Baasabooro wadama kale ah.

11/18/2022 2:22 AM EST
Jimco, November, 18, 2022 (HOL) - Afhayeenka TPLF Getachow Reda ayaa mar uu Warbaahinta la hadlayay waxa uu sheegay in dagaalyahannadoodu aysan hubka dhigi doonin ilaa Ciidamada Eritariya iyo kuwa degaanka Axmaaradu ka baxaan dhulka Tigray.

11/18/2022 1:05 AM EST
Jimco, November, 18, 2022 (HOL) - Wararka naga soo gaaraya deegaanka Mabaax oo ka mid ah deegaanada hoostaga degmada Moqokori ee gobolka Hiiraan ayaa sheegaya in aroornimadii hore ee saakay uu halkaasi ka dhacay dagaal culus oo u dhaxeeyay ciidanka dib u xureynta deegaanka iyo kuwa Al-shabaab.