6/28/2022
Today from Hiiraan Online:  _
Wararka Maanta- Sabti, May 7 , 2022
Guddoomiyaha Golaha Shacabka oo Maanta Kulamo la kala qaatay Xogayaha Guud ee Qaramada Midoobay iyo Danjiraha Imaaraadka Carabta

Sabti, May, 7, 2022 (HOL) - Guddoomiyaha Golaha Shacabka Baarlamaanka Soomaaliya Sheekh Aadan Maxamed Nuur ayaa tan iyo markii la shaaciyay xiliga ay qabsoomeyso doorashada madaxweynaha dalka Soomaaliya waxa uu magaalada Muqdisho ka waday kulamo gooni gooni ah oo uu ku dardar galinaayo howlaha doorashada madaxweynaha dalka.

Guddoomiye Sheekh Aadan Madoobe ayaa Maanta kulamo gaar gaar ah hoygiisa kula kala yeeshay Wakiilka Xogayaha Guud ee Qaramada Midoobay James Swan iyo Safiirka Imaaraadka Carabta Mohamed Ahmed Alhammadi.

Sheekh Aadan Madoobe iyo Wakiilka Xogayaha guud ee Qaramada Midoobay James Swan ayaa ka wada hadlay dhameystirka doorashada inta ka dhiman iyo sidii ay ugu soo gabagabobi laheyd jawi xasiloon.

Wakiilka Xoghayaya guud ee Qaramada Midoobay ayaa dhankiisa u sheegay guddoomiyaha Golaha Shacabka in Qaramada Midoobay ay diyaar u la tahay in guddoomiyaha Golaha Shacabka Baarlamaanka 11-aad ee dalka, iney ka gacan siiyaan sidii ay howlaha doorashada si guul ah ugu soo dhamaan lahayd.

James Swan ayaa ku bogaadiyay magacaabista deg dega ah ee guddiga qabanqaabada doorashada Madaxweynaha iyo ku dhawaaqista jadwalka doorashada ee ah in la qabanayo doorashada Madaxweynaha 15-ka bishaan May.

Kulankaan dhexmaray guddoomiyaha Golaha Shacabka iyo Xogayaha guud ee Qaramada Midoobay ayaa imaanaya xili saacado kooban ka hor ay kulan wada yeesheen Gudoomiye Sheekh Aadan Madoobe iyo Safiirka Imaaraadka Carabta u fadhiya Soomaaliya Mohamed Ahmed Al Hammadi, kaaso guddoomiyaha Golaha Shacabka ugu sheegay inuu dalkiisa uga sido dhambaal hambalyo ah.

Guddoomiyaha Golaha Shacabka oo dhankiisa guddoomay hambalyada ayaa Safiirka Imaaraadka Carabta kula dardaarmay in ay sii laba jibbaaraan dadaalada horumarineed ay dalka ka wadaan iyo sii xoojinta xiriirka iyo iskaashiga labada dal.


Jamaal Cali Cabdi, Hiiraan Online












Click here
5/7/2022 3:23 PM EST
Sabti, May, 7, 2022 (HOL) - 26 musharrax oo Soomaali-Britian ah ayaa ku guuleysatay doorashooyin golaha deegaanada ee dalka Britain. Waana markii ugu horeysay taariikhada dalka Britain oo tiro intaa la eg oo ka soo wadada jeeda Soomaali

5/7/2022 12:11 PM EST
Sabti, May, 7, 2022 (HOL) - Guddiga qaban qaabada doorashada madaxweynaha Soomaaliya ayaa soo saaray sharuudaha looga baahan yahay Musharaxiinta dooneysa iney u tartamaan xilka Madaxweynaha Soomaaliya.

5/7/2022 9:16 AM EST
Sabti, May, 7, 2022 (HOL) - Wasaarada Howlaha Guud iyo Guryaynta Somaliland iyo Dowlada Hoose ee Hargaysa, ayaa ka heshiiyay khilaaf ka dhashay guddiyo is khilaafsan oo labada dhinac u kala magacaabeen dib u dhiska suuqa Waaheen.

5/7/2022 7:38 AM EST
Sabti, May, 7, 2022 (HOL) - DR. Maxamed Cabdi Gaboose, oo ah siyaasi iyo dhakhtar caan ka ah Somaliland oo 4, April, 2021 ku dhawaaqay in uu siyaasada ka fadhiistay, ayaa ku dhawaaqay in uu furanayo urrur siyaasadeed.

5/7/2022 7:22 AM EST
Sabti, May, 7, 2022 (HOL) - Barlamaanka maamulka Puntland ayaa rajo xumo ka muujiyay dadaallo lagu doonayay in xal looga gaaro khilaafka siyaasadeed ee xilligan ka dhex taagan madaxweynaha Puntland Siciid Cabdullaahi Deni iyo ku xigeenkiisa Axmed Karaash.

5/7/2022 5:06 AM EST
Sabti, May, 7, 2022 (HOL) - Wasiirka Warfaafinta Xukuumadda Federaalka ah ee Soomaaliya Cismaan Abokar Dubbe ayaa magaalada Addis Ababa ee dalka Itoobiya kula kulmay Wasiirka Warfaafinta Federaalka Itoobiya Dr Legesse Tulu oo ay ka wadahadleen xiriirka labada dal iyo iskaashiga warbaahinta.

5/7/2022 4:58 AM EST
Sabti, May, 7, 2022 (HOL) - Dabley bastoolado ku hubeysan ayaa Xalay gudaha magaalada Baledweyne dil ugu geystay askari ka tirsanaa ciidanka Militariga Dowladda Soomaaliya.

5/7/2022 3:35 AM EST
Sabti, May, 7, 2022 (HOL) - Xiriirka kubadda cagta Soomaaliya ayaa sheegay in loo baahan yahay in wax badan laga baddelo nidaamka sanadihii lasoo dhaafay loo maamulayay labada heer ee horyaalka kubadda cagta Soomaaliya.

5/7/2022 2:44 AM EST
Sabti, May, 7, 2022 (HOL) - Ciidamada Burundi ee qeybta ka ah howlgalka Midowga Afrika ee ATMIS ee ku sugan deegaanada Ceelbaraf iyo Miirtaqwa oo hoos yimaada degmada mahadaay ee gobolka Sh/dhexe ayaa halkaasi ka bilaabay howlgalo ay ku xaqiijinayaan amaanka deeganada ay ku sugan yihiin.