6/27/2022
Today from Hiiraan Online:  _
Wararka Maanta- Khamiis, May 5 , 2022
Iska hor imaad sababay dhimasho iyo dhaawac oo ka dhacay degmada Wadajir ee magaalada Muqdisho

Khamiis, May, 5, 2022 (HOL) - Warar dheeraad ah ayaa kasoo baxaya iska hor imaad geystay khasaare dhimasho iyo dhaawacba leh oo Maanta ku dhexmaray degmada Wadajir ee magaalada Muqdisho askar ka tirasaneyd ciidanka dowladda Soomaaliya.

Iska hor imaadka dhexmaray askarta ka wada tirsaneyd Militariga Soomaaliya ayaa ka dhacay xaafada Tarabuushka oo ka mid ah xaafadaha degmada Wadajir, waxaana la sheegay inuu iska hor imaadka uu dhexmaray askar isku qoys aheyd oo ku dagaalamay is qabqabsi ka bilaawday murum dhuleed.

Inta la xaqiijiyay 2 askari ayaa ku dhimatay is rasaaseynta saakay waxaana ku dhaawacmay laba kale oo ka mid aheyd dhinacyada dagaalka uu ku dhexmaray degmada Wadajir ee magaalada Muqdisho.

Xaalada Xaafada Tarabuushka ee degmada Wadajir ayaa haatan ah mid dagan, walow dadka xaafadaasi ay wali dareemayaan cabsi ku aadan inuu markale dib u qarxo dagaalka u dhaxeeya askartaan isku qoyska ah, mana jirto weli wax hadal ah oo kasoo baxay saraakiisha laamaha amaanka iyo masuuliyiinta degmada Wadajir oo ku aadan dhacdadaan sababtay dhimasho iyo dhaawaca.

Jamaal Cali Cabdi, Hiiraan Online












Click here
5/5/2022 11:05 AM EST
Khamiis, May, 5, 2022 (HOL) - Xafiiska Hantidhawrka guud ee Qaranka Soomaaliya ayaa soo saaray amar ku socda dhamaan hay'addaha dowladda Fedaraalka Soomaaliya oo ku aadan ineysan gali karin wax heshiisyo ah.

5/5/2022 8:33 AM EST
Khamiis, May, 5, 2022 (HOL) - Guddiga Doorashada Madaxweynaha Soomaaliya, oo maanta kulan ku yeeshay magaalada Muqdisho, ayaa waqtiyeeyey in doorashada madaxweynaha dalka la qabto 15-ka bishan May.

5/5/2022 8:30 AM EST
Khamiis, May, 5, 2022 (HOL) - Wasaaradda warfaafinta ayaa joojisay dood warbaahineed oo urur lagu magaacabo Somali debates uu u qaban lahaa musharraxiinta u taagan xilka madaxweynaha dowladda federalka Soomaaliya.

5/5/2022 7:59 AM EST
Khamiis, May, 5, 2022 (HOL) - Senator Cabdiqani Geelle Maxamed oo katirsan aqalka sare ayaa ku guulaystay guddoomiyaha guddiga isku dhafka ah ee qabanqaabada doorashada Madaxwaynaha Soomaaliya.

5/5/2022 4:26 AM EST
Khamiis, May, 5, 2022 (HOL) - Dowladda Maraykanka ayaa sheegtay in haweeney u dhalatay dalka Holland lagu helay dambi ah in ay lacag u aruurineysay kooxda Al-Shabaab.

5/5/2022 1:27 AM EST
Khamiis, May, 5, 2022 (HOL) - Madaxweyne ku xigeenka Puntland Axmed Cilmi Cismaan Karaash ayaa xilalkii ka qaaday wasiirradii arrimaha gudaha, maaliyadda iyo amniga Puntland, isagoo ku beddelay wasiirro cusub.

5/5/2022 1:24 AM EST
Khamiis, May, 5, 2022 (HOL) - Muwaadin Soomaaliyeed oo lagu Magacaabi jiray Mowliid Xuseen Gacal, ayaa ALLAHA u Naxariistee burcad hubeeysan waxa ay ku dileen Tuulada Phillipi oo ka tirsan Magaalada Cape Town ee Dalka Koonfur Afrika.