6/25/2022
Today from Hiiraan Online:  _
Wararka Maanta- Jimco, May 6 , 2022
Al-shabaab oo weerar madaafiic ah ku qaaday deegaanka Miirtaqwa ee gobolka Sh/dhexe
 

Jimco, May, 6, 2022 (HOL) - Dagaalamayaal ka tirsan Al-shabaab ayaa Maanta weerar madaafiic ah ay ku qaadeen Saldhig ciidamada Burundi ay ku leeyihiin tuulada Miirtaqawo oo u dhaw deegaanka Ceelbaraf ee gobolka Sh/dhexe.

Dadka deegaanka Miirtaqwa oo la hadlay qaarkood Warbaahinta gudaha ayaa sheegay in tiro madaafiic ah lagu garaacay Saldhiga deegaanka Miirtaqwa oo ay dagan yihiin ciidamo ka tirsan kuwa Burundi ee ka mid ka ah howlgalka Midowga Afrika ee ATMIS.

Waxaa sidoo kale ay sheegeen dadka deegaankaasi in ciidamada Burundi ay dhankooda ka jawaab celiyeen weerarka madaafiicda ah ee lagu soo garaacay xerada ay ka dagan yihiin deegaan Miirtaqwa ee gobolka Sh/dhexe.

Lama oga khasaaraha rasmiga ah ee ka dhashay madaafiicda labada dhinac ay isku adeegaadeen, mana jirto wax war ah oo kasoo baxay labada dhinac oo ku aadan khasaaraha ay geysteen madaafiicda ay is weedaarsadeen.

Weerarkaan madaafiicda ah ee Maanta Al-shabaab ku qaadeen Saldhiga deegaanka Miirtaqwa oo u dhaw deegaanka Ceelbaraf ayaa imaanaya xili 3-dii bishaan dagaalamayaasha Al-shabaab weerar khasaare badan geystay ay ku qaadeen Saldhiga ciidamada Burundi ku leeyihiin deegaanka Ceelbaraf ee gobolka Sh/dhexe, kaasoo ay shabaab sheegteen iney ku dileen 173 askri oo u dhashay dalka Burundi.

Jamaal Cali Cabdi, Hiiraan Online












Click here
5/6/2022 11:23 AM EST
Jimco, May, 6, 2022 (HOL) - Wasiirkii hore ee Warfaafinta Dowladda Federaalka Soomaaliya Mudane Cabdukhaadir Xussen Maxamed Jaahweyn, ayaa xalay magaalada Muqdishu ku shaaciyay in uu yahay musharrax u taagan xilka Madaxweynaha Jamhuuriyadda Federaalka Soomaaliya.

5/6/2022 11:06 AM EST
Jimco, May, 6, 2022 (HOL) - Dowladda Fedaraalka Soomaaliya ayaa weydiisatay hay'adda IMF inay dib ugu dhigto muddo saddex bilood oo dheeraad ah qiimeyn dib u habeynta barnaamijkeeda dhaqaalaha, kaasi oo muddeysan 17-ka bishan May oo ku beegan laba maalmood kadib xiliga doorashada Madaxweynaha cusub ee dalka Soomaaliya.

5/6/2022 7:26 AM EST
Jimco, May, 6, 2022 (HOL) - Guddoomiyaha Golaha Shacabka Sheekh Aadan Maxamed Nuur ayaa Maanta hoygiisa kulan kula qaatay qeybaha kala duwan ee Ururadda bulshada rayidka ah, kaasoo looga hadlay kaalinta ay ururada bulshada rayidka ah ka qaadan karaan arrimaha doorashada madaxweynaha dalka oo lagu wado iney dhici doonto 15-ka bishaan May.

5/6/2022 4:26 AM EST
Jimco, May, 6, 2022 (HOL) - Wasaaradda Warfaafinta Xukuumadda Federaalka Soomaaliya ayaa hakisay dood loo qaban lahaa musharraxiinta xilka madaxweynaha Soomaaliya, oo ay soo qaban-qaabinayeen ururka aan dowliga aheyn ee Somalia Debates.

5/6/2022 3:55 AM EST
Jimco, May, 6, 2022 (HOL) - Dowladda Mareykanka ayaa si adag u cambaareysay weerarkii 3-dii bishaan ka dhacay deegaanka Ceelbaraf ee gobolka sh/dhexe, kaasoo dagaalyahano ka tirsan Al-shabaab ay ku qaadeen Saldhig ciidamada Burundi ee ka mid ka ah howlgalka Midowga Afrika ee ATMIS ay ku leeyihiin deegaankaasi.

5/6/2022 1:10 AM EST
Jimco, May, 6, 2022 (HOL) - Guddiga doorashada maamulka Hirshabeelle ayaa xalay magaalada Jowhar ee xarunta gobolka Sh/dhexe ku qabtay doorashada labadii kursi ee ugu dambeysay kuraasta ku dhineyd Hirshabeelle, islamarkaana aheyd guud ahaan labada kursi ee ka harsaneyd kuraasta Golaha Shacabka.

5/6/2022 1:07 AM EST
Jimco, May, 6, 2022 (HOL) - Guddoomiyaha Golaha Shacabka Sheekh Aadan Maxamed Nuur oo ay weheliyaan guddoomiye ku xigeenka 1-aad ee Golaha Aqalka Sare Cali Shacbaan Ibraahim iyo guddoomiye ku xigeenka 2-aad ee Golaha shacabka Cabdullaahi Cumar Abshirow ayaa kulan la qaatay gudigga Isku dhafka ah ee qabanqaabada Doorashada madaxweynaha Soomaaliya.