6/30/2022
Today from Hiiraan Online:  _
Wararka Maanta- Jimco, May 6 , 2022
Guddoomiyaha Golaha Shacabka oo kala hadlay Ururada Buslaha Rayidka arrimaha doorashada Madaxweynaha

Jimco, May, 6, 2022 (HOL) - Guddoomiyaha Golaha Shacabka Sheekh Aadan Maxamed Nuur ayaa Maanta hoygiisa kulan kula qaatay qeybaha kala duwan ee Ururadda bulshada rayidka ah, kaasoo looga hadlay kaalinta ay ururada bulshada rayidka ah ka qaadan karaan arrimaha doorashada madaxweynaha dalka oo lagu wado iney dhici doonto 15-ka bishaan May.

Guddoomiye Sheekh Aadan Madoobe ayaa saacadahii lasoo dhaafay waxa uu magaalada Muqdisho ka waday kulamo uu ku dardar galinaayo howlaha qabashada doorashada madaxweynaha Jamhuuriyadda Fedaraalka Soomaaliya.

Guddoomiyaha Golaha Shacabka ayaa ku booriyey bulshada rayidka in ay kaalintooda horumarineed ay sii laba jibaaraan, islamarkaana ayna ka qeyb qaataan door wanaagsan oo ku aadan qabsoomida doorashada madaxweynaha dalka.

Ururada bulshada rayidka ee kulanka la qaatay guddoomiyaha Golaha Shacabka ayaa dhankooda uga mahadceliyay kulanka, iyagoona u balan qaaday guddoomiyaha Golaha Shacabka iney garab ku siinayaan inta ay awoodaan qabsoomida howlaha doorashada madaxweynaha Soomaaliya.

Mudo 9 maalmood ah ayaa ka dhiman waqtiga loo qorsheeyay in la qabto doorashada madaxweynaha 10-aad ee Jamhuuriyadda Fedaraalka Soomaaliya, waxaana u sharaxan Musharaxiin kor u dhaafeyaa 20 meeyo oo uu qeyb ka yahay madaxweynaha mudo xileedkiisa dhamaaday ee Farmaajo, waxaana xusid mudan in qabsoomida doorashadaan ay soo jiitameysay hal sano ka badan.

Jamaal Cali Cabdi, Hiiraan Online












Click here
5/6/2022 11:23 AM EST
Jimco, May, 6, 2022 (HOL) - Wasiirkii hore ee Warfaafinta Dowladda Federaalka Soomaaliya Mudane Cabdukhaadir Xussen Maxamed Jaahweyn, ayaa xalay magaalada Muqdishu ku shaaciyay in uu yahay musharrax u taagan xilka Madaxweynaha Jamhuuriyadda Federaalka Soomaaliya.

5/6/2022 11:06 AM EST
Jimco, May, 6, 2022 (HOL) - Dowladda Fedaraalka Soomaaliya ayaa weydiisatay hay'adda IMF inay dib ugu dhigto muddo saddex bilood oo dheeraad ah qiimeyn dib u habeynta barnaamijkeeda dhaqaalaha, kaasi oo muddeysan 17-ka bishan May oo ku beegan laba maalmood kadib xiliga doorashada Madaxweynaha cusub ee dalka Soomaaliya.

5/6/2022 6:50 AM EST
Jimco, May, 6, 2022 (HOL) - Dagaalamayaal ka tirsan Al-shabaab ayaa Maanta weerar madaafiic ah ay ku qaadeen Saldhig ciidamada Burundi ay ku leeyihiin tuulada Miirtaqawo oo u dhaw deegaanka Ceelbaraf ee gobolka Sh/dhexe.

5/6/2022 4:26 AM EST
Jimco, May, 6, 2022 (HOL) - Wasaaradda Warfaafinta Xukuumadda Federaalka Soomaaliya ayaa hakisay dood loo qaban lahaa musharraxiinta xilka madaxweynaha Soomaaliya, oo ay soo qaban-qaabinayeen ururka aan dowliga aheyn ee Somalia Debates.

5/6/2022 3:55 AM EST
Jimco, May, 6, 2022 (HOL) - Dowladda Mareykanka ayaa si adag u cambaareysay weerarkii 3-dii bishaan ka dhacay deegaanka Ceelbaraf ee gobolka sh/dhexe, kaasoo dagaalyahano ka tirsan Al-shabaab ay ku qaadeen Saldhig ciidamada Burundi ee ka mid ka ah howlgalka Midowga Afrika ee ATMIS ay ku leeyihiin deegaankaasi.

5/6/2022 1:10 AM EST
Jimco, May, 6, 2022 (HOL) - Guddiga doorashada maamulka Hirshabeelle ayaa xalay magaalada Jowhar ee xarunta gobolka Sh/dhexe ku qabtay doorashada labadii kursi ee ugu dambeysay kuraasta ku dhineyd Hirshabeelle, islamarkaana aheyd guud ahaan labada kursi ee ka harsaneyd kuraasta Golaha Shacabka.

5/6/2022 1:07 AM EST
Jimco, May, 6, 2022 (HOL) - Guddoomiyaha Golaha Shacabka Sheekh Aadan Maxamed Nuur oo ay weheliyaan guddoomiye ku xigeenka 1-aad ee Golaha Aqalka Sare Cali Shacbaan Ibraahim iyo guddoomiye ku xigeenka 2-aad ee Golaha shacabka Cabdullaahi Cumar Abshirow ayaa kulan la qaatay gudigga Isku dhafka ah ee qabanqaabada Doorashada madaxweynaha Soomaaliya.