7/2/2022
Today from Hiiraan Online:  _
Wararka Maanta- Khamiis, Jun 23, 2022
Itoobiya : Xujaydii kasoo xajiyi lahayd sannadkan dalka Itoobiya oo ay dhibaato lasoo daristay
 

Khamiis, Juun, 23, 2022 (HOL) - Dalka Itoobiya dadkii loo qorsheeyay inay sannadkan xajka ka tagaan ayay dhibaato lasoo daristay, kaddib markii maamulka sare ee Arrimaha Islaamka ee Itoobiya ay dadkaasi u sheegeen inaan loo wada hayn lacag Dollar ah oo lasiiyo.

Ilaa hadda dadka loo helay dollar ay ku tagaan xajka ayaa tiradooda lagu sheegay ilaa 3000 oo xujay, halka 1000 xujay ahna la ogaysiiyay inay sugaan inta lacag dollar ah loo helayo, iyadoo tirada xujayda loo oggolaaday sannadkan inay dalka Itoobiya kasoo xajiyaan ay ahayd ku dhawaad 12,000 oo xujay ah.

Arrintan ayaa ka dhigan in xujaydii ugu badnayd ee kasoo xajiyi lahayd Itoobiya ay sannadkan ka baaqanayaan xajka, sababo la xiriira lacagtii dollarka ahayd ee ay usii qaadan lahaayeen xajka oo loo waayay.

Lama oga waxa keenay in dollar loo waayo xujaydan kasoo xajiyi lahayd Itoobiya, balse dadka intiisa badan ayaa dhibaatadan u sababaynaya khilaafka xooggan ee soo kala dhex galay culimada u sarreysa ee hoggaanka u haya Xafiiska Golaha sare Arrimaha Islaamka ee Itoobiya, taas oo keentay inay xujaydani waayaan cid qaabisha cabashadooda oo xal u raadisa.

Waxaa xusid mudan in dadkan xajka loo diyaariyay ay ka kala yimaaddeen degaannada uu ka kooban yahay dalka Itoobiya, iyagoo kasoo gudbay su'aalihii iyo shuruuddii xujayda looga baahnaa, haddana ay ku sugan yihiin magaalada Addis Ababa oo ah halja ay ka ambabixi lahaayeen, lacago tiro badana laga qaaday dadkan xajka loo diyaariyay, balse uu lasoo darsay dhibkan amakaaga ku noqday.

Dalka Itoobiya oo nasiib u helay inay kasoo xajiyaan dad kor u dhaafaya 10,000 oo qof ayaa laga yaabaa inay xajka ka tagaan tiro xitaa kala badh aan gaarayn tiradii hore ee loo oggolaaday, iyadoo aan wada xasuusanahay in Itoobiya ay ku nool yihiin muslimiin aad u badan.

Abdilahi Jawhar, Hiiraan Online
[email protected]












Click here
6/23/2022 11:10 AM EST
Khamiis, Juun, 23, 2022 (HOL) - Sida Madaxtooyada Somaliland baahisay, madaxweynaha Somaliland Muuse Biixi Cabdi, ayaa kulan fogaan arag ah arrimaha doorashooyinka kala yeeshay 11 safiiro iyo dibulumaasiyiin reer Yurub ah.

6/23/2022 9:31 AM EST
Khamiis, Juun, 23, 2022 (HOL) - Burcad hubeysan oo u dhalatay dalka Koofur Afrika ayaa dil u geysatay Muwaadin Soomaaliyeed oo ka mid ahaa ganacsatada Soomaaliyeed ee ku noola dalkaasi.

6/23/2022 9:18 AM EST
Khamiis, Juun, 23, 2022 (HOL) - Gabadh lagu magacaabo Nimco Jaamac Xasan oo ah 16 sanno jir degan magaalada Caynaba ee Somaliland, ayaa sheegtay in ay kufsadeen askar booliis ah, waxayna dalbatay cadaalad.

6/23/2022 9:07 AM EST
Khamiis, Juun, 23, 2022 (HOL) - Ciidanka Booliiska Somaliland ee degmada Maxamed Mooge ee magaalada Hargaysa, ayaa gacanta ku dhigay 419 litir oo khamri ah, saddex eedaysane iyo baabuurkii lagu siday.

6/23/2022 7:39 AM EST
Khamiis, Juun, 23, 2022 (HOL) - Maleyshiyo beeleed is abaabulay ayaa xirtay waddada isku xirta magaalooyinka Garowe iyo Gaalkacyo ee Puntland, iyadoo halkaas ay haatan ku xaniban yihiin in ka badan 50 kamid ah gaadiidka xamuulka qaada.

6/23/2022 3:57 AM EST
Khamiis, Juun, 23, 2022 (HOL) - Ciidamada xoogga dalka Soomaaliyeed gaar ahaan ururka 5-aad ee guutada 16-aad ee Danab iyo ciidamada Hay'adda Sirdoonka iyo Nabadsugida Jubbaland ayaa howlgallo qorsheysan ka fuliyey deegaano ku yaala galbeedka magaalada Kismaayo oo ay ka mid yihiin Beerxaani, Qudus, Dharkeyn Urur, yaaq dabayl iyo Barjalla ee gobolka Jubbada hoose.

6/23/2022 3:42 AM EST
Khamiis, Juun, 23, 2022 (HOL) - Bangiga Adduunka ayaa ansixiyay 143 milyan oo doolar oo loogu talagalay si loogu caawiyo dadka nugul ee Soomaaliyeed si ay uga gudbaan xaaladaha abaarta iyo cunno yarida sii kordhaysa ee dalka oo dhan.

6/23/2022 1:42 AM EST
Khamiis, Juun, 23, 2022 (HOL) - Cabdiraxmaan Shirwac Aw-siciid (Laahoor) oo lagu sheegay inuu yahay hoggaamiyaha shakabad katirsan Alshabaab oo qaraxyada iyo dilalka qorshaysan ka geysan jiray Boosaaso, ayaa kasoo hadlay warbaahinta isagoo beeniyay dambiga loo haysto.

6/23/2022 1:36 AM EST
Khamiis, Juun, 23, 2022 (HOL) - Kulan ay yeesheen madaxweynaha Somaliland Muuse Biixi Cabdi iyo danjiraha faransiiska ee Kenya Aline Kuster-menager, ayaa lagaga wada hadlay, doorashooyinka, iskaashiga ganacsiga iyo wadahadalada Somaliland iyo Soomaaliya.